បើយើងនិយាយពីរាងស្លីម ភាគច្រើនគេនឹកឃើញដល់តារាចិនមុនគេ ដោយសារតែស្ដង់ដារសម្រស់របស់ចិនគឺរាងស្គមស្លីម ស្ដើង។ បើបងប្អូនជាអ្នកតាមដាន រឿងភាគចិន បងប្អូនច្បាស់ជាឃើញហើយថាតារាៗចិនភាគច្រើន គឺមានរាងតូច ស្លីម ដោយសារតែនៅចិន គេពេញនិយាមរាងតូច ស្លីម រហូតដល់មានការលេងហ្គេម ការប្រកួតសម្រក់គីឡូ យកចង្កេះតូច កដៃ ជើងតូចស្រលូន ឬក៏មានឆ្អឹងដងកាំផុសរហូតដល់ដាក់ទឹកបាន។
យ៉ាងណាមិញ ក្នុងអត្ថបទនេះមិនបានលើកទឹកចិត្តឱ្យបងប្អូនសម្រកគីឡូដល់ស្គមខ្លាំងតាមចិន ឬសម្រករហូតប៉ពាល់សុខភាពឡើយ គ្រាន់តែចែករំលែកទិកនិចខ្លះៗដែលបងប្អូនអាចយកអនុវត្តបានតាមជាក់ស្ដែង។
ចូលដល់ទិកនិចក្នុងការសម្រកគីឡូថែរាងរបស់ជនជាតិចិនវិញម្ដង វិធីសាស្ត្ររបស់ពួកគេមាន៖
១ ទម្លាប់ញ៉ាំទឹកស៊ុប ញុមញ៉ាំអាហារ ហើយនេះក៏ជាទិកនិចថែរាងមួយរបស់តារាស្រី Zhao Liying នាងធ្លាប់បានបានបង្ហើបថា មុខពេលញុំាអាហារបាយរៀងរាល់ពេល នាងតែងតែទម្លាប់ហុតទឹកស៊ុបក្ដៅៗមួយចានធំ។ គោលបំណងដែលហ៊ុតទឹកស៊ុបបន្លែ ឬទឹកស៊ុបដែលមានរសជាតិស្រាល គឺដើម្បីកាត់បន្ថយចំណង់អាហារ និងជំរុញឱ្យការរំលាយអាហារបានលឿនជាងមុន និងស្រូបយកជីវៈជាតិបានច្រើន។
២ ទម្លាក់ផឹកតែក្ដៅឬទឹកក្ដៅ និងទទួលទានទឹកឱ្យបានយ៉ាងណាស់២លីត្រក្នុង១ថ្ងៃ ដូចដែលបងប្អូនដឹងហើយ ថាជនជាតិចិនគឺចូលចិត្តផឹកតែណាស់ មិនមែនផឹកតែក្ដៅជួយដុតខ្លាញ់ក្បាលពោះអីទេ គ្រាន់តែទឹកក្ដៅគឺចូលទៅជួយសម្រួលដល់ប្រព័ន្ធរំលាយអាហារ មួយវិញទៀតទឹកគឺ០ កាឡូរី ចឹងហើយទឹកផឹកបានគ្រប់គ្រាន់ តែផឹកទឹកមុនអាហារក៏ជួយកាត់បន្ថយចំណង់អាហារបានផងដែរ។
៣ ញ៉ាំអាហារយឺតៗហើយម្ដងបន្តិចៗ មិនមែនតែចិនទេ ភាគច្រើននៅប្រទេសមួយចំនួនប៉ែកអាស៊ីយើងនេះ នៅលើតុបាយមានម្ហូបម្ដងលើសពី១មុខ ហើយគេប្រើចានតូចៗ និងប្រើចង្កឹះញ៉ាំបាយ។ ការប្រើចង្កឹះញ៉ាំបាយធ្វើឱ្យការញ៉ាំម្ដងបន្តិចៗ និងយឺតៗ ដោយពួកគេជឿថា ការញ៉ាំបែបនេះគឺនឹងធ្វើឱ្យឆ្អែតលឿន និងមិនចាំច្រើនលើសកំណត់។
អត្ថបទដោយ៖ សេងហុង-Senghong