មនុស្សយើងមានអាយុកាន់តែច្រើន ស្បែកយើងកាន់តែចាស់ជារឿងធម្មជាតិ ប៉ុន្តែបើអ្នកមិនចង់ចាស់លឿនទេ។ អ្នកគួរតែហាត់ប្រាណ និងគេងឱ្យបានគ្រប់គ្រាន់ ដើម្បីបណ្តុះកោសិកាស្បែកឡើងវិញ។ បើអ្នកវ័យក្មេងតែមុខចាស់ជាងវ័យគ្មាននរណាសប្បាយចិត្តនោះទេ ហេតុនេះបើយើងមិនចង់ចាស់ទេ ត្រូវដឹងពីវិធីថែរក្សា។ មានអាហារ ៣ជួយថែសម្រស់ស្អាត ថែមទាំងនៅក្មេងជាងវ័យបានយូរថែមទៀតផង។
១. វីតាមីន C៖ ផ្អែកតាមប្រភព vnexpressបញ្ជាក់ថា វីតាមីន C អាចជួយការពារការរលាក បង្កើនកូឡាជែន បង្កើនភាពយឺតនៃស្បែក និងការពារការខះជាតិទឹក។ អ្នកដែលមានកង្វះវីតាមីន C អាចជួបប្រទះនឹងការព្យាបាលមុខរបួសយូរជាសះស្បើយ។ វីតាមីន C ច្រើនមាននៅក្នុងបន្លែផ្លែឈើដូចគ្នា ដូចជាម្នាស់ ចេក ត្របែក ក្រូច ឳឡឹក និងបន្លែផ្សេងៗទៀត...។
២. ការញុំាត្រីទាំងស្បែក៖ យោងតាមការបញ្ជាក់កេហទំព័រ Healthline បានបញ្ជាក់ថាមនុស្សភាគច្រើនពេលញុំាត្រី ពួកគេយកស្បែកត្រីចេញ ក៏ប៉ុន្តែអ្នកជំនាញបាននិយាយថា មួយតួខ្លួនរបស់ត្រីសុទ្ធតែជាកន្លែងដែលសម្បូរអាមីណូអាស៊ីត ដែលជួយជំរុញដល់ការផលិតខូឡាជែន។ ជាពិសេស ការញុំាត្រីសាល់ម៉ុន ក៏ប៉ុន្តែដោយសាត្រីសាល់ម៉ុនមានតម្លៃរាងថ្លៃបន្តិច ដូច្នេះលោកអ្នកអាចញុំាត្រីដែលសម្បូរក្នុងស្រុកខ្មែរបានដូចគ្នា ដូចជាត្រីរ៉ស់ ត្រីដៀប និងប្រភេទកូនត្រីផ្សេងៗទៀត។
៣. តែជីរអង្កាម៖ តែជីអង្កាមជាប្រភេទភេសជ្ជៈល្អបំផុតសម្រាប់ជួយដល់សុខភាពផ្លូវដង្ហើម ក៏ប៉ុន្តែអត្ថប្រយោជន៍របស់វាមួយផ្នែកទៀតក៏ជួយដោះស្រាយបញ្ហា ស្នាមជាំផងដែរ។ ការទទួលទានតែជីអង្កាមក្តៅៗព្រឹក-ល្ងាច ជាប្រចាំថ្ងៃ អាចទប់ស្កាត់ការកើនឡើងនៃអរម៉ូនស្ត្រេសដែលបង្កឱ្យកើតមុន ប្រឆាំងនឹងការរលាកផ្សេងៗដែលបណ្ដាលឱ្យកើតជាមុនខ្ទុះ ឬមុនកប់ក្រោមស្បែក និងជួយសម្រួលដល់បញ្ហាស្បែកងាយឡើងសរសៃក្រហម៕ អត្ថបទដោយ៖ ទ្រ សុភាព
សៀវភៅ "លំហូរចិត្ត" លោកអ្នកអាចកក់មុន មានតម្លៃបញ្ចុះពិសេសតាម https://t.me/hangchhengH24