ពុទ្រា ដែលភាសាអង់គ្លេសគេហៅថា Jujube មិនត្រឹមតែមានរសជាតិឆ្ងាញ់ប៉ុណ្ណោះទេប៉ុន្តែវាក៏មានគុណប្រយោជន៍ដល់សុខភាពជាច្រើនផងដែរ។ ពុទ្រា មានផ្ទុកវីតាមីនជាច្រើនដូចជា ប៉ូតាស្យូម ផូស្វរ័ ម៉ាញ៉េស្យូម កាល់ស្យូម សូដ្យូម សង្ក័សី ដែក ទង់ដែង និងវីតាមីន C ដែលវាអាចជួយព្យាបាលពោះវៀនកាត់បន្ថយការឈឺបំពង់ក ជួយសម្អាតសរសៃឈាម ជួយរំលាយអាហារ ការពារថ្លើម បន្សាបជាតិពុលក្នុងឈាម និងរារាំងដុំសាច់ដែលនាំឲ្យមានជំងឺមហារីកទៀតផង៕ នេះបើផ្អែកតាមប្រភពវែបសាយ Medindia ។
១. ជួយគ្រប់គ្រងសម្ពាធឈាម៖ ផ្លែពុទ្រាគឺជាឱសថដ៏ល្អសម្រាប់រក្សាសម្ពាធឈាមឱ្យនៅធម្មតា។ វាជួយដល់លំហូរឈាមទៅក្នុងខួរក្បាលដោយបង្កើនកម្រិតនីទ្រីកអុកស៊ីតកាត់បន្ថយសម្ពាធឈាមខ្ពស់។ ម្យ៉ាងទៀតផ្លែពុទ្រាមានបរិមាណប៉ូតាស្យូមខ្ពស់ និងសូដ្យូមទាប ដែលជួយក្នុងការរក្សាសម្ពាធឈាមល្អបំផុត។
២. បន្សាបជាតិពុលក្នុងឈាម៖ ផ្លែពុទ្រា មានផ្ទុកសារធាតុ saponins និង alkaloids ដែលត្រូវបានផ្សារភ្ជាប់ដោយផ្ទាល់ទៅនឹងការបន្សាបជាតិពុលក្នុងឈាម។ វាកម្ចាត់ជាតិពុលដែលបង្កគ្រោះថ្នាក់ចេញពីឈាម និងការពាររាងកាយពីជំងឺផ្សេងៗដែលទាក់ទងនឹងឈាម។
៣. ការពារ និងព្យាបាលជំងឺពុកឆ្អឹង៖ ផ្លែពុទ្រា មានផ្ទុកសារធាតុរ៉ែជាច្រើនប្រភេទ ដូចជាម៉ង់ហ្គាណែស ទង់ដែង ប៉ូតាស្យូម និងម៉ាញ៉េស្យូម ចាំបាច់សម្រាប់ឆ្អឹងដែលមានសុខភាពល្អ។ វាផ្តល់ភាពរឹងមាំដល់ឆ្អឹង ជាពិសេសចំពោះមនុស្សចាស់ដែលមានជំងឺពុកឆ្អឹង។
៤. ការពារជំងឺមហារីក៖ ផ្លែពុទ្រា គឺជាប្រភពនៃអាស៊ីតខ្លាញ់មិនឆ្អែតសំខាន់ៗ រួមមានអាស៊ីត oleic, linoleic, palmitic និងអាស៊ីត palmitoleic ។ សមាសធាតុទាំងនេះមានឥទ្ធិពល cytotoxic ហើយវាក៏កែប្រែដំណើរការ apoptotic ដែលមានប្រយោជន៍ក្នុងការព្យាបាលជំងឺមហារីក ៕
អត្ថបទដោយ៖ ស្រីណុច