ហើយតាមការសិក្សាស្រាវជ្រាវរបស់ បណ្ឌិត ហាមិលតុន បានចំណាយពេល ៤ឆ្នាំ លើជីវិតអាពាហ៍ពិពាហ៍របស់បុរស 100 នាក់ និងនារី 100 នាក់ ដែលគេដាក់សំណួរទៅលើបុរសស្ត្រីទាំងនោះម្តងម្នាក់ចំនួន ៤០០សំណួរទាក់ទងនឹងជីវិតអាពាហ៍ពិពាហ៍ ហើយជជែកដេញគោលជាមួយគ្នាយ៉ាងលម្អិតបានលើកឡើងថា កំហុសឆ្គងធ្វើឱ្យមានទំនាស់ក្នុងជីវិតគូស្រករពុំមែនបណ្តាលមកពីការគ្មានសេចក្តីសុខផ្លូវភេទទេ មានកត្តារួមផ្សំផ្សេងជាច្រើន ប៉ុន្តែកត្តាផ្លូវភេទជារឿងសំខាន់ទី១ ដែលមនុស្សជាច្រើនមើលរំលង។

 សូម្បីលោកបណ្ឌិត ប៉ូល ប៉ូពើណូ ជានាយកវិទ្យាស្ថានសុភមង្គលគ្រួសារ បានសម្ភាសគូអាពាហ៍ពិពាហ៍រាប់ពាន់នាក់ ដែលមានការបែកបាក់គ្រួសារ អាចមកពីកត្តាបួនយ៉ាងដួចជា៖

1. មិនបានបំពេញតម្រូវការផ្លូវភេទឱ្យបានពេញចិត្តរវាងគ្នានឹងគ្នាសោះ។

2. មានចំណង់ចំណូលចិត្តមិនដូចគ្នាលើការកម្សាន្តសប្បាយជាដើម។

3. សេដ្ឋកិច្ចខ្សត់ខ្សោយ ឬចំណូលតិចផងដែរ។

4. ចិត្តគំនិត រូបសម្បត្តិ អារម្មណ៍ខុសប្រក្រតី។

 បើយើងសង្កេតមើលថា ផ្នែកតម្រូវការផ្លូវភេទឈរលើលំដាប់ទីមួយ ហើយអ្វីគួរ ឲ្យចម្លែកគឺផ្នែកសេដ្ឋកិច្ចស្ថិតនៅលំដាប់ទី៣ទៅវិញ។ នេះជាការបញ្ជាក់ថា រឿងផ្លូវភេទពិតជាសំខាន់ក្នុងជីវិតប្តីប្រពន្ធណាស់៕ អត្ថបទដោយ៖ ​ទ្រ សុភាព