Organ Cambodiaជាយីហោសាប៊ូកក់សក់ និងដុសខ្លួន ដែលបានផ្ដួចផ្ដើមគំនិតបង្កើតឡើងដោយស្នាដៃកូនខ្មែរ ដែលមានសហគ្រាសផលិតនៅក្នុង ស្រុកកណ្ដាលស្ទឹង ខេត្តកណ្ដាល ដែលមានទីតាំងលក់នៅពោធិចិនតុង។
យោងតាមប្រសាសន៍របស់លោកស្រី យឹម ស្រីលក្ខណ៍ ដែលជាអ្នកផ្ដើមគំនិតក្នុងការបង្កើតផលិត និងជាសហស្ថាបនិកយីហោសាប៊ូOrgan Cambodiaបានឱ្យដឹងថា មូលហេតុដែលជំរុញឱ្យលោកស្រីចាប់ផ្ដើមបង្កើតម៉ាកសាប៊ូនេះឡើង គឺមើលឃើញថា បើទោះបីជាសម័យកាលជឿនលឿនក៏ពិតមែន ក៏ប៉ុន្តែស្រុកខ្មែរនៅតែមិនទាន់អាចផលិត ផលិតផលក្នុងស្រុកដើម្បីឆ្លើយតបទៅនឹងតម្រូវការអតិថិជនបានគ្រប់គ្រាន់ ជាពិសេសផលិតផលជាច្រើន គឺសុទ្ធសឹងតែនាំចូលពីក្រៅស្រុក បើទោះបីជាមានប្រេនជាខ្លួនឯងក៏ពិតមែន ក៏ប៉ុន្តែជាការវេចខ្ចប់ពីប្រទេសក្រៅមក។ លោកស្រីមាន ចក្ខុវិស័យធំៗ២យ៉ាងក្នុងការបង្កើតម៉ាកយីហោនេះឡើង គឺទី១ ដើម្បីចូលរួមលើកស្ទួយកសិកម្មនៅក្នុងស្រុកខ្មែរដែលជាការខិតខំដាំដុះដោយកសិករ និងទី២ គឺដើម្បីដោះស្រាយបញ្ហាដែលមនុស្សនាពេលបច្ចុប្បន្នកំពុងជួបប្រទះ នោះគឺ បញ្ហាសរសៃសក់។
លោកស្រី ស្រីលក្ខណ៍បន្តថា សម្រាប់សាប៊ូ Organ Cambodia មាន៣ប្រភេទ គឺមានសាប៊ូកក់សក់ និងសាប៊ូដុសខ្លួន និងជែលអនាម័យបុរសស្ត្រី។ សម្រាប់សាប៊ូនេះ គឺមានការផលិតនិងវេចខ្ចប់នៅក្នុងស្រុក ដោយប្រើប្រាស់គ្រឿងផ្សំមួយចំនួនដូចជា ប្រទាលកន្ទុយក្រពើ ទឹកឃ្មុំ ស្លឹកម្រុំ ប្រេងដូង ដែលធាតុផ្សំទាំងអស់នេះ គឺបានបញ្ជារទិញពីកសិករក្នុងស្រុកខ្មែរ ដើម្បីយកមកផលិតនៅក្នុងរោងចក្រនាខេត្តកណ្ដាល ចំណុចនេះហើយដែលអាចជួយឱ្យកសិកក្នុងស្រុកមានការងារធ្វើ មានចំណូលសម្រាប់ជីវភាពប្រចាំថ្ងៃ។
លើសពីនេះដោយសង្កេតឃើញថា ប្រជាជនខ្មែរកំពុងជួបបញ្ហាសរសៃសក់ផងនោះ លោកស្រីបានបង្កើតសាប៊ូនេះឡើង ដើម្បីជួយក្នុងការដោះស្រាយបញ្ហាសក់ ដោយផ្ដោតលើការព្យាបាលស្បែកស្បែកដែលស្ងួត គ្មានសំណើម ស្បែកក្បាលដែលងាយនឹងឡើងអង្កែរ ឱ្យបានប្រសើរឡើងតាមរយៈការប្រើប្រាស់សារធាតុធម្មជាតិពិតៗ មិនលាយសារធាតុគីមី ឬបន្ថែមក្លិន ពណ៌គីមីចូលក្នុងសាប៊ូនោះឡើយ។ នេះគឺ ជាទំនុកចិត្តសម្រាប់អតិថិជនក្នុងការប្រើប្រាស់ និងងាយស្រួលសម្រាប់លោកអ្នកដែលកំពុងស្វែងរកប្រភេទសាប៊ូសរីរាង្គ(Organ)ដែលជាប្រភេទសាប៊ូ ផលិតពីគ្រឿងផ្សំធម្មជាតិលើដី នៅក្នុងទឹកដីខ្មែរ។
លក្ខណៈពិសេសរបស់សាប៊ូកក់សក់ គឺផ្ដោតធំលើបញ្ហាស្បែកក្បាលស្ងួតបាត់បង់សំណើម ខ្សោយគល់សក់ អ្នកមានសក់សំពោង ដូច្នេះសារធាតុក្នុងសាប៊ូដូចជា ប្រេងដូង ប្រទាលកន្ទុយក្រពើ ទឹកឃ្មុំ ស្លឹកម្រុំ នឹងដើរតួនាទីយ៉ាងសំខាន់ក្នុងការស្រោចស្រ់ងឬសនៃសរសៃសក់ឱ្យលូតលាស់បានល្អ ស្បែកក្បាលសុខភាពល្អ ជួយឱ្យសរសសៃដុះលឿន និងមានភាពរឹងមាំ ធននឹងពន្លឺថ្ងៃ កាត់បន្ថយការជ្រុះសក់ផងដែរ។
លក្ខណៈពិសេសនៃសាប៊ូ ដុសខ្លួន គឺមានសារធាតុផ្សំស្រដៀងគ្នានឹងសាប៊ូកក់សក់ផងដែរ ហើយវាក៏មានតួនាទីក្នុងជួយសម្អាតមេរោគបាក់តេរីនៅលើស្បែកបានយ៉ាងល្អ គ្មានជាតិកាត់ កាត់បន្ថយស្នាមរមាស់កន្ទួលក្រហមលើស្បែក ជាពិសេសជួយឱ្យស្បែកមានលក្ខណៈភ្លឺស្រស់ថ្លាពីខាងក្រៅ។ 
