បច្ចុប្បន្ននេះក្នុងចំណោម១០នាក់ ស្ទើរតែមាន៩នាក់ហើយដែលមានបញ្ហាមិនថាសក់ជ្រុះ សំពោង ស្ងួតគ្មានសំណើម សក់ដាច់ សក់ឆេះ សក់សំពោង ទំពែក អង្គែរ សក់ដុះយឺត។ ជឿថាបងប្អូនប្រាកដជាស្វះស្វែងរកនេះរកនោះមកកក់សក់ ប៉ុន្តែមើលរំលងទម្លាប់ប្រចាំថ្ងៃដែលបំផ្លាញសក់ខ្លួនឯងទាំងមិនដឹងខ្លួន។

តាមការចែករំលែករបស់អ្នកនាង សុខ វណ្ណលីន ដែលជាម្ចាស់ស្ថាបនិករបស់ Yanin Beauty បានឱ្យដឹងថា ចង់បានសក់មានសុខភាពល្អ កក់សាប៊ូតែមួយមុខមិនគ្រប់ទេ បើកក់ខុសក្បួនទៀតនឹងធ្វើឱ្យសក់ជ្រុះលើសដើម។ ពេលកក់សក់ អេះយកៗ ក្រហាយអស់ហើយស្បែកក្បាល។ គល់សក់មិនបានរឹងមាំដូចដៃជើងយើងទេ ប្រើដៃធ្ងន់ពេកវានឹងដាច់រលាត់ស្បែកក្បាលបាក់តេរីជ្រៀតចូល សុខភាពគល់សក់ខ្សោយសក់នឹងជ្រុះ។ ក្បួនកក់សក់ឱ្យបានត្រឹមត្រូវ ត្រូវប្រើម្រាមដៃឈ្លីថ្មមៗ កុំប្រើក្រចកដៃអេះដាច់ខាត។ បើបងប្អូននៅតែកន្លែងត្រជាក់ មិនបែកញើសក្បាលអាចកក់២ថ្ងៃម្ដងបាន តែបើចេញក្រៅច្រើន ហាលថ្ងៃរងធូលីដីចាំបាច់ត្រូវសម្អាតស្បែកក្បាលឱ្យបានរាល់ថ្ងៃ។

បន្ទាប់ពីកក់ហើយនៅសិតសក់ទៀត ជាធម្មតាបងប្អូនសិតសក់បែបណា? ច្បាស់ណាស់ភាគច្រើន មកពីក្រៅសក់កំពុងជំពាក់ឡើងសំពោងផង ទាញក្រាសសិតយកៗពីគល់មកចុងទាញឱ្យតែបានលឿន។ ធ្វើបែបនឹងរាល់ថ្ងៃហើយរអ៊ូថា សក់ជ្រុះដាច់មកទាំងក្ដាប់ៗ ឱបងប្អូនអើយ សក់ឯណាទ្រាំនិងយើងបានបើម្លឹងៗ។ ក្បួនសិតសក់ ត្រូវចាប់សក់ពាក់កណ្ដាលហើយសិតបណ្ដេញពីដៃដែលយើងចាប់មកចុងសក់ម្ដងបន្តិចៗរហូតដល់លែងជំពាក់ហើយ ចាំទំលាក់វាធម្មតាហើយសិតពីគល់សក់មកតែម្ដង។ ធ្វើដូចនេះវាមិនប៉ះពាល់ដល់គល់សក់ មិនទាញកន្ត្រាក់ខ្លាំង មិនដាច់សក់ ហើយមិនជ្រុះ បើមិនជឿបងប្អូនអាចសាកបាន។នេះជាការបង្ហើបរបស់បងស្រីដដែល។

រឿងធំមួយទៀត ពេលចេញក្រៅតែងតែរលាស់ឬទាញសក់ចេញមកខាងក្រៅ សរសៃសក់ក៏ដូចជាស្បែកមុខអញ្ចឹងដែរ ថែវាផងពេលចេញក្រៅផ្ទះ។ បើធ្វើដំណើរដោយកង់ម៉ូតូ គួរចាប់សក់ចង ឬក្រងវាសិន ហើយអាចបញ្ចូលក្នុងអាវ ឬយកអ្វីបិទបាំងវាខ្លះ ពាក់មួក កុំឱ្យវាប៉ះកម្ដៅថ្ងៃនិងខ្យល់ខ្លាំង។ ទាំងគេទាំងខ្ញុំចំណុចនេះតែងមើលរំលង វាជាទម្លាប់អាក្រក់ណាស់ ធ្វើសក់ឆាប់សំពោង ជំពាក់ខ្លាំង ស្ងួត ងាយនឹងខូចណាស់ ហេតុនេះកែចេញទាំងអស់គ្នាណា។

ហេតុនេះទម្លាប់៣ខាងលើជារឿងសំខាន់​ ដែលជួយឱ្យសក់មានសុភាពល្អបាន ហើយត្រូវចាំថាគ្មានសាប៊ូណាតែ១ដប ជួយបានគ្រប់បញ្ហាស្បែកក្បាលនិងសរសៃសក់ឡើយ ហេតុនេះមុនសម្រេចចិត្តប្រើ គួរពិភាក្សាបញ្ហាជាមួយអ្នកជំនាញជាមុនសិន។

គួរឱ្យដឹងផងដែរថា Yanin Beauty ក៏មានផលិតផលថែរក្សាសក់ ដូចជា សាប៊ូកក់សក់ ក្រែមបន្ទន់ សេរ៉ូមសក់ ស្បារ និងប្រេងបាញ់បណ្ដុះសក់ផងដែរ។ ប្រសិនបើបងប្អូនមានបញ្ហាសក់អាចពិភាក្សាជាមួយអ្នកនាងសុខ វណ្ណលីន ជាមុនបានព្រោះអ្នកនាងតែងតែផ្ដល់យោបល់ឱ្យភ្ញៀវជាមុនសិន មុននឹងសម្រេចថាអាចប្រើប្រាស់ត្រូវឬអត់ មួយទៀតបើជ្រុះមកពីបញ្ហាសុខភាព បងប្អូនត្រូវទទួលស្គាល់ថា សាប៊ូមិនអាចជួយបងប្អូនបានលឿននោះទេ គួររកគ្រូពេទ្យព្យាបាលសុខភាពជាមុន៕