រុក្ខជាតិខ្មែរយើងច្រើនណាស់អាចដាំដុះរីកស្រស់ត្រកាលលើទឹកដីសុវណ្ណភូមិរបស់យើង ហើយក៏មានតួនាទីជាច្រើនជួយទាំងទ្រទ្រង់រាងកាយ និងជាឱសថសម្រាប់ព្យាបាលទាំងក្រៅនិងក្នុងរាងកាយ តែយ៉ាងណាក្ដីគឺត្រូវមានការបញ្ជាក់ពីប្រភពច្បាស់លាស់ត្រឹមត្រូវ មិនអាចចេះតែជឿតាមគ្នាបាននោះទេ។

ជាមួយគ្នានេះផងដែរចាបបៃតងសូមលើកយករុក្ខជាតិខ្មែរ២ប្រភេទដែលអាចជួយព្យាបាលបញ្ហាខ្លះនៃរាងកាយបានយ៉ាងមានប្រសិទ្ធភាព។តាមការឱ្យដឹងពីក្រសួងបរិស្ថានបានឱ្យដឹងថា ទឹកក្រូចឆ្មារលាយជាមួយនឹងម្សៅរមៀតខ្មែរយើង គឺអាចជួយព្យាបាលបានល្អ នូវបញ្ហាថ្លោះគ្រេច រមាស់ និងដំបៅក្លាយ។បងប្អូនអាចធ្វើការលាយគ្រឿងផ្សំពីរនេះបញ្ចូលគ្នា ហើយលាបលើកន្លែងដែលមានរោគនោះ វានឹងជួយកាត់បន្ថយបានខ្លះ។

ប៉ុន្តែប្រសិនបើករណីដែលបងប្អូនមានបញ្ហាធ្ងន់លើចំណុចដែលត្រូវព្យាបាលនោះ សូមព្យាយាមស្វែងរកការព្យាបាលតាមវេជ្ជបញ្ជាពេទ្យបន្ថែម ដើម្បីកំណត់រោគវិនិច្ឆ័យឱ្យបានត្រឹមត្រូវបន្ថែម។

បន្ថែមពីលើនេះ ក្រូចឆ្មារ រមៀត បូកថែមនឹងខ្ញី បន្តិចទៀតហើយឆុងជាទឹកតែដើម្បីទទួលទាន បងប្អូនក៏នឹងទទួលបានអត្ថប្រយោជន៍ជាច្រើនសម្រាប់សុខភាព ហើយវាក៏ជួយកាត់បន្ថយការរលាក ពង្រឹងប្រព័ន្ធភាពសុំា ជួយកម្ចាត់ជាតិពុលមួយចំនួន និងកាត់បន្ថយការឈឺចាប់លើរាងកាយខ្លះបានផងដែរ។នេះបើតាមការឱ្យដឹងពីគេហទំព័រ NDTV Food។

គួរជម្រាបផងដែរថា ត្បិតរុក្ខជាតិខ្មែរយើងមានប្រសិទ្ធភាពអាចជួយព្យាបាលបញ្ហាសុខភាពខ្លះ ប៉ុន្តែសូមបងប្អូនប្រើប្រាស់ដោយប្រុងប្រយ័ត្ននិងមើលទៅតាមកាលៈទេសៈ ព្រោះបងប្អូនខ្មែរយើងមួយចំនួនមានជំនឿតគ្នា ហើយព្យាបាលខុសផ្លូវ ជាហេតុធ្វើឱ្យជំងឺស្រាលមួយចំនួនក្លាយជាធ្ងន់ធ្ងរដោយសារការព្យាបាលខុស ហើយមិនបានព្យាបាលត្រឹមត្រូវតាមក្បួនពេទ្យ។