តាមរយៈសារសម្លេងពិសេសរបស់សម្ដេចតេជោ ហ៊ុន សែន កាលពីថ្ងៃទី០៧ ខែឧសភា ឆ្នាំ២០២២ បានមានប្រសាសន៍ថា ថ្ងៃនេះជាលើកដំបូងក្នុងរយៈពេលចាប់តាំងពីថ្ងៃទី២០ ខែកុម្ភៈ ឆ្នាំ២០២១ ដែលព្រះរាជាណាចក្រកម្ពុជារបស់យើងពុំមានករណីកូវីដកើតឡើងនោះទេ។ បានសេចក្ដីថា ថ្ងៃនេះយើងមិនមានករណីឆ្លងសូម្បីមួយករណីឡើយគឺ ០ករណី ។

សម្ដេចបន្តថា រឿងនេះបានកើតឡើងបន្ទាប់ពីការសាកល្បងខ្លាំងមួយដែលបានបើកឱកាសឱ្យប្រជាជនដើរលេងចូលឆ្នាំ ដែលជាការសាកល្បងដ៍ធំធេង ហើយពុំធ្លាប់មានក្នុងប្រវត្តិសាស្ត្រដែលមានអ្នកដើរលេងដ៏ច្រើនកោះករ។ ភ្ជាប់ជាមួយគ្នានេះ សម្ដេចតេជោ សូមថ្លែងអំណរគុណដល់ជនរួមជាតិដែលបានចូលរួមប្រឆាំងចលនាប្រឆាំងកូវីដ១៩ បានធ្វើឱ្យអត្រាឆ្លងមានការថយចុះជារហូតដល់ថ្ងៃនេះជាលើកដំបូងក្នុងរយៈពេលជាង១ឆ្នាំ ដែលយើងបានដើរដល់ចំណុចសូន្យ។ មិនប្រាកដទេថាថ្ងៃស្អែកអាចនិងមានការកើតឡើងវិញ ប៉ុន្តែយ៉ាងហោចណាស់នៅថ្ងៃទី០៧ ខែឧសភា ឆ្នាំ២០២២ នេះ យើងពុំមានករណីឆ្លងសូម្បី១ករណី។

ទន្ទឹមនឹងនោះ សម្ដេចនៅតែអំពាវនាវឱ្យប្រជាពលរដ្ឋរបស់ខ្លួន បន្តការយកចិត្តទុកដាក់ការពារខ្លួនបន្តទៀត ជាមួយនិងវិធានការសុខាភិបាលកន្លងមក ទោះបីជាលើកលែងកាតព្វកិច្ចពាក់ម៉ាស ប៉ុន្តែរដ្ឋាភិបាលនៅបន្តលើកទឹកចិត្តឱ្យនៅបន្តពាក់ម៉ាស៕

សូមស្ដាប់សារសម្លេងរបស់ សម្ដេចតេជោ ហ៊ុន សែន

អត្ថបទដោយ ៖Senghong