ស្វាយត្រាំ ត្រសក់ត្រាំ ទំពាំងត្រាំ ស្ពៃជ្រក់ ជ្រក់គីមឈី បន្លែ ផ្លែឈើត្រាំ ជ្រក់ នេះមួយគឺជាម្ហូបអាហារដ៏ពេញនិយមបំផុតរបស់ខ្មែរយើង ខណៈអាហារទាំងនេះបានផ្ដល់ផលអាក្រក់បំផុតចំពោះក្រពះ ពោះវៀន នឹងប្រព័ន្ធរំលាយអាហារ។

ជាក់ស្ដែងយោងតាមវេជ្ជបណ្ឌិត Trinh Vo ham ឯកទេសក្រពះ ពោះវៀន បានឲ្យដឹងថា គ្រប់អាហារដែលត្រាំ និងជូរសុទ្ធតែមានសារជាតិ Fermented ខណៈសារជាតិនេះជាតិ ពិតជាមានប្រយោជន៍ដល់ការរំលាយអាហារ ប៉ុន្តែបើយើងបរិភោគលើសកម្រិតនឹងបណ្ដាលឲ្យមានបញ្ហាដល់សុខជាតិខណៈមនុស្សពេញវ័យអាចញ៉ាំអាហារដែលមានជាតិ Fermented ប្រហែល ១០០ទៅ២០០ក្រាមក្នុង១ថ្ងៃ អាចធ្វើឱ្យមានតុល្យភាពជាមួយអាហារផ្សេងទៀត។

ម៉្យាងវិញទៀត អាហារដែលមានជាតិ Fermented មិនឆ្លងកាត់ការ pasteurization ដើម្បីរក្សាបាក់តេរីល្អ អាចទុកឱកាសឱ្យបាក់តេរីបង្កគ្រោះថ្នាក់លូតលាស់។ ខណៈបាកតេរី Salmonella និង E.coli អាចដុះនៅក្នុងគីមឈី ស្វាយ ត្រសក់ ត្រាំ និងសាច់ក្រក។ ខណៈការឆ្លងមេរោគ Salmonella បណ្តាលឱ្យរាគ ឈឺពោះពីលើផ្ចិត ឈឺក្បាល ក្តៅខ្លួន ក្អួត និងខ្សោះជាតិទឹក និងការឆ្លងមេរោគ E. coli អាចនាំឱ្យរាគ រលាកស្រោមខួរ ហើយអាចនាំឲ្យបាក់តេរីចូលក្នុងបំពង់រំលាយអាហារ រួចចូលទៅក្នុងសរសៃឈាម ធ្វើឱ្យខូចសរីរាង្គក្បែរៗ ដូចជាបេះដូង តម្រងនោម ខួរក្បាល រហូតបណ្តាលឱ្យស្លាប់បានទៀតផង។

ជាចុងក្រោយនេះអាហារជូរ និងត្រាំ បើយើងបរិភោគក្នុងកម្រិតមធ្យម អាចផ្តល់វីតាមីន និងសារធាតុរ៉ែសម្រាប់រាងកាយ។ ប៉ុន្តែបើយើងហូបលើសកម្រិតវានឹងផ្ដល់ផលវិបាកសុខភាពដូចដែលចាបបៃតងបានរៀបរាប់នៅខាងលើ ៕

អត្ថបទដោយ៖ ស្រីណុច