នាពេលបច្ចុប្បន្ននេះ មនុស្សមានទម្លាប់មិនល្អមួយចំនួនដែលធ្វើឱ្យសុខភាពរបស់គាត់កាន់តែទ្រុឍទ្រោម ទោះបីអាយុនៅក្មេងមែនតែមានជំងឺច្រើនណាស់ ជាពិសេសគឺបញ្ហាខូចក្រលៀនខ្សោយក្រលៀន និងគ្រួសក្នុងតម្រងនោមជាដើម។ដូច្នេះហើយការតាមដានសុខភាពទុក​មុនគឺជារឿងសំខាន់ណាស់មិនថាអាយុនៅក្មេងឬក៏អាយុច្រើនទេ ឈឺអាចឈឺបានទាំងអស់គ្នា។

ដូច្នេះហើយក្រៅពីជួបពេទ្យដើម្បីតាមដាន ជំងឺនៅក្នុងអត្ថបទនេះខ្ញុំនឹងមកប្រាប់បងប្អូនពីបន្លែ៣មុខដែលមានអត្ថប្រយោជន៍ជួយដល់កក្រលៀន។ ក៏ប៉ុន្ដែមិនមែនមានន័យថាវាជាបន្លែល្អបំផុតគ្រាន់តែញុំាបងប្អូនអាចទទួលបានក្រលៀនមានសុខភាពល្អនោះទេ។ ក៏ប៉ុន្ដែមនុស្សយើងគឺរស់នៅជាមួយរបបអាហារកាលណារបបអាហារយើងល្អ យើងចេះជ្រើសរើសញុំានោះសុខភាពរបស់យើងល្អតាមហ្នឹង។

១.ស្ពៃក្ដោប៖ជាការពិតណាស់ បងប្អូនណាខ្លះចូលចិត្តញុំាស្ពៃក្ដោប? បងប្អូនមានដឹងអត់ថាស្ពៃក្ដោបជួយអ្វីខ្លះដល់សុខភាពរបស់បងប្អូន? ស្ពៃក្ដោបគឺជាបន្លែមួយដែលមានជាតិសរសៃច្រើន ហើយញុំាទៅអាចជួយឱ្យសុខភាពក្រពះពោះវៀនរបស់បងប្អូនដំណើរការបានល្អ កាលណាក្រពះបងប្អូនដំណើរការបានល្អ សុខភាពរបស់បងប្អូនក៏ល្អដូចគ្នា ហើយនៅក្នុងស្ពៃក្ដោបក៏សម្បូរដោយវីតាមីន ហើយល្អសម្រាប់ជំនួយភ្នែកមួយវិញទៀតក៏មានផ្ទុកដោយ សារធាតុប្រឆាំងអុកស៊ីតកម្ម ហើយក៏ល្អសម្រាប់សុខភាពរបស់តម្រងនោមដូចគ្នា ។

២.ខាត់ណាពណ៌ស៖ ជាការពិតបងប្អូនជាច្រើនប្រាកដជាចូលចិត្តហើយ រសជាតិក៏ឆ្ងាញ់ ជាពិសេសមានសារធាតុប្រឆាំងអុកស៊ីតកម្ម ការពារជំងឺមហារីក ល្អសម្រាប់ក្រពះពោះវៀន និងមានអត្ថប្រយោជ៍ជួយដល់សុខភាពតម្រងនោមផងដែរ។ ដូច្នេះសម្រាប់បងប្អូនដែលមិនទាន់សូវញុំាបន្លែនេះ អាចឧស្សាហ៍ញុំា១សប្ដាហ៍២ទៅ៣ដងក៏បានដែរ ព្រោះបន្លែកាន់តែញុំាកានើតែជួយ មិនសូវប៉ះពាល់ឡើថជាតិអាស៊ីត ឡើងគីឡូ ដូចញុំាប្រភេទសាច់ឡើយ។

៣.ម្ទេសប្លោកពណ៌ក្រហម៖ ម្ទេសពណ៌នេះគឺមានប្រយោជន៍សម្រាប់ ខ្លាំងមែនទែនសម្រាប់សុខភាពរបស់តម្រងនោម និងល្អសម្រាប់សុខភាពរបស់ក្រពះ និងល្អសម្រាប់សម្រស់ផងដែរ។ នេះក៏ព្រោះតែនៅក្នុងម្ទេសប្លោកពណ៌ក្រហមគឺក៏សម្បូរដោយវីតាមីនស៊ីផងដែរ។ ដូច្នេះបងប្អូនគួរតែឧស្សាហ៍ញុំាខ្លះផង កាន់តែញុំាជួយកាន់តែច្រើន។

សរបមក៣មុខខាងលើនេះបងប្អូនចូលចិត្ត១ណា? មានទម្លាប់ញុំា១ណាជាងគេ?