ភេសជ្ជៈក្រលៀនខ្លាចបំផុត កាន់តែផឹក ក្រលៀនកាន់តែឆាប់ខូចទាំងក្មេង
ជារៀងរាល់ថ្ងៃបងប្អូនមានទម្លាប់ផឹកភេសជ្ជៈអ្វីខ្លះ? ហើយមានដឹងអត់ថាភេសជ្ជៈអ្វីដែលបងប្អូនគួរកាត់បន្ថយនឹងចៀសវាងឱ្យបានច្រើន។ ពីព្រោះក្រុមភេសជ្ជៈទាំងនេះគឺជាប់ជាភេសជ្ជៈដែលប៉ះពាល់ក្រលៀនខ្លាំងបំផុត កាន់តែផឹកក្រលៀនកាន់តែឆាប់ខូច កាន់តែផឹកក្រលៀនអ្នកនឹងឆាប់ក្រៀមស្វីតទាំងក្មេងជាក់ជាមិនខាន។
ខាងក្រោមនេះគឺជាភេសជ្ជៈក្រលៀនខ្លាចបំផុត កុំផឹកច្រើនពេកប្រយ័ត្នបានលាងឈាមទាំងក្មេង។
-ភេសជ្ជៈកំប៉ុង៖ ប្រភេទភេសជ្ជៈមានសារធាតុកាបូន មានបន្ថែមពណ៌ក្រុមភេសជ្ជៈប្រភេទនេះគឺគ្រោះថ្នាក់ខ្លាំងណាស់ដល់ក្រលៀនរបស់អ្នក បើអ្នកនៅតែបន្ដផឹកទាំងព្រឹកទាំងថ្ងៃ ១ថ្ងៃ២ទៅ៣កំប៉ុង ហើយអ្នកជាមនុស្សដែលមិនសូវបញ្ចេញសកម្មភាពច្រើន មិនសូវហាត់ប្រាណបញ្ចេញញើសនោះកាន់តែប្រឈមគ្រោះថ្នាក់ខ្លាំងមែននទែនដល់គ្រឿងក្នុងរបស់អ្នកជាពិសេសគឺក្រលៀន។ បន្ថែមលើសពីនេះអ្នកអាចប្រឈមនឹងជំងឺផ្សេងៗផងដែរ ដូចជាជំងឺទឹកនោមផ្អែម លើសឈាម ជាដើម។
-ទឹកផ្លែឈើកំប៉ុនមានដាក់សារធាតុរក្សាទុក៖ ប្រភេទទឹកផ្លែឈើកំប៉ុងដែលមានដាក់សារធាតុរក្សាទុក ដាក់ក្លិនផ្លែឈើ ជាដើមមិនល្អសម្រាប់សុខភាពរបស់បងប្អូនទេ។ កាលណាបងប្អូនកាន់តែផឹក អាចធ្វើឱ្យគ្រឿងក្នុងរបស់បងប្អូនកាន់តែខ្សោយ ដូចជាក្រលៀនជាដើមគឺឆាប់ប៉ះពាល់ជាងគេ។ ដូច្នេះបើបងប្អូនចង់ផឹកទឹកផ្លែឈើ គួរតែជ្រើសរើសប្រភេទទឹកផ្លែឈើគៀបស្រស់ៗយកមកផឹកភ្លាមល្អជាង រសជាតិឆ្ងាញ់ហើយ ជួយសុខភាពរបស់បងប្អូនទៀត។
ជាចុងក្រោយគ្មានភេសជ្ជៈអ្វីដែល ល្អជាងទឹកធម្មតាទេបងប្អូនកាន់តែផឹកដូចជួយឱ្យតម្រងនោមរបស់បងប្អូនធ្វើការបានល្អបានលឿន ច្រោះយកជាតិពុល កាកសំណល់ចេញពីរាងកាយរបស់បងប្អូន៕