មាន់ខ្មៅមានដើមកំណើតនៅកោះជ្វាភាគកណ្ដាលប្រទេសឥណ្ឌូនេស៊ី។ សាច់មាន់នេះមានប្រជាប្រិយភាពជាខ្លាំងជាមួយនឹងពណ៌សម្បុររបស់វា។ អត្ថប្រយោជន៍ជាច្រើនសឹងតែរាប់មិនអស់ពីប្រភេទមាន់ដ៏ពិសេសមួយនះដែលវាដើរតួនាទីយ៉ាងសំខាន់ចំពោះរាងកាយ និងមានតួនាទីការពារអ្នកពីជំងឺដូចជា៖
១. មានសារធាតុប្រឆាំងនិងជំងឺឆ្លង
អ្នកស្រាវជ្រាវបាននិយាយថាស៊ុបមាន់ខ្មៅមានផ្ទុកសារធាតុប្រឆាំងអុកស៊ីតកម្មដែលជួយថែរក្សាសុខភាពរបស់អ្នកការពារពីជំងឺនិងផ្តាសាយ និងជំងឺឆ្លងទូទៅ។ សារធាតុប្រឆាំងអុកស៊ីតកម្មរបស់មាន់ខ្មៅត្រូវបានរកឃើញថាមានសារធាតុឈ្មោះថាកាណូសស៊ីន។ ដែលសារធាតុស៊ីណូសស៊ីនដែលមាននៅក្នុងសាច់មាន់ខ្មៅនេះគឺមានតួនាទីប្រមូលផ្តុំយ៉ាងច្រើននៅក្នុងជាលិកាសាច់ដុំ និងខួរក្បាល។
២.ជួយពង្រឹងភាពសុំា
ផ្អែកលើឳសថបុរាណរបស់ចិនបានបង្ហាញថាស៊ុបមាន់ខ្មៅគឺជាឪសថដ៏ពិសេសក្នុងការជួយបង្កើនប្រព័ន្ធភាពស៊ាំដល់រាងកាយ ជាសេសវាជួយបង្កើនការមានកូនរបស់ស្ត្រី ហើយក៏ជាអាហារមួយដែលជួយបំប៉នពេលដែលស្រ្ដីមានផ្ទៃពោះផងដែរ។ ក្រៅពីនេះស៊ុបមាន់ខ្មៅក៏ល្អផងដែរ សម្រាប់ការជួយពង្រឹងភាពសុំារបស់មនុស្សចាស់។
៣. ប្រភពនៃប្រូតេអ៊ីន
មាន់ខ្មៅមានប្រភពប្រូតេអ៊ីនល្អជាងសាច់មាន់ទូទៅ នេះមានការប្រៀបធៀបពីមុនមក។ វាល្អខ្លាំងសម្រាប់អ្នកហាត់ប្រាណចំពោះអ្នកដែលចង់បង្កើនសាច់ដុំរាងនៃកាយ។ ក្រៅពីនេះវាក៏ល្អផងដែរក្នុងការជួយជំរុញការកសាងជាលិការរាងកាយ និងធ្វើអោយកម្រិតជាតិស្ករក្នុងឈាមមានស្ថេរភាពបានយ៉ាងល្អ។
៤. លើកកម្ពស់សុខភាពបេះដូង
វត្តមាននៃជាតិដែកនិងសារធាតុរ៉ែនៅក្នុងសាច់មាន់ខ្មៅមានប្រយោជន៍ជួយលើកកម្ពស់សុខភាពបេះដូង។ ហើយវាក៏ជួយឱ្យចលនាឈាមរត់បានស្រួល នឹងកាត់បន្ថយហានិភ័យនៃការគាំងបេះដូងនិងជំងឺដាច់សរសៃឈាមខួរក្បាលផងដែរ។
៥. ជួយកាត់បន្ថយកូឡេស្តេរ៉ុល
មាន់ខ្មៅគឺជាជម្រើសល្អបំផុតក្នុងកាត់បន្ថយកូឡេស្ដេរ៉ុល ព្រោះអត្ថប្រយោជន៍ដែលមានក្នុងមាន់ខ្មៅអាចជួយកាត់បន្ថយកម្រិតកូឡេស្ដេរ៉ុលឱ្យនៅទាប នេះបើប្រៀបធៀបទៅនឹងសាច់មាន់ធម្មតា។ បានន័យប្រសិនបើអ្នកញុំាជាញឹកញាប់ និងជាប្រចាំនឹងជួយអ្នកក្នុងការកម្ចាត់កូឡេស្ដេរ៉ុលអាក្រក់បានយ៉ាងល្អ។
យើងមើលឃើញថានៅក្នុងស៊ុបមាន់ខ្មៅពិតជាមានសារៈសំខាន់ណាស់ចំពោះសុខភាព ដែលវាមានតួនាទីជាច្រើនក្នុងផ្ដល់ឱ្យរាងកាយទទួលបាននូវប្រូតេអ៊ីន វីតាមីន និងជាពិសេសជួយការពារអ្នកជំងឺផ្សេងៗបានទៀតផង៕
អត្ថបទបទ៖ ភី សៅឌី