សព្វថ្ងៃនេះ មានមនុស្សភាគច្រើនលើសគីឡូឬធាត់ វាជាបញ្ហានាំជំងឺចូលខ្លួនដូចជាជំងឺលើសឈាម ជំងឺគាំងបេះដូង និងជំងឺទឹកនោមផ្អែម។ ដូចនេះហើយ ការសម្រកគីឡូជារឿងល្អបំផុតដើម្បីការពារជំងឺកាចទាំងអស់នេះ។ អ្នកកុំស្មុគស្មាញច្រើន មកប្រើ ៣វិធីនេះជម្រះជាតិខ្លាញ់។
១. កំណត់គោលដៅ៖ អ្នកសម្រកគីឡូភាគច្រើនបរាជ័យព្រោះតែចង់ស្រកគីឡូលឿនពេក។ មានអ្នកខ្លះចង់សម្រកគីឡូលឿនសុខចិត្តប្រើថ្នាំសម្រកគីឡូនាំឱ្យប៉ះពាល់សុខភាពពេលក្រោយក៏មានដែរ។ ការមានគោលដៅ ធ្វើឱ្យអារម្មណ៍អ្នកមានកម្លាំងចិត្តព្យាយាមបានរហូតដោយមិនបាក់ទឹកចិត្តនោះទេ។ នៅក្នុងរយៈពេល ៥ទៅ១៩ខែ ស្ត្រីទើបសម្រាលរួចអាចសម្រកទម្ងន់បានប្រហែល ៥គីឡូ ដោយមិនប៉ះពាល់ជាមួយវិធីសាស្ត្រគ្រប់គ្រងអាហារ និងផែនការហាត់ប្រាណ ។ ការមានគោលដៅបែបនេះ ធ្វើឱ្យអ្នកសប្បាយចិត្តក្នុងការបង្វឹកហាត់បានល្អ។
២. ហាមញ៉ាំពេលយប់៖ អ្នកមិនត្រូវញ៉ាំអាហារពេលយប់បន្ទាប់ពីអ្នកហូបបាយល្ងាចនោះទេ។ បើចង់ញ៉ាំ អ្នកគួរញ៉ាំតែក្តៅ ឬយ៉ាអួរមួយកំប៉ុងក៏បាន។ ពេលដុសធ្មេញរួច មិនគួរញុំាអ្វីទៀតនោះទេ ហើយអាហារសម្រន់ពេលយប់អាចធ្វើឲ្យឡើងគីឡូលឿនបំផុត។ ជាពិសេសអ្នកកុំផឹកកាហ្វេផងដែរ វានាំបញ្ហាគេងមិនលក់ ប៉ះពាល់ដល់ការសម្រកគីឡូផងដែរ។
២. ហាត់ប្រាណឲ្យបានទៀងទាត់៖ បើអ្នកចង់ស្រកគីឡូគួរតែធ្វើការហាត់ប្រាណ។ អ្នកអាចជ្រើសរើសការហាត់ប្រាណណាដែលសាកសមជាមួយនឹងអ្នក ដូចជា ការរត់តិចៗពេលព្រឹកជាប្រចាំ ឬហាត់យោហ្គាផងដែរ។ តាមលោកវេជ្ជបណ្ឌិត Eric Berg មានប្រសាសន៍បន្ថែមថា “ពេលយើងហាត់ប្រាណក្នុងកម្រិតស្រាល ឬមិនរហែកសាច់ដុំឱ្យបានគ្រប់គ្រានទេ អ្នកមិនអាចកម្ចាត់ជាតិខ្លាញ់ក្បាលពោះបានទេ។ ការសម្រកក្បាលពោះ និងបង្កើនសាច់ដុំ យើងគួរហាត់កម្រិតធ្ងន់ ឬហាត់Gym ដើម្បីដុតជាតិខ្លាញ់ឱ្យលឿន”។ អត្ថបទដោយ៖ ទ្រ សុភាព