នាថ្ងៃទី២២ ខែ តុលា ឆ្នាំ២០២៣នេះ យោងតាមរយៈការផ្សព្វផ្សាយនៅលើផេកផ្លូវការ អាហារូបករណ៍ អភិសន្ដិបណ្ឌិត ស សុខា ស្តីពីការផ្ដល់ជូនអាហារូបករណ៏អភិសន្តិបណ្ឌិត ស សុខា ថ្នាក់ជាតិ សិក្សានៅ វិទ្យាសា្ថនខ្មែរជំនាន់ថ្មី ចំនួន ៤០០កន្លែង មានថ្នាក់បរិញ្ញាបត្ររង ថ្នាក់បរិញ្ញាបត្រ ចំនួន ៣០០កន្លែង និងថ្នាក់បរិញ្ញាបត្រជាន់ខ្ពស់ ចំនួន ១០០កន្លង សម្រាប់ឆ្នាំសិក្សា២០២៣-២០២៤។

ចំពោះអាហារូបករណ៍នេះត្រូវបានផ្ដល់ជូន ដល់សិស្ស-និស្សិតទូទាំង ប្រទេសជាពិសេសសិស្ស-និស្សិត មកពី ខេត្តព្រៃវែង បាត់ដំបង និងខេត្តបន្ទាយមានជ័យ ឱ្យបានជ្រាបថា ក្រុមការងារ អាហារូបករណ៍អភិសន្តិបណ្ឌិត ស សុខា ក្រោមការឧបត្ថម្ភ និងគាំទ្រពី ឯកឧត្តមអតិសន្តិបណ្ឌិត ស សុខា និង លោកជំទាវ អ៊ឹក សួនសុភី បានសហការជាមួយ វិទ្យាស្ថានខ្មែរជំនាន់ថ្មី ផ្តល់ជូនអាហារូបករណ៍ដល់សិស្ស-និស្សិត សម្រាប់ឆ្នាំសិក្សា២០២៣-២០២៤ ចំនួន ៤០០កន្លែង មានថ្នាក់បរិញ្ញាបត្ររង-ថ្នាក់បរិញ្ញាបត្រ ចំនួន ៣០០កន្លែង និង ថ្នាក់បរិញ្ញាបត្រជាន់ខ្ពស់ ចំនួន១០០កន្លែង។

លក្ខខណ្ឌសម្រាប់សិស្ស-និស្សិតដាក់ពាក្យស្នើសុំដើម្បីទទួលបានអាហារូបករណ៍មានដូចខាងក្រោម

- ផ្តល់ជូនសិស្ស-និស្សិតទូទាំងប្រទេស

- សិស្ស-និស្សិតមកពីខេត្តព្រៃវែង បាត់ដំបង និងខេត្តបន្ទាយមានជ័យ(ទទួលបានអាទិភាព)

-សិស្ស-និស្សិតធ្លាប់បានចូលរួមសកម្មភាពការងារសង្គម ឬ មានជីវភាពខ្វះខាត(ទទួលបានអាទិភាព) (ត្រូវភ្ជាប់ជាមួយលិខិតបញ្ជាក់ប៉ាបានចូលរួមសកម្មភាពការងារសង្គម ឬ លិខិតបញ្ជាក់ភាពក្រីក្រចេញដោយអាជ្ញាធរ)

-សិស្ស-និស្សិតត្រូវបំពេញពាក្យស្នើសុំ ប្រវត្តិរូបសង្ខេប សលាកបត្រឯកត្តជន (មានគំរូ)

-សិស្ស-និស្សិតត្រូវបំពេញកិច្ចសន្យាខិតខំរៀនសូត្រ និងគោរពតាមវិធានបទបញ្ជាផ្ទៃក្នុងរបស់ក្រុមការងារ។

លក្ខខណ្ឌជ្រើសរើសកម្រិតសិក្សា

-ថ្នាក់បរិញ្ញាបត្រជាន់ខ្ពស់ ត្រូវមានសញ្ញាបត្រថ្នាក់បរិញ្ញាបត្រ

-ថ្នាក់បរិញ្ញាបត្រ ត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃសមមូល

-ថ្នាក់បរិញ្ញាបត្ររង ត្រូវមានសញ្ញាបត្រមធ្យមសិក្សាទុតិយភូមិ ឬប្រឡងធ្លាប់មធ្យមសិក្សាទុតិយភូមិ។

អាស្រ័យហេតុនេះហើយ​សិស្សនិស្សិតនៅទូទាំងប្រទេសកម្ពុជា បើមានចំណាប់អារម្មណ៍ចង់ដាក់ពាក្យសុំអាហារូបករណ៍ អាចធ្វើការស្នើសុំ តាមរយៈលក្ខខណ្ឌដូចបានរៀបរាប់ខាងលើ៕