ការហូបអាហារឱ្យបានត្រឹមត្រូវ នៅក្នុងប្រទេសជប៉ុន ពួកគេមានគោលការណ៍ ឬក៏ក្បួនច្បាប់របស់គេ  គឺការ“ហូបអាហារត្រឹមតែ ៨០%នៃក្រពះតែប៉ុណ្ណោះ” មានន័យថា ពេលពួកគេហូបអាហារទៅមានអារម្មណ៍ឆ្អែតគឺគេបញ្ឈប់ការហូបតែម្តង មិនមែនហូបតាមអារម្មណ៍ ឃ្លានចង់តាមចង់នោះទេ។ ការហូបអាហារច្រើនលើសចម្រុះច្រើន ហើយអ្នកនៅតែបន្តហូបអាហារទៀតនោះ។ ការធ្វើបែបនេះ ធ្វើឱ្យខូចសុខភាព និងកោសិកាឆាប់ចាស់ទៅវិញទេ។ តាមលោក Hector Garcia ជាអ្នកស្រាវជ្រាវពីប្រជាជននៅកោះអូគីណាវ៉ា ហេតុអ្វីពួកគេមានអាយុវែង? និងម្នាក់ៗ គ្មានរាងធាត់? ហើយអាចរក្សាវ័យក្មេងបានល្អ?

លោក Hector Garcia បន្ទាប់ពីសិក្សាអស់រយៈពេលមួយឆ្នាំមក លោកបានបញ្ជាក់ថា ការហូបអាហារមានកម្រិតកាឡូរីជាមធ្យមសម្រាប់រាងកាយឱ្យបានគ្រប់គ្រាន់ គឺការហូបអាហារ៨០%នៃក្រពះ ជួយប្រឆាំងជំងឺធាត់ ជំងឺទឹកនោមផ្អែម និងលើសឈាម...។ បើអ្នកសួរថា បើខ្ញុំហូបច្រើនវិញ? គឺវាមិនសូវជាល្អ សម្រាប់សុខភាពអ្នកទេ វាធ្វើឱ្យរាងកាយប្រើថាមពលខ្លាំង​ ក្នុងការរំលាយអាហារ និងសល់ជាតិជាតិខ្លាញ់ ដែលប្រើមិនអស់ ហើយបើជាតិប្រូតេអ៊ីនលើសក្នុងឈាម វាធ្វើឱ្យរាងកាយឆាប់ចាស់លឿន។ លោកបានបន្តថា ជនជាតិជប៉ុនភាគច្រើនណាស់ ហូបអាហារត្រឹមតែ ៨០% ប៉ុណ្ណោះដើម្បីរក្សារាងកាយរឹងមាំ និងអារម្មណ៍ល្អ។ អ្នកសាកគិតមើលថា ពេលអ្នកហូបឆ្អែតពេក អ្នកមានអារម្មណ៍បែបណ?

អ្នកគួរតែមានទម្លាប់ហូបអាហារទាំងអស់នោះ ត្រូវការជាតិប្រូតេអ៊ីន វីតាមីន ដើម្បីផ្តល់ថាមពលដល់រាងកាយ។ អាហារសម្បូរជាតិប្រូតេអ៊ីន​មានដូចជា សារ៉ាយសមុទ្រ សណ្តែកបណ្តុះ ដំឡូងជ្វា ម្រេច តៅហ៊ូ សាច់គោ ត្រី និងផ្លែឈើ ផ្លែប៉ោម ទឹកអំពៅ....។ ប្រភេទអាហារទាំងនេះ មានសារធាតុប្រឆាំងអុកស៊ីតកម្ម និងជួយចិញ្ចឹមរាងកាយឱ្យរឹងមាំ ដើម្បីរស់នៅឱ្យមានអាយុវែងផងដែរ៕ អត្ថបទដោយ៖ ទ្រ សុភាព