ដោយចង់ដឹងច្បាស់ពីការឈឺចាប់របស់ស្រ្តីមានផ្ទៃពោះ លោកHenry McKean អ្នកយកព័ត៌មានវិទ្យុ Newtaks នៅទីក្រុង Dublin (អៀរឡង់) បានសុំឱ្យគិលានុបដ្ឋាយិកា អនុញ្ញាតឱ្យគាត់ក្លែងធ្វើជាស្រ្តីមានផ្ទៃពោះ ដោយភ្ជាប់ជាមួយអេឡិចត្រូត។ នេះបើយោងតាមប្រភព VNexpress។

ជាការពិតណាស់ នៅពេលលោក Henry McKean បានក្លែងធ្វើជាស្ដ្រីមានផ្ទៃពោះដោយភ្ជាប់ជាមួយឧបករណ៍អេឡិចត្រូត ហើយសម្រែករបស់លោក Henry McKean បានបង្ហាញពីការឈឺចាប់យ៉ាងខ្លាំង ដែលគ្រប់គ្នានិយាយថា សម្រែកសំឡេងរបស់លោកប្រៀបដូចសំឡេងសត្វគោត្រូវបានគេសម្លាប់ចឹង។

បន្ទាប់ពីសាកល្បងរួចមក លោក Henry McKean បាននិយាយថា ដើម្បីយល់ពីភាពឈឺចាប់នៃកាសម្រាលកូនរបស់មនុស្សស្រី លោកត្រូវហោះហើរពីប្រទេសអៀរឡង់ទៅកាន់់មន្ទីរពេទ្យឯកជនមួយនៅទីក្រុង Amsterdam របស់ប្រទេសហូឡង់ ហើយនេះក៏ជាមន្ទីរពេទ្យតែមួយគត់ដែលអនុញ្ញាតឱ្យលោកបានស្គាល់រសជាតិនៃភាពឈឺអំឡុងពេលសម្រាលកូនរបស់មនុស្សស្រី។

ជាការពិតណាស់ គិលានុបដ្ឋាយិកានៅមន្ទីរពេទ្យបានរៀបចំឱ្យលោក Henry គេង បន្ទាប់មកក៏បានភ្ជាប់ឧបករណ៍អេឡិចត្រូត ហើយបានអនុវត្តការក្លែងធ្វើជាការចាប់កំណើតបែបមនុស្សស្រី ដើម្បីឱ្យលោក Henry យល់ច្បាស់ពីការឈឺចាប់របស់ម្ដាយ ដែលត្រូវស៊ូទាំងសម្រាលកូនក្នុងរយៈពេលយូរ។ លោក Henry បានប្រើពេលជាង២ម៉ោង ដោយការឈឺចាប់ដ៏គួរឱ្យភ័យខ្លាច។

គិលានុបដ្ឋាយិកាបានធ្វើការភ្ជាប់ឧបករណ៍អេឡិចត្រូតចំនួន០៦ទៅនឹងកាយរបស់លោក Henry ហើយធ្វើឱ្យលោកមានការឈឺចាប់ពេញរាងកាយយ៉ាងខ្លាំង។ លោក Henry បាននិយាយថា ខ្ញុំមិនអាចទ្រាំបានទេ ប្រសិនបើប្រើរយៈពេលយូរខ្ញុំនឹងយំ ស្រែកខ្លាំងៗ។

ទន្ទឹមនឹងគ្នានេះ អ្នកមម្ដាយជាច្រើនបាននិយាយថា ពេលវេលានៃការសម្រាលកូនគឺ មិនមែនត្រឹមតែរយៈពេល ២ ម៉ោងនោះទេដូចដែលលោក Henry ជួបប្រទះនោះទេ។ ហើយរយៈពេលសម្រាលកូនជាមធ្យមអាច៨ម៉ោង ដែលស្មើនឹង៤ដងនៃការស៊ូទ្រាំរបស់លោក Henry៕