យោងតាមចុះផ្សាយរបស់ទស្សនាវដ្ឋី The Lancet បានអះអាំងថា ប្រទេសជប៉ុនបានឈរនៅលំដាប់កំពូលដែលប្រជាជនមានសុខភាពល្អជាងគេលើលោក។ ចំពោះកុមារក៏ជាប់ចំណាត់ថ្នាក់នៅកំពូលតារាងលើពិភពលោកផ្នែកសុខភាពល្អ និងឆ្លាតជាងគេដែរ។ នេះជាអាថ៌កំបាំងទាំង ៣ជួយឱ្យឪពុកម្ដាយថ្មីថ្មោង ក្នុងការចិញ្ចឹមបីបាច់កូនប្រកបដោយសេចក្ដីស្រលាញ់ ការគោរពឱ្យតម្លៃ និងភាពជាគំរូដល់កូនៗ៖
១. សុំឱ្យកូនរបស់អ្នកបង្រៀនអ្នក៖ ការលើកទឹកចិត្តកូនរបស់អ្នកឱ្យពន្យល់ពីមេរៀន ហេតុការណ៍ ការលេងកម្សាន្ត ដែលគាត់កំពុងរៀន ដែលបានជួបបានធ្វើរួចដល់អ្នកវិញ។ ធ្វើជាឆ្ងល់ មិនចេះ មិនដឹង ដើម្បីតេស្តមើលថាតើកូនៗរបស់អ្នកអាចចងចាំបានប៉ុនណា។ ពេលឱ្យកូនជួយបង្រៀនដល់អ្នក ធ្វើឱ្យកូនលោកអ្នកបែកបញ្ញាមានគំនិតថ្មីៗ។ ជាពិសេសអ្នកគួរតែចំណាយពេលលេងជាមួយកូនៗ ដើម្បីបង្កើតស្និតស្នាល បង្កើនក្តីស្រឡាញ់ផងដែរ។
២. សុខភាពផ្លូវចិត្ត៖ ឪពុកម្ដាយត្រូវយកចិត្តទុកដាក់ទៅលើសុខភាពផ្លូវចិត្ត និងសុខភាពរាងកាយរបស់កូនៗ នៅក្នុងនោះដែរ មានរបាយការណ៍មួយបានលើកឡើងថា ការនាំកូនហាត់ប្រាណនឹងធ្វើឱ្យសុខភាពរាងកាយ និងសុខភាពផ្លូវចិត្តរបស់ពួកគេមានភាពប្រសើរឡើង។ បន្ទាប់ពីធ្វើលំហាត់ប្រាណរួចឪពុកម្ដាយត្រូវតែរៀបចំនូវចំណីអាហារដូចជា ផ្លែឈើ ទឹក ទឹកដោះគោ និងអាហារសុខភាពនានាផ្ដល់ដល់កូន ដើម្បីឱ្យកូនៗទទួលបាននូវថាមពើរាងកាយពេញលេញ ចៀសឆ្ងាយពីជំងឺនានា។ នេះជាតាមសម្តីរបស់អ្នកនិពន្ធ Christine Bennett ។
៣. បង្កើតវិន័យសម្រាប់កូនៗរបស់អ្នក៖ ប្រដៅកូនដោយប្រើវិន័យគឺជារឿងដែលឪពុកម្ដាយគ្រប់គ្នាគួរតែមាន ការមានវិន័យនឹងធ្វើឱ្យកូនអ្នក ក្លាយជាក្មេងចេះស្ដាប់បង្គាប់ជាងមុន។ ឧ.បើសិនកូនអ្នកទារទូរស័ព្ទ ឬក៏ទូរទស្សន៍មើល។ ជាឪពុកម្ដាយកុំតាមចិត្តកូនរបស់អ្នកភ្លាមៗត្រូវមានវិន័យ១សម្រាប់ពួកគេ។ មានន័យថាបើពួកគេចង់មើលទូរស័ព្ទ ត្រូវតែធ្វើកិច្ចការសាលាឱ្យរួចរាល់ជាមុន បើពួកគេខ្ជិលនឹងអត់បានមើលឡើយ ការប្រើវិន័យនេះ គឺជួយឱ្យកូនអ្នករីកចម្រើន ប្រសើរជាងយើងវៃកូនពេលពួកគេទារទូរស័ព្ទហើយយើងជាឪពុកម្ដាយមិនឱ្យ ដល់ពេលកូនយំក៏វៃ៕ អត្ថបទដោយ៖ ទ្រ សុភាព
សៀវភៅ លំហូរចិត្ត ១ក្បាលនេះអាចជួយពង្រឹងផ្លូវចិត្តរបស់អ្នកឲ្យងើបឡើងមកវិញ។ អ្នកអាចទិញសៀវភៅ "លំហូរចិត្ត" តាមនេះhttps://t.me/BusinessCambodiaBook