ក្មេងប្រុស Arnav បានរៀបរាប់ថា ខ្លួនបានចូលរួមប្រកួតតាមមហាវិទ្យាល័យ ដូចជាមហាវិទ្យាល័យ Harvard  និងមជ្ឈមណ្ឌលរបស់សាកលវិទ្យាល័យ John Hopkins ជាដើម។ នៅក្នុងការប្រកួតប្រជែងនេះ Arnav ទទួលបាននូវសមិទ្ធិផលជាច្រើន ហើយក្មេងប្រុស Arnav ទទួលបានវិញ្ញាបនបត្រចំនួន ៤ ពីមជ្ឈមណ្ឌលរបស់សាកលវិទ្យាល័យ John Hopkins។

នៅក្នុងនោះប្អូនប្រុស Arnav បាននិយាយបន្ថែមថា ខ្លួនមិនមានសមិទ្ធិផលណាមួយគួរឱ្យមានមោទនភាពបំផុតឡើយ ហើយកាន់តែពិសេសនោះ Arnav បានចូលជាសមាជិក Mensa នៅអាយុ៦ឆ្នាំ។ Mensa គឺជាអង្គការផ្ដល់អាហារូបនរណ៍ដល់ក្មេងៗដែលមានកម្រិត IQ ខ្ពស់។ ក្មេងប្រុស Arnav បាននិយាយថា ខ្ញុំស្រលាញ់ការអានណាស់ រាល់ពេលខ្ញុំទៅដើរលេងនៅទីណាក៏ដោយ កាបូករបស់ខ្ញុំពោរពេញទៅដោយសៀវភៅ។ ខ្ញុំតែងតែយកសៀវភៅទៅគ្រប់ទីកន្លែង។ ហើយខ្ញុំតែងតែអានសៀវភៅគ្រប់ទីកន្លែងដែរខ្ញុំទៅ។ ហើយរាល់ពេលខ្ញុំដើរចូលមកក្នុងបន្ទុបសៀវភៅ ខ្ញុំមានអារម្មណ៍ស្រស់ស្រាយណាស់។ 

នៅក្នុងនោះផងដែរ Arnav បាននិយាយថា បន្ទុបទឹកជាតំបន់ត្រជាក់ តំបន់ជក់ចិត្តក្នុងការអានសៀវភៅរបស់រូបគេ រូបគេបានលើកឡើងថា នេះក៏ព្រោះតែគ្មានអ្នកមករំខានពេលដែលគេអានសៀវភៅ។ ម្ដាយរបស់ Arnav បាននិយាយថា បងប្អូនប្រាកដជាដឹងហើយថា ក្មេងគ្រប់គ្នាចូលចិត្តទៅនៅសួនកម្សាន្ត ចូលចិត្តញុំាការ៉េម និងចូលចិត្តលេងនេះលេងនោះ ប៉ុន្តែចំពោះ Arnav វិញជាក្មេងដែលពូកែអៀន ហើយរូបគេក៏ជាមនុស្សចូលចិត្តនូវស្ងាត់ស្ងៀមដែរ ដែលភាគភាគច្រើនបងប្អូនហៅថា មនុស្សIntrovert។

នៅក្នុងនោះ ក្មេងប្រុស Arnav បាននិយាយថា ខ្ញុំគិតថា មូលហេតុដែលខ្ញុំជាមនុស្សចូលចិត្តនូវស្ងៀមស្ងាត់ ក៏ព្រោះតែខ្ញុំយល់ឃើញថា ចិត្ត និងខួរក្បាលរបស់ខ្ញុំប្រៀបបានដូចជារបងប្រាសាទដ៏ធំមួយអ៊ីចឹង ហើយខួរក្បាលរបស់ខ្ញុំចាប់អារម្មណ៍លើតែការអាន និងការចង់ដឹងរឿងរ៉ាវតាមរយៈការអានប៉ុណ្ណោះ៕