ការចងចាំគឺជាផ្នែកមួយដ៏សំខាន់ក្នុងការកសាងមូលដ្ឋានគ្រឹះដ៏រឹងមាំសម្រាប់ការសិក្សា ទាំងក្នុងថ្នាក់រៀន និងក្រៅថ្នាក់។ ការមានការចងចាំល្អអាចជួយកូនរបស់អ្នកធ្វើបានល្អនៅសាលា ធ្វើតេស្តបានល្អ និងសម្រេចបានពិន្ទុកាន់តែប្រសើរ ហើយក៏ជះឥទ្ធិពលល្អដល់អនាគតរបស់ពួកគេដែរ។
ដើម្បីឱ្យកូនរបស់អ្នកមានការចងចាំល្អ អាចសាកល្បងអនុវត្តវិធីសាស្ត្រខាងក្រោមនេះបាន៖
១ លើកទឹកចិត្តកូន ឱ្យសួរសំណួរឱ្យច្រើន៖ ការលើកទឹកចិត្តកូនរបស់អ្នកឱ្យសួរសំណួរជួយធានាថាគាត់កំពុងអភិវឌ្ឍការយល់ដឹងកាន់តែស៊ីជម្រៅអំពីប្រធានបទណាមួយ យល់ដឹងពីអ្វីមួយកាន់តែល្អ។ វិធីនេះក៏ជួយសិស្សអភិវឌ្ឍជំនាញគិតពិចារណា និងជំនាញដោះស្រាយបញ្ហាបានផងដែរ។ មិនថាជាសំណួរអ្វីទេ ចូរព្យាយាមបង្រៀនឱ្យពួកគេ ចេះសួរ ចេះឆ្ងល់ ហើយសូមកុំធុញនឹងឆ្លើយតបជាមួយចម្ងល់របស់ពួកគេឡើយ ធ្វើបែបនេះ ក៏អាចជួយឱ្យពួកគេចេះសួរ មានភាពក្លាហានៅសាលារៀនផងដែរ។
២ ធ្វើឱ្យការរៀនសូត្រគួរឱ្យរំភើប៖ លើកទឹកចិត្តឱ្យកូនអ្នកមានការសាទរក្នុងការរៀនសូត្រ ដោយធ្វើដំណើរទៅបណ្ណាល័យ ដើម្បីពិនិត្យមើលសៀវភៅ ឬវីដេអូអំពីមុខវិជ្ជាផ្សេងៗ។ ប្រសិនបើកូនរបស់អ្នកចាប់អារម្មណ៍លើសម្ភារៈដែលគាត់កំពុងរៀន វានឹងកាន់តែងាយស្រួលក្នុងការចងចាំវានាពេលអនាគត។ បង្កើតបរិយាកាស សម្ភារៈសិក្សា របស់លេង ឱ្យបានពណ៌ចម្រុះ ថ្មីៗប្លែកៗ ឬនាំពួកគេបង្កើត ធ្វើវាឡើងដោយខ្លួនឯង កូននឹងមានអារម្មណ៍សប្បាយជាមួយនឹងការរៀនថ្មីៗ មិនធុញថប់ ឆាប់ចាំបាន។
៣ សុំឱ្យកូនរបស់អ្នកបង្រៀនអ្នក៖ លើកទឹកចិត្តកូនរបស់អ្នកឱ្យពន្យល់ពីមេរៀន ហេតុការណ៍ ការលេងកម្សាន្ត ដែលគាត់កំពុងរៀន បានជួប បានធ្វើរួច ដល់អ្នកវិញ។ ធ្វើជាឆ្ងល់ មិនចេះ មិនដឹង ដើម្បីតេស្តមើលថាតើកូនៗរបស់អ្នកអាចចងចាំបានប៉ុនណា។
៤ បង្រៀនកូនដោយការស្ដាប់ឱ្យបានច្រើន៖ ការបង្រៀនដោយឱ្យពួកគេផ្ដោតលើការស្ដាប់ ធ្វើឱ្យក្មេងផ្ដោយអារម្មណ៍បានខ្លាំង ស្ដាប់ច្រើនដងងាយចងចាំ មិនខុសអ្វីពីយើងគ្រាន់តែស្ដាប់ចម្រៀងហើយចេញច្រៀងនោះទេ។ បន្ទាប់ពីស្ដាប់ រួចសួរពួកគាត់ថាចាប់បានអ្វីខ្លះ ឱ្យពួកគេសរសេរ ឬគូសវាចេញមក។