ជំងឺមេរោគក្នុងក្រពះគឺកើតឡើងនៅពេលដែលប្រព័ន្ធការពាររាងកាយរបស់មនុស្សម្នាក់ចុះខ្សោយ ញ៉ាំរបបអាហារមិនបានត្រឹមត្រូវ និងកង្វះជាតិម៉ាញេស្យូមនៅក្នុងខ្លួន។ មេរោគក្រពះគឺជាប្រភេទជំងឺឆ្លង ហើយមិនមែនកើតតែចំពោះមនុស្សពេញវ័យនិងមនុស្សចាស់ប៉ុណ្ណោះទេ កុមារតូចតូចៗក៏អាចកើតជំងឺនេះបានដែរ។
ជាការពិតណាស់ យោងតាមការចុះផ្សាយលើគេហទំព័រ medicalnewstoday វេជ្ជបណ្ឌិត Satyaki Saikia ឯកទេសផ្នែកក្រពះពោះវៀនបានបញ្ជាក់ច្បាស់ៗថា ជាតិម៉ាញេស្យូម និងជាតិសរសៃគឺមាននាទីយ៉ាងសំខាន់ក្នុងការទ្រទ្រង់សុខភាពក្រពះពោះវៀន ជួយទប់ស្កាត់ការឆ្លងមេរោគចូលទៅក្នុងក្រពះនិងពោះវៀន ថែមទាំងជំនួយទៅដល់ប្រព័ន្ធរំលាយអាហារឱ្យដំណើរការបានល្អថែមទៀតផង។
ដូច្នេះដើម្បីបង្កើនកម្រិតជាតិម៉ាញេស្យូមក្នុងរាងកាយឱ្យគ្រប់គ្រាប់ ទប់ស្កាត់មេរោគ និងលាងសម្អាតមេរោគក្នុងក្រពះពោះវៀនឱ្យបានស្អាត វេជ្ជបណ្ឌិតណែនាំឱ្យបង្កើតទម្លាប់ញ៉ាំភេសជ្ជៈ៤ មុខខាងក្រោមឱ្យបានរាល់ថ្ងៃ៖
១. ទឹកប្រទាលកន្ទុយក្រពើ៖ ការសិក្សាបានរកឃើញថា សាច់របស់ប្រទាលកន្ទុយក្រពើមានផ្ទុកជាតិសរសៃ និងរំអិល ដែលមាននាទីជួយរារាំងការលូតលាស់របស់មេរោគនិងបាក់តេរី ថែមទាំងទប់ស្កាត់មេរោគកុំឱ្យចូលក្នុងក្រពះបានថែមទៀតផង។ ក្រទាលកន្ទុយក្រពើនេះអ្នកអាចញ៉ាំស្រស់ក៏បាន ឬយកទៅចម្អិនធ្វើជាភេសជ្ជៈក៏បានញ៉ាំនៅពេលព្រឹកនិងល្ងាចល្អបំផុត។
២. ទឹកពន្លកខាត់ណាខៀវ៖ ពន្លកផ្កាខាត់ណា គឺជាកូនដើមផ្កាខាត់ណាដែលមានអាយុត្រឹម៥ទៅ៦ថ្ងៃដំបូងមុនក្លាយទៅជាដើមខាត់ណា ។ ពួកវាផ្ទុកនូវសារធាតុគីមីដែលមានផ្ទុកស្ពាន់ធ័រខ្ពស់ខ្លាំងហៅថា sulforaphane ។ Sulforaphane ត្រូវបានគេស្គាល់ថាជាសារធាតុប្រឆាំងអុកស៊ីតកម្ម និងការបន្សាបជាតិពុល។ ការស្រាវជ្រាវបានរកឃើញថាការទទួលទានពន្លកខាត់ណាខៀវ 14 ទៅ 56 ក្រាម ពីរដងក្នុងមួយថ្ងៃ ជួយជម្រះមេរោគក្រពះ ទប់ស្កាត់បាក់តេរីបានយ៉ាងល្អ។ អ្នកអាចយកទៅក្រឡុកធ្វើភេសជ្ជៈផឹកបាន ដោយរបៀបក្នុងការក្រឡុកគឺអ្នកត្រូវបន្ថែមជាមួយទឹកធម្មតា១កែវ។
៣. តែបៃតង៖ តែបៃតងមិនគ្រាន់តែជាភេសជ្ជៈដ៏ពេញនិយម មិនថាក្តៅ ឬត្រជាក់នោះទេ។ វាក៏ត្រូវបានគេបង្ហាញថារារាំងការលូតលាស់នៃបាក់តេរី Helicobacter pylori ។ ការសិក្សា តែបៃតងប្រឆាំងនឹង Helicobacter ការពារការរលាកភ្នាសអញ្ចាញធ្មេញ ។ អ្នកស្រាវជ្រាវបានសន្និដ្ឋានថា តែបៃតងគឺជាសារធាតុធម្មជាតិដែលអាចប្រើដើម្បីការពារក៏ដូចជាព្យាបាលជំងឺរលាកក្រពះដែលបណ្តាលមកពីបាក់តេរី Helicobacter pylori ។
៤. ទឹកដោះគោ៖ សារធាតុ Lactoferrin ដែលជា glycoprotein មាននៅក្នុងទឹកដោះគោមាន សកម្មភាពរារាំងប្រឆាំងនឹង H. pylori ។ ម្យ៉ាងទៀត សារធាតុម្យ៉ាងហៅថា មេឡាណូឌីន ជួយទប់ស្កាត់ការលូតលាស់របស់មេរោគ H. pylori បានយ៉ាងល្អ។ ចំពោះការផឹកទឹកដោះគោអ្នកក៏គួរតែជ្រើសរើសដែរ គួរផឹកទឹកដោះគោណាដែលគ្មានជាតិស្ករ។
បន្ថែមពីលើនេះទៀត មនុស្សគ្រប់រូបត្រូវសម្គាល់អាការខ្លួនឯង ប្រសិនបើអ្នកមានរោគសញ្ញា៖ ឈឺពោះ អស់កម្លាំង ការក្រហាយទ្រូង ចង្អោរ លាមកប្រែពណ៌ រាគ ភាពស្លេកស្លាំង ថយចុះឬបាត់បង់ចំណង់អាហារ...នេះជាសញ្ញាមេរោគក្នុងក្រពះ។ ដូច្នេះត្រូវប្រញាប់រកវិធីដោះស្រាយដោយទៅពិគ្រោះយោបល់ជាមួយគ្រូពេទ្យជំនាញ និងបង្កើតទម្លាប់ញ៉ាំភេសជ្ជៈទាំង៥ខាងលើឱ្យបានរាល់ថ្ងៃ៕