ទឹកម្ជូរព្រឹក ជាប្រភេទភេសជ្ជៈជំនួយ១មុខដែលមានបងប្អូនមិនតិចនាក់ទេ បានមើលរំលងពីគុណសម្បត្តិវា។ តួយ៉ាងបើយើងផ្អែកទៅតាមការចុះផ្សាយរបស់គេហទំព័រ rhymbahillstea.com បានដឹងដែរថា សមាសធាតុពិសេសៗដែលមាននៅក្នុងផ្កាម្ជូរព្រឹក ត្រូវបានក្រុមអ្នកស្រាវជ្រាវផ្នែកចំណីអាហាររកឃើញថា សម្បូរទៅដោយ វីតាមីន A វីតាមីន B1, B2, B9 , វីតាមីនC កាល់ស្យូម ប៉ូតាស្យូម ម៉ាញ៉េស្យូម និងជាតិដែកផងដែរ។ ហើយសារជាតិចិញ្ចឹមទាំងអស់នេះ នឹងចូលទៅជួយរាងកាយតាមផ្នែករួមមាន៖
១. ប្រឆាំងនឹងការរលាក៖ ម្ជូរព្រឹក សម្បូរទៅដោយ វីតាមីនC ដែលជាសារធាតុចិញ្ចឹមចាំបាច់មួយដែលរាងកាយត្រូវការ ដើម្បីជម្រុញឱ្យសកម្មភាពរបស់ប្រព័ន្ធភាពស៊ាំមានសមត្ថភាព ការពារជំងឺផ្តាសាយនិងផ្តាសាយ និងជួយព្យាបាលជំងឺក្តៅក្នុងដែលបណ្ដាលឱ្យងាយកើតជាពងបែកក្នុងមាត់ ផ្សិតក្នុងមាត់ ឡើងកូនកណ្តុរ...ជាដើម។
២. ប្រព័ន្ធរំលាយអាហារ៖ ទឹកម្ជូរព្រឹក ជ្រើសជាភេសជ្ជៈមានផ្ទុកនូវសមាសធាតុ diuretic និងប៉ូវកម្លាំង ដែលអាចជួយ ទៅដល់តម្រង់នោម សម្រួលចលនាពោះវៀន ព្យាបាលការទល់លាមក និងការពារជំងឺមហារីកពោះវៀនធំ។
៣. ថែរាង៖ ការទទួលទានភេសជ្ជៈម្ជូរព្រឹកក្តៅៗជាប្រចាំ អាចធ្វើឱ្យជាតិគ្លុយកូសនៅក្នុងឈាមមានការថយចុះ ជួយឱ្យស្រកទម្ងន់ កាត់បន្ថយសារធាតុឆ្លាញ់មិនល្អដែលមាននៅក្នុងខ្លួន។
៤. ការពារកើតជំងឺធ្លាក់ទឹកចិត្ត៖ រុក្ខជាតិម្ជូរព្រឹក មានផ្ទុកនូវសារធាតុប្រឆាំងនឹងជំងឺធ្លាក់ទឹកចិត្តដូចជាសារជាតិ flavonoids ជួយធ្វើឱ្យប្រព័ន្ធសរសៃប្រសាទមានលំនឹង កាត់បន្ថយការថប់បារម្ភ និងការធ្លាក់ទឹកចិត្ត ប្តូរអារម្មណ៍ឱ្យមានសភាពធូរស្បើយឡើងវិញ។
៥. ប្រឆាំងនឹងជំងឺមហារីក៖ ភេសជ្ជៈម្ជូរព្រឹក ក៏មានផ្ទុកអាស៊ីត(hibiscus protocatechuic) ដែលមានលក្ខណៈប្រឆាំងនឹងដុំសាច់មហារីក និងប្រឆាំងអុកស៊ីតកម្ម។ ការសិក្សាមួយធ្វើឡើងនៅក្នុងមហាវិទ្យាល័យវេជ្ជសាស្ត្រក្នុងតៃវ៉ាន់បានបង្ហាញថា សមាសធាតុដែលនៅក្នុងរុក្ខជាតិម្ជូរព្រឹកបាន ជួយពន្យានូវការីករាលដាលនៃកោសិកាមហារីកមិនឱ្យវិវត្តន៍លឿនទៅមុខបានឡើយ។