មីគឺជាអាហារក្រៀមដែលត្រូវបានមនស្សជាតិទូទៅពេញនិយមក្នុងការបរិភោគដោយសារតម្លៃធូរថ្លៃ ងាយចម្អិនញុំា និងងាយរកទិញស្រាប់នៅតាមផ្លូវដែលគេលក់ហូរហែ។ទោះជាដឹងថាស្របពេលជាមួយនឹងភាពងាយស្រួលនេះ ក៏អាចមានផលប៉ះពាល់ខ្លាំងដល់សុខភាពនិងអាចឈានដល់អាយុជីវិតរបស់គេ។
តើនៅពីក្រោយប្រភេទមីដែលលាក់បង្កប់សារធាតុគីមីមិនល្អជាច្រើននេះ អាចបណ្ដាលឱ្យអ្នក ទទួលរង់ការកើតជំងឺអ្វីខ្លះនៅពេលអនាគតនិងបញ្ហាសុខភាពនាពេលបរិភោគហើយភ្លាមៗតែយើងមិនបានដឹងខ្លួន?
សារធាតុដែលចម្បងអាចបង្កជាជំងឺដល់យើងគឺអាចមានជាតិប្រៃ ជាតិខ្លាញ់ ប្រភេទថ្នាំគីមីមួយចំនួនដើម្បីរក្សាគុណភាពមីឲ្យនៅបានយូរ ការប្រើកម្ដៅខ្លាំង នៅក្នុងដំណើរការផលិតនិងសារធាតុពណ៌ជាដើម។
ក្នុងនោះគេកត់សម្គាល់ឃើញមានសារធាតុគីមីចម្បងមួយTBHQ (tertiary-butyl hydroquinone) ត្រូវបានគេរកឃើញនៅក្នុងមី នឹងអាហារក្រៀម ក្នុងទឹកអប់និងគ្រឿងសម្អាងមួយចំនួនផងដែរ។សារធាតុគីមីមួយនេះគឺបង្កហានិភ័យខ្ពស់ដល់សុខភាពហើយប្រសិនបើយើងលេប TBHQនេះ ក្នុងបរិមាណ ៥ ក្រាមមនុស្សគឺអាចស្លាប់បានយ៉ាងផុយស្រួយ នេះបើយោងតាមគេហទំព័រscienceblog។
ចំពោះសារធាតុដែលមាននៅក្នុងមីទាំងប៉ុន្មានខាងលើនេះ បើនិយាយចំពោះស្ត្រីពពោះវិញគឺធ្វើឲ្យប៉ះពាល់យ៉ាងខ្លាំងទៅដល់ទារកនៅក្នុងផ្ទៃដូចជាការប៉ះពាល់ទៅលើ ការលូតលាស់ អាចធ្វើឲ្យស្ត្រីមានជំងឺលើសឈាមនាកំឡុងពេលមានគភ៌នេះ ។ អាចបណ្ដាលឱ្យ ក្អួតចង្អោ ភ្លេចភ្លាំង ប៉ះពាល់ផ្លូវចិត្តនិងអាចទៅជាការដួលសន្លប់ក៏មាន។
សម្រាប់មនុស្សទូទៅក៏កើតជំងឺមិនអន់ដែរដោយអាច ប៉ះពាល់ផ្នែករំលាយអាហារ សម្ពាធឈាមឡើងដែលបណ្ដាលអោយកើតជំងឺបេះដូងការដាច់សរសៃឈាមជាដើម បង្កឲ្យកើតជំងឺមហារីក ប៉ះពាល់ថ្លើមនិងតម្រង់នោម ជាដើម។
យោងតាមប្រសាសន៍របស់ឧកញ៉ាវេជ្ជបណ្ឌិត គួច ម៉េងលី កន្លងមកបានឲ្យដឹងថាការទទួលទានមីរាល់ថ្ងៃគ្រប់ពេលជួបជាប់គ្នារយៈពេល 1 ខែគឺអ្នកអាចស្លាប់បានព្រោះនៅក្នុងមីមានសារធាតុគីមីជាច្រើន។យោងតាមប្រសាសន៍របស់លោកចេញជ្ជបណ្ឌិតដដែល បានឱ្យដឹងថាគេរកឃើញ៦៨% នៃអ្នកចូលចិត្តទទួលទានមីពីរទៅបីដងក្នុងមួយសប្ដាហ៍ទទួលរងប៉ះទង្គិចចម្រុះទៅលើសុខភាព ហើយវាអាចវិវដ្ដទៅរកភាពធ្ងន់ធ្ងរបំផុត។ ក្នុងនោះវាបង្កទៅជាជំងឺបេះដូង ជំងឺ Stroke ជំងឺទឹកនោមផ្អែម ជំងឺលើសឈាម ជំងឺខ្លាញ់កកក្នុងឈាម និងជំងឺលើសជាតិស្ក។ ការបង្ករោគចម្រុះបែបនេះ គឺដោយសារតែសារធាតុគីមីនៅក្នុងសរសៃមី ដើម្បីរក្សាមីទុកបានយូរ និងសារធាតុបន្ថែមមួយចំនួនទៀតដែលមិនមែនជារបស់ធម្មជាតិនេះឯង។
បន្ថែមពីលើនេះបើយោងតាម លោកវេជ្ជបណ្ឌិត គួច ម៉េងលី ណែនាំថា បើការទទួលទានមីច្រើនហួសហេតុធ្វើឱ្យប៉ះទង្គិចច្រើនដល់សុខភាពយ៉ាងដូច្នេះ លោកផ្ដល់យោបល់ឱ្យចៀសវាងការទទួលទានមីជាប្រចាំ ជាពិសេសក្មេងវ័យជំទង់ សិស្ស និស្សិត និងអ្នកដែលរវល់នឹងការងារគ្មានពេលវេលាគ្រប់គ្រាន់ចម្អិនអាហារ។ ត្រង់ចំណុចនេះ លោកឪពុកអ្នកម្ដាយដែលស្រឡាញ់កូនគួរគប្បីគិតគូពីសុខភាពពួកគេ ដោយចៀសវាងកុំឱ្យពួកគាត់ទទួលទានមីញឹកញាប់ពេក។
តែបើទោះបីជាយ៉ាងណាក៏ដោយក្នុងជីវភាពរស់នៅរបស់យើងគឺមិនអាចជៀសផុតពីការបរិភោគមីឡើយ ហេតុនេះអ្នកអាចសាកល្បងតាមការពិសោធន៍និងស្រាវជ្រាវគេបានរកជើញវិធីសាស្រ្ត៣ យ៉ាងក្នុងការកត់សម្គាល់ឲ្យដឹងថាមីនោះមានកម្រិតសារធាតុគីមីដែលអាចផ្ដល់ផលប៉ះពាល់ហើយនិងសុខភាព៖
១.ការសង្កេតមើលទឹកឆុងមី:នៅពេលដែលអ្នកឆុងអ្នកអាចសាកល្បងដូចដាក់ទឹកនិងសាច់មីបញ្ចូលគ្នាដោយមិនចាំបាច់ដាក់គ្រឿងផ្សំចូល។បន្តិចក្រោយមកអ្នកអាចកត់សម្គាល់នូវទឹកមីប្រសិនបើមានពណ៌លឿងមានន័យថាគឺមានសារធាតុគីមីដែលអាចប៉ះពាល់ដល់សុខភាពអ្នក។
២.ការសង្កេតលេងសាច់មី:នៅពេលដែលអ្នកឆុងហើយទឹករាងយូរបន្តិចសត្វមីនឹងចាប់ផ្ដើមរីកធំនិងដាច់ៗចេញពីគ្នា ពោលគឺហាក់បីដូចជាវិលត្រឡប់ទៅសាច់ម្សៅវិញ។
៣.ការសង្កេតលើក្លិន: យោងតាមការពិសោធន៍ដែលបានបង្ហាញថាអ្នកអាចហិតក្លិនប្រសិនបើមានសារធាតុគីមីដែលបង្កហានិភ័យដល់សុខភាពអ្នកគឺវាហាក់មានក្លិនដូចជាថ្នាំតែបើមីមិត្តមានសារធាតុគីមីទឹកមិនបង្កគ្រោះថ្នាក់ធ្ងន់គឺមានក្លិនរបៀបជាម្សៅ។ នេះបើតាមការពិសោធន៍របស់ព្រឹទ្ធគ្រូបង្គោលអាស៊ានដែលធ្វើការពិសោធន៍នាពេលកន្លងមកនេះ។
សម្រាប់មីដែល មិនមានផលប៉ះពាល់ច្រើន គឺមានទឹកថ្លាល្អ មិនមានក្លិនថ្នាំ និងមិនរីកមឫដាច់ៗពីគញនាឡើយ ហើយវាអាចធ្វើមកពីវត្ថុធាតុដើមធម្មជាតិ។តែទោះបីជាយ៉ាងណាក៏នៅតែមានផលប៉ះពាល់ហេតុនេះអ្នកត្រូវជៀសវាងឫកាត់បន្ថយកាន់តែច្រើនគឺកាន់តែល្អ។
មិនថាមីឫប្រភេទអាហារផ្សេងៗមុននឹងទទួលទានអ្នកត្រូវដឹងព៌ត័មានឫប្រវត្តិវាឱ្យច្បាស់ ព្រោះអាយុជីវិតអ្នកគឺអាចនិយាយបានថាផ្ញើរលើ ការទទួលអាហារប្រចាំថ្ងៃនេះនេះឯង។ហើយបើអ្នកទទួលទានដោយមិនប្រុងប្រយ័ត្នមិនបានគិតទេ មិនយូរមិនឆាប់វានឹងឱ្យផលចេញមកជាមិនខាន។
អត្ថបទបន្ថែម៖
១.វិធីកាពារសុខភាពកុំឱ្យកើតមានជំងឺនារដូវវស្សា
២.ទទួលទានភេសជ្ជៈផ្អែមមិនលុះថ្ងៃ អាចបង្កឱ្យកើតជំងឺធ្ងន់អ្វីខ្លះទៅថ្ងៃមុខ?
អត្ថបទ៖ ភោគ ម៉ារី