ឆៃថាវ គឺជាបន្លែមួយប្រភេទ សម្បូរទៅដោយវីតាមីន A, B & C, ប្រូតេអ៊ីន កាល់ស្យូម និងសារធាតុរ៉ែជាច្រើនដូចជាជាតិដែក ដែលមានតួនាទីសំខាន់ក្នុងការជួយដល់ប្រព័ន្ធរំលាយអាហារ និងសម្ពាធឈាម។

ដោយឡែក ចំពោះការញុំាឆៃថាវនេះ ក៏ត្រូវបានអ្នកជំនាញ ហាមប្រាមមិនឱ្យញុំាផ្គួបជាមួយនឹងអាហារមួយចំនួនផងដែរ ដោយសារសារធាតុនៅក្នុងឆៃថាវ បូកផ្សំជាមួយនឹងសារធាតុនៅក្នុងក្រុមអាហារទាំងនោះអាចបង្កជាគ្រោះថ្នាក់ដល់សុខភាពរាងកាយទៅវិញ។

ផ្អែកតាមប្រភពចេញផ្សាយ timesofindia.indiatimes ខាងក្រោមនេះ ជាអាហារទាំង៥ដែលត្រូវបានគេរកឃើញថា មានផលប៉ះពាល់ដល់សុខភាពបន្ទាប់ពីញុំាជាមួយឆៃថាវ៖

១. ទឹកដោះគោ៖ ការផឹកទឹកដោះគោភ្លាមៗបន្ទាប់ពីញ៉ាំឆៃថាវ អាចបំផ្លាញប្រព័ន្ធរំលាយអាហារ។ នេះដោយសារតែ សារធាតុនៅក្នុងឆៃថាវ ផ្សំជាមួយទឹកដោះគោ អាចបង្កឱ្យច្រាលអាស៊ីតក្នុងក្រពះ ងាយបង្កឱ្យកើតបញ្ហាក្រហាយទ្រូង និងឈឺក្រពះ។ ដូច្នេះ ប្រសិនណាអ្នកចង់ញុំាទឹកដោះគោបន្ទាប់ពីញុំាឆៃថាវ យកល្អគួរតែរក្សាគម្លាត ២-៣ម៉ោង។

២. ត្រសក់៖ មានមនុស្សជាច្រើនចូលចិត្តញុំាត្រសក់ជាមួយឆៃថាវ ក៏ប៉ុន្តែត្រសក់មានផ្ទុកសារធាតុ ascorbinase ដែលបំបែកវីតាមីន C។ ហេតុនេះ ការញុំាត្រសក់លាយជាមួយឆៃថាវ អាចរារាំងរាងកាយពីការស្រូបយកវីតាមីនC ដូច្នេះក្នុងលក្ខខណ្ឌការពារនៃការធ្លាក់ចុះនៃកម្រិតសារជាតិវីតាមីនC នៅក្នុងខ្លួន។

៣. ផ្លែក្រូច៖ ការទទួលទានផ្លែក្រូច រួមជាមួយនឹងឆៃថាវ អាចនឹងធ្វើឱ្យពុល ហើយអ្នកដែលប្រឈមនឹងការពុលនេះ អាចនឹងកើតជំងឺក្រពះ។

៤. ម្រះ៖ ការញុំាម្រះលាយនឹងឆៃថាវ អាចនឹងធ្វើឱ្យពុលប៉ះពាល់ដល់អាយុជីវិតបាន ដោយអ្នកពុលអាចមានអាការពិបាកក្នុងការដកដង្ហើម និងអាចបណ្ដាលឱ្យចលនាដើរខុសប្រក្រតី។

៥. តែ៖ ញុំាឆៃថាវ ជាមួយតែ អាចបណ្តាលឱ្យទល់លាមក និងកើនជាតិអាស៊ីតក្នុងខ្លួន ព្រោះកម្រិតសារជាតិមាននៅក្នុងតែ និងឆៃថាវ មានលក្ខណៈប្រឆាំងគ្នា ប្រសិនបើបើញុំាចូលទៅក្នុងខ្លួនក្នុងពេលតែមួយ៕

អត្ថបទដោយ៖ ប៉ាវ ភក្តី