យោងតាមការឱ្យដឹងរបស់រដ្ឋបាលក្រុងប៉ោយប៉ែតបានឱ្យដឹងថា នៅថ្ងៃទី១៤ ខែកញ្ញា ឆ្នាំ២០២១កន្លងមកម្សិលមិញនេះ នៅក្រុងប៉ោយប៉ែតមួយប៉ុណ្ណោះ រកឃើញមានករណីឆ្លងកូវីដ១៩រហូតដល់ទៅ១៦១នាក់។

ចុចLike ផេក Healthy Cambodia ដើម្បីទទួលព័ត៌មានសុខភាព និងគន្លឹះថែសុខភាពថ្មីៗ

ការឆ្លងមួយថ្ងៃ១៦១នាក់ នៅក្នុងតំបន់ប្លុកក្រុងប៉ោយប៉ែតនេះ​គឺជាតួលេខដែលកើនឡើងខ្ពស់បំផុតមួយបើធៀបទៅនឹងថ្ងៃទី១១ ខែកញ្ញា ឆ្លងត្រឹមតែ៣៥នាក់, ថ្ងៃទី១២ ខែកញ្ញា ឆ្លង៧០នាក់, ហើយថ្ងៃទី១៣ ខែកញ្ញា ឆ្លង១១២នាក់ នៅក្នុងនោះក្រៅពីករណីឆ្លងនៅថ្ងៃទី១៤ ខែកញ្ញា នេះក៏មានអ្នកជាសះស្បើយចំនួន៨៥នាក់ផងដែរ។

ដោយសារតែតួលេខអ្នកឆ្លងនៅតែខ្ពស់ រដ្ឋបាលក្រុងប៉ោយប៉ែត សូមអំពាវនាវដល់បងប្អូនប្រជាពលរដ្ឋ សូមបង្កើនការប្រុងប្រយ័ត្នបំផុត អនុវត្តឱ្យបានខ្ជាប់ខ្ជួនចំពោះវិធានការ ៣ការពារ ៣កុំ បើគ្មានករណីចាំបាច់ កុំចេញក្រៅផ្ទះ កុំជួបជុំ។ ទោះបីជាបងប្អូនបានចាក់វ៉ាក់ស៊ាំងរួចក៏ពិតមែន ប៉ុន្តែការចូលរួមការពារនៅតែជាកត្តាសំខាន់ក្នុងការការពារការរាតត្បាតនិងជួយឱ្យកម្ពុជាឆាប់បានត្រលប់មកប្រក្រតីវិញ ហេតុនេះ សូមចូលរួមទាំងអស់គ្នា ដើម្បីសហគមន៍យើង៕