មនុស្សជាច្រើនប្រាកដជាមានអារម្មណ៍ហត់នឿយ និងអស់កម្លាំងជាខ្លាំងក្នុងការបំពេញការងារជារៀងរាល់ថ្ងៃ កត្តាទាំងអស់នេះគឺបណ្ដាលមកពីការទទួលទាននូវចំណីអាហារ មិនបានគ្រប់គ្រាន់ដែលជាហេតុធ្វើឲ្យយើងបែបនេះ។ ដូច្នេះអាហារទាំង៥ប្រភទនេះនិងជួយឲ្យអ្នកមានថាមពលឡើងវិញ

១.ផ្លែចេក

ផ្លែចេកគឺជាផ្លែឈើម្យ៉ាងដែលងាយស្រួលទិញ និងមានតម្លៃថោកសមរម្យដែលអាចឲ្យយើងទទួលទានបានជាប្រចាំ។ ក្នុងផ្លែចេកជាប្រភពដែលផ្ដល់ថាមពលដ៏ពិសេសសម្រាប់យើងនៃកាបូនអ៊ីដ្រាត ប៉ូតាស្យូម និងវីតាមីនB ដែលទាំងនេះជួយបង្កើនកម្រិតថាមពលដល់អ្នក។

២. ផ្លែប៉ោម

ផ្លែប៉ោមជាផ្លែឈើដែលសម្បូរដោយជាតិស្ករ និងជាតិសរសៃ។ ក្នុងផ្លែប៉ោម ១០០ក្រាម មានផ្ទុកជាតិស្ករប្រហែល១០ ទៅ១៤ក្រាម និងជាតិសរសៃដល់១.២ក្រាម។ លើសពីនេះទៀតវាជួយប្រឆាំងទៅនិងអុកស៊ីតកម្មខ្ពស់ ដែលអុកស៊ីតកម្មទាំងនេះអាចបន្ថយល្បឿននៃការរំលាយអាហារ។

៣.ផ្លែក្រូច

ផ្លែក្រូចសម្បូរដោយវីតាមីនC ខ្ពស់ ដែលជួយឲ្យស្បែកយើងស្រស់ស្អាត និងជាពិសេសវាមានសមាសធាតុប្រឆាំងអុកស៊ីតកម្មដែលអាចការពារប្រឆាំងនឹងភាពតានតឹងក្នុងអុកស៊ីតកម្ម។ តាមការស្រាវេជ្រាវបានបង្ហាញថាភាពតានតឹងក្នុងអុកស៊ីតកម្មធ្វើឲ្យយើងមានអារម្មណ៍ថាអស់កម្លាំង និងហេវហត់។ ដូច្នេះដើម្បីការពារប្រឆាំងអុកស៊ីតកម្មនេះអ្នកគួតែបរិភោគផ្លែក្រូចជាប្រចាំ។

៤. អង្ករសម្រូប

អង្ករសម្រូបគឺជាប្រភេទដែលសម្បូរដោយជីវជាតិខ្ពស់ នេះបើប្រៀបធៀបជាមួយអង្ករសធម្មតា​ ដែលអង្ករសម្រូប ៥០ក្រាមផ្ទុកទៅដោយជាតិសរសៃរ ២ក្រាម។ បើយើងទទួលទានអង្គរសម្រូបជាប្រចាំថ្ងៃវាផ្ដល់ឲ្យយើងនូវ ជាតិសរសៃ វីតាមីន និងម៉ង់ហ្គាណែសដែលជាសារធាតុរ៉ែជួយអង់ស៊ីមបំបែកកាបូអ៊ីដ្រាត និងប្រូតេអ៊ីនដើម្បីបង្កើតថាមពល។

៥. ខ្លាញ់ត្រី

ត្រីដែលមានជាតិខ្លាញ់ដូចជាត្រីសាម៉ុង និងត្រីធូណាគឺជាប្រភពដ៏ល្អនៃប្រូតេអ៊ីន អាស៊ីត ខ្លាញ់ វីតាមីនB ខ្លាញ់អូមេហ្កា៣ និងវីតាមីនB12 ដែលជួយកាត់បន្ថយនៃការអស់កម្លាំង។ មិនថែមទាំងប៉ុណ្ណោះតាមការស្រាវជ្រាវបានឲ្យដឹងថាថ្នាំដែលបង្កើតឡើងដោយខ្លាញ់អូមេហ្គា៣ អាចជួយកាត់បន្ថយភាពអស់កម្លាំង និងអាចព្យាបាលជំងឺមហារីកបានទៀតផង៕

អត្ថបទដោយ៖ភី សៅឌី