មនុស្សយើងសព្វថ្ងៃនេះ មានការព្រួយបារម្ភច្រើនពីរឿងអនាគត និងបញ្ហាលុយកកាក់តែម្តង។ ជាពិសេសយុវជនតែម្តង ខំធ្វើការនិងគិតពីអនាគតដែរ តែភាគច្រើនកម្រមានអ្នកទៅដល់ណាស់។ អ្នកអាចមកប្រើ ៣វិធីនេះរបស់លោក Steve Jobs ធ្វើឱ្យអស់ក្តីព្រួយបញ្ហាក្នុងចិត្តជាមិនខានឡើយ។
១. ពូកែគិតច្នៃប្រឌិដ្ឋគ្មានអ្នកប្រៀបផ្ទឹមបាន៖ ការមានទេពកោសល្យមិនគ្រប់គ្រាន់នោះទេ លុះត្រាអ្នកមានខួរក្បាលពូកែគិតដោះស្រាយបញ្ហានានា ទើបអ្នកឈានទម្លុះបញ្ហាដល់អនាគត។ ព្រោះភាពច្នៃប្រឌិតរបស់បុគ្គលពូកែអស្ចារ្យក្នុងលោកនេះ ដូចជាលោក Steve Jobs មានទេពកោសល្យខាងបច្ចេកវិទ្យាតាំងពីក្មេងគឺលោកពូកែផ្តោតអារម្មណ៍និងមានសិល្បគិតខ្ពស់ណាស់។ ការគិតបែបស្រមៃនេះ ធ្វើឱ្យគាត់មានទេពកោសល្យគិតច្នៃប្រឌិដ្ឋបង្កើតបានជាទូរស័ព្ទ Iphone ឡើងមក។
២. រស់នៅលើគំនិតផ្ទាល់ខ្លួន៖ តាមលោកយាយ អាយរីស តែងតែរស់នៅតាមគំនិតរបស់ខ្លួន មិនមែនរស់នៅក្នុងគំនិតរបស់អ្នកដទៃនោះទេ។ ចឹងហើយបានជាគាត់ មានស្ទាយប្រចាំខ្លួនយ៉ាងស្រស់ឆើតឆាយ។ គាត់បាននិយាយថា “ខ្ញុំមិនរស់នៅក្នុងគំនិតអ្នកដទៃនោះទេ ខ្ញុំពេញចិត្តនឹងជីវិតរបស់ខ្ញុំមួយនេះណាស់”។ សូម្បីតែគំនិតលោក ស្ទេវ ចប ក៏បាននិយាយដែរថា “អ្នកកុំជាប់អន្ទាក់នឹងជំនឿដែលអ្នកកំពុងតែរស់នៅក្នុងលទ្ធផលជាការគិតរបស់អ្នកដទៃ។ តែរឿងសំខាន់បំផុតក្នុងជីវិតរបស់អ្នក ត្រូវមានភាពក្លាហានដើម្បីធ្វើអ្វីៗតាមបេះដូងនិងវិចារណញាណរបស់ខ្លួននេះឯង”។ ពេលអ្នកខ្លះ ដើម្បីអ្នកឈានដល់អនាគតនោះ អ្នកត្រូវធ្វើការប្រឆាំងមតិភាគច្រើន ហើយដើរម្នាក់ឯងក៏មានដែរ។ ដើម្បីអនាគតអ្នកមិនត្រូវចុះចាញ់បញ្ហានិងការរិះគន់របស់អ្នកដទៃនោះទេ។ កាន់តែតស៊ូ អ្នកកាន់តែឈ្នះ។
៣. កុំចាយពេលដោយគ្មានប្រយោជន៍៖ ក្នុងនាមអ្នកជាយុជនម្នាក់ កុំចំណាយពេលវេលាឥតប្រយោជន៍ច្រើន វាខតពេលចោល អ្នកត្រូវតែរស់ក្នុងគំនិតខ្លួនឯង ហើយធ្វើដំណើរតាមបេះដូងសំឡេងរបស់អ្នក អ្នកគង់តែសម្រេចក្តីស្រមៃនៅពេលអនាគតមិនខានទេ។ លោក ចប បាននិយាយថា "ពេលវេលារបស់អ្នកមានដែនកំណត់ ដូច្នេះកុំខ្ជះខ្ជាយវាក្នុងការរស់នៅតាមជីវិតរបស់អ្នកដ៏ទៃ។ កុំជាប់គាំងជាមួយលទ្ធផលនៃការគិតរបស់អ្នកដទៃ។ កុំឱ្យសម្លេងរំខាននៃគំនិតរបស់អ្នកដទៃ មកបញ្ឈប់ក្តីស្រមៃរបស់អ្នក។ អ្នកត្រូវចាំថា សម្លេងខាងក្នុងមានឥទ្ធិពលណាស់សម្រាប់ដំណើរជីវិតនេះ អ្នកត្រូវមានភាពក្លាហានធ្វើតាមបេះដូង និងវិចារណញាណរបស់អ្នក... នៅត្រូវតែឃ្លាន និងបន្តភាពល្ងង់របស់អ្នក (ពេលអ្នកដឹងថា ខ្លួនល្ងង់ ជាចំណុចចាប់ផ្តើមបន្តរៀនសូត្រជានិច្ច)៕ អត្ថបទដោយ៖ ទ្រ សុភាព