តើអ្នកដឹងទេថា បន្លែជួយដុតបំផ្លាញជាតិខ្លាញ់បានល្អណាស់ វាមានមានកាឡូរីតិច និងមានជាតិសរសៃខ្ពស់។ លើសពីនេះទៀត បន្លែជួយបង្កើនបរិមាណថាមពលក្នុងរាងកាយរបស់អ្នកបានយូរ។ អ្នកត្រូវតែរៀបចំផែនការរបបអាហារដែលមានសុខភាពល្អ និងសម្រកគីឡួដោយបន្លែ ៥មុខ៖

 ១. ស្ពៃខ្មៅ និងបន្លែស្លឹក៖ ស្ពៃខ្មៅ និងបន្លែស្លឹកផ្សេងៗទៀត ដូចជា សាឡាត់ ខាត់ណា ពេញនិយមបំផុតចំពោះអ្នកធាត់ជួយដុតបំផ្លាញជាតិខ្លាញ់ក្បាលពោះ។ ព្រោះវាមានម៉ាញ៉េស្យូម និងវីតាមីន E ដែលជួយសម្រួលដល់ការរំលាយអាហារ និងការពារប្រព័ន្ធភាពស៊ាំដោយសារបន្លែទាំងនេះមានកាឡូរីទាប និងកាបូអ៊ីដ្រាត អ្នកអាចស្រកទម្ងន់បានយ៉ាងងាយស្រួល។ ការស្ពៃខ្មៅដែលឆ្អិនទៅក្នុងរបបអាហារនឹងមានប្រយោជន៍ក្នុងការដុតបំផ្លាញជាតិខ្លាញ់យ៉ាងឆាប់រហ័សបំផុត។ នេះយោងតាមគេហទំព័រ Godigit ។

២. ផ្កាខាត់ណាខៀវ៖ ផ្កាខាត់ណាសម្បូរទៅដោយជាតិសរសៃ មានវីតាមីន B និងមានផ្ទុកសារធាតុ phytochemicals ដែលការពាររាងកាយពីជំងឺមហារីក និងជួយសម្រួលដុតបំផ្លាញជាតិខ្លាញ់ឱ្យគីឡូ។ លើសពីនេះទៀត ផ្កាខាត់ណាមានផ្ទុកសារធាតុប្រឆាំងអុកស៊ីតកម្ម sulforaphane ដែលកម្ចាត់រ៉ាឌីកាល់សេរីចេញពីរាងកាយ។

៣. ផ្សិត៖ ផ្សិតមានកាឡូរីទាប ដែលល្អឥតខ្ចោះសម្រាប់តម្រូវការសម្រកទម្ងន់។ យោងតាមរយៈប្រភព18chestnuts-com បាននិយាយថា ក្នុងបន្លែផ្សិត សម្បូរដោយប្រភពដ៏ល្អនៃសារធាតុរ៉ែដូចជា ស័ង្កសី ទង់ដែង និងជាតិដែក សារធាតុទាំងនេះគឺ រាងកាយត្រូវការបំផុតដើម្បីដុតជាតិខ្លាញ់បានលឿន។ ហើយផ្សិតជាអាហារដែលមានជាតិស្ករទាប នៅក្នុងផ្សិតមានសារធាតុប្រឆាំងអុកស៊ីតកម្មគឺ flavonoids ត្រូវបានគេជឿថាអាចប្រយុទ្ធប្រឆាំង និងកាត់បន្ថយការរលាកក្នុងរាងកាយ។

៤. ការ៉ុត៖ ការ៉ុតមើលទៅគួរឱ្យចង់ញ៉ាំនៅគ្រប់មុខម្ហូបតែម្តង។ នេះជាបន្លែមានផ្ទុកទៅដោយវីតាមីន A និង beta carotene ជួយកាត់បន្ថយកម្រិតជាតិស្ករក្នុងឈាម និងមានកាឡូរីទាប វាល្អសម្រាប់អ្នកក្នុងការបញ្ចុះគីឡូ។  អ្នកអាចញ៉ាំការ៉ុតឆៅ ព្រោះវាមានរសជាតិផ្អែម ឬលាយវាចូលទៅក្នុងទឹកក្រឡុកក៏បានដែរ។ មនុស្សជាច្រើនចូលចិត្តការ៉ុត ហើយបន្ថែមវាទៅក្នុងចានសាច់ផងដែរ។ អ្នកអាចហូបការរ៉ុតលេងជាអាហារសម្រន់ក៏បានដែរ។

៥. ផ្លែម្រះ៖ ផ្លែម្រះជាបន្លែដែលមានរសជាតិល្វីងបន្ដិចក៏ពិតមែន យោងតាមវេបសាយ Medlife.Com បានប្រាប់ថាសារធាតុល្វីងនៅក្នុងផ្លែម្រះគឺអាចជួយសម្រកគីឡូអ្នកបាន ពីព្រោះវាមានផ្ទុកជាតិខ្លាញ់កាបូអ៊ីដ្រាត និងកាឡូរីទាបដែលធ្វើឱ្យរាងកាយអ្នកមិនងាយស្រូបយកជាតិខ្លាញ់ដែលធ្វើឱ្យឡើងគីឡូឡើយ។ បន្ថែមពីនេះ វាមានផ្ទុកជាតិទឹករហូតដល់ទៅ៨៥%៕ អត្ថបទដោយ៖ ទ្រ សុភាព