ជាការពិតពណាស់ ស្រីៗជាច្រើនប្រាកដជាជួបប្រទះបញ្ហាស្បែកមានបញ្ហាមិនស្រស់ថ្លា មុខវិញក៏ឡើងមុន ចំណែកឯសក់វិញក៏ជ្រុះទៀតតែមិនដឹងថាដោះស្រាយបែបណា? បើសិនបងប្អូនជួបបញ្ហានេះយូរមកហើយសូមកុំទុកយូរអី បញ្ហាជ្រុះសក់ ឬក៏មុខឡើងមុននេះ គឺមានពេទ្យឯកទេសដែលអាចជួយព្យាបាលបានបងប្អូនប្អូន។

ខ្លាចតែបងប្អូនមិនព្រមទៅតើ បន្ថែមពីការព្យាបាលជាមួយពេទ្យយើងសូមណែនាំរបបអាហារ៣មុខដែលបងប្អូនគួរតែញុំាកុំខានព្រោះជួយកាត់បន្ថយបញ្ហាសក់ជ្រុះ ឡើងមុខ ជម្រុញការផលិតកូឡាជេនជួយស្បែកលែងសូវខ្មៅស្រអាប់។

១.វីតាមីនស៊ី ៖ របបអាហារសម្បូរដោយវីតាមីនស៊ី មានអត្ថប្រយោជន៍ជួយកាត់បន្ថយការរលាកក្នុងរាងលាយ អាចកាត់បន្ថយបញ្ហាសក់ជ្រុះ សក់បែកចុង។ អ្វីដែលពិសេសជាងនេះវីតាមីនស៊ីក៏មានប្រយោជន៍ជួយការពារស្បែក តាមរយៈការជម្រុញការផលិតកូឡាជេនធ្វើឱ្យស្បែកមានសុខភាពល្អ មិនសូវជ្រីវជ្រួញ ងាយក្មេងជាងវ័យ៖

របបអាហារសម្បូរវីតាមីនស៊ីមានដូចជា៖ ម្ទេស ក្រូច ប៉េងប៉ោះ ខាត់ណា ផ្លែស្រ្តបឺរី ផ្លែប្លូបឺរី…ជាដើម។

២.ប្រូតេអ៊ីន៖ គឺមានអត្ថប្រយោជន៍ច្រើនជួយស្បែក និងសុខភាពរបស់សក់ ព្រោះបើកាលណាសក់ខ្វះប្រូតេអ៊ីន គឺប្រឈមនឹងជ្រុះ ស្ងួត បែកចុង គ្មានជីវជាតិ។​បន្ថែមលើសពីនេះប្រូតេអ៊ីនក៏មានប្រយោជន៍ជួយធ្វើឱ្យស្បែកមានសុខភាពល្អភ្លឺរលោងផងដែរ។

របបអាហារសម្បូរប្រូតេអ៊ីន មានដូចជាប្រភេទសាច់ មានខ្លាញ់ល្អ ដូចជាខ្លាញ់ត្រី សាច់មាន់ ក្នុងស៊ុត ក្នុងសណ្ដែក…ជាដើម។

៣.កាត់បន្ថយអាហារកែច្នៃ កាបូអ៊ីដ្រាត និង ទឹកដោះគោមានខ្លាញ់ច្រើន៖ បើសិនអ្នកកំពុងមានបញ្ហាឡើងមុន ស្បែកមានបញ្ហា សក់ក៏ជ្រុះច្រើនទៀត គួរផ្អាកទទួលទានអាហារខាងលើ។ ពីព្រោះថាញុំាហើយនឹងធ្វើឱ្យស្ថានភាពសម្រស់របស់បងប្អូនធ្ងន់ធ្ងរជាងមុនទៅទៀត។ ដូចសុំចិត្តបងប្អូនផ្អាកញុំាសិនទៅណា បងប្អូនអាចសាកផ្អាកញុំា៣០ថ្ងៃមើល ហើយសង្កេតមើលសក់ មើលមុនរបស់បងប្អូនមើលធូរស្រាលអត់?

របបអាហារខាងលើនោះមានដូចជា អាហារកំប៉ុងឬក៏កញ្ចប់ ផ្ទុកសារធាតុគីមី ដូចជាមី ប្រហិត…ជាដើម។

ជាចុងក្រោយ របបអាហារទាំង២ខាងលើនេះ សម្រាប់បងប្អូនមានបញ្ហាស្បែកស្រអាប់ មុខឡើងមុនជ្រុះសក់ ញុំាអាហារ២មុខនេះឱ្យជាប់ ហើយសាកផ្អាកញុំាអាហារកែច្នៃ៣០ថ្ងៃមើល រាងកាយរបស់បងប្អូននឹងប្លែកជាក់ជាមិនខាន៕

ប្រភព៖ westlakedermatology