ជាទូទៅសម្រស់តែងវិញជាប់ជាមួយនឹងសុខភាពទាំងរាងកាយ និងផ្លូវចិត្ត ដូចន្នេះប្រសិនបើការយកចិត្តទុកដាក់លើបញ្ហាជាប់ទាក់ទងនេះបានល្អនោះ ក្រៅពីផលិផលដែលជាគ្រឿងលម្អបន្ថែម អ្នកនឹងទទួលបានសុខភាពល្អសម្រស់ស្រស់ថ្លាពីខាងក្នុង។

ខាងក្រោមនេះជាចំណុចខ្លះៗដែលអ្នកគួរងាកមកចាប់អារម្មណ៍ ក្រៅពីខំតែចំណាយលុយលើគ្រឿងសម្អាង ដើម្បីបានភាពស្រស់ស្អាតពីក្នុងមក។

រឿងដែលគួរធ្វើ៖

១.ធ្វើការជ្រើសរើសអាហារដែលមានសុខភាពល្អ។ អ្វីដែលអ្នកញ៉ាំមានឥទ្ធិពលលើអារម្មណ៍របស់អ្នក។ កាបូអ៊ីដ្រាតបង្កើនសារធាតុ serotonin ដែលត្រូវបានគេដឹងថារួមចំណែកដល់សុខុមាលភាពនិងភាពរីករាយ។

២.នៅពេលអ្នកគិតវិជ្ជមានអ្នកធ្វើសកម្មភាពវិជ្ជមាន។ ដូចជាការធ្វើល្អ នៅពេលអ្នកជួយអ្នកដទៃវាមិនត្រឹមតែផ្តល់អត្ថប្រយោជន៍ដល់អ្នកទទួលប៉ុណ្ណោះទេប៉ុន្តែអ្នកផ្តល់អំណោយផងដែរ។ហើយអ្នកនឹងផ្ដើមធ្វើរឿងល្អៗទាំងសម្រាប់ខ្លួនឯងផងដែរ មិនថាសុខភាព ឬការអភិវឌ្ឍន៍ខ្លួនជាដើម។

៣.កំណត់ការលាតត្រដាងរឿងទុក្ខសោករបស់អ្នកលើប្រព័ន្ធផ្សព្វផ្សាយសង្គមប្រសិនបើអ្នករកឃើញចំណុចទាំងនេះជាផ្នែកដែលនាំអ្នកមិនសប្បាយចិត្ត អ្នកត្រូវផ្អាក់ធ្វើសកម្មភាពជាមួយវា។នោះភាពស្រស់ថ្លានៃអារម្មណ៍នេងប្រសើរឡើង បើយើងទប់ស្កាត់ចំណុចនេះបាន។

៤.នៅពេលដែលអ្នកមានអារម្មណ៍ថប់បារម្ភឬស្ត្រេសកើនឡើងសូមឈប់សំរាកពីអ្វីដែលបណ្តាលឱ្យស្ត្រេសនោះ។ ទៅ​ដើរលេង។ ធ្វើលំហាត់ដកដង្ហើម។ បើកតន្ត្រីរបស់អ្នកហើយច្រៀងនិងរាំ។ ប្រសិនបើអ្នកចូលចិត្តសួនច្បារ អ្នកអាចចេញទៅខាងក្រៅហើយចាប់ដៃរបស់អ្នកនៅក្នុងភាពកខ្វក់។

រឿងដែរពុំគួរធ្វើ៖

១.កុំខឹងច្រើន

ពិតណាស់យើងធ្លាប់តែលឺសើចច្រើនអាចជ្រួញ តែការខឹងមុខក្រញូវ ក៏ធ្វើឱ្យស្បែកលើផ្ទៃមុខឆាប់ជ្រួញជាផ្នត់ផងដែរ មិនតែប៉ុណ្ណោះក៏អាចកាត់បន្ថយខូឡាជែននៃស្បែករបស់អ្នកផងដែរ។

២.មិនត្រូវមានអារម្មណ៍ព្រួយបារម្ភឬភ័យខ្លាចជាប់ខ្លួន ពិសេសរឿងដែលពុំទាន់កើតឡើង

យើងអាចសង្កេតដោយឧទាហរណ៍ងាយៗ នៅពេលដែលយើងភ័យរន្ធត់ទៅនឹងហេតុការអ្វីមួយ ស្បែកយើងចាប់ផ្ដើមស្លេកខ្លាំង ពេញតួខ្លួន។មិនខុសអ្វីនៅពេលអ្នកមានទុក្ខព្រួយជាប្រចាំ ការប៉ះពាល់ដល់សម្រស់ស្បែកគឺប្រាកដជាមានចេញពីខាងក្នុងដែលពាក់ព័ន្ធនឹងអរម៉ូនក្នុងខ្លួន។

៣.កុំអោបស្រ្តេសនិងបញ្ហាការធ្លាក់ទឹកចិត្ត

ជាទូទៅនៅពេលអារម្មណ៍មិនល្អ មនុស្សយើងអាចកើតមានបញ្ហាជាប់ទាក់ទងគ្នាទាំងផ្លូវចិត្តនិងរាងកាយ។គិតច្រើន ពីនេះពីនោះអាចប៉ះពាល់ដល់ដំណេក ការហូបចុក ការមើលថែរាងកាយមិនបានល្អក្ដី។

សុខភាពរាងកាយល្អ អារម្មណ៍ជ្រះស្រលះនឹងជួយឱ្យសម្រស់ស្រស់ស្អាតពីខាងក្នុង ថែមពីលើការប្រើផលិតផលមួយកម្រិតទៀតដូច្នះ សូមព្យាយាមបង្កើនសម្រស់តាមវិធីងាយៗនេះទាំងអស់គ្នាដើម្បីសុខភាពក៏រឹងមាំ សម្រស់ល្អទាំងព្រម។