មានបុរសភាគច្រើន ផ្អែមល្ហែមតែមុនដំបូង តែចុងក្រោយ បែបជាខ្សោះរសជាតិស្នេហ៍ចំពោះដៃគូ ឬប្រពន្ធរបស់ខ្លួនទៅវិញ។ មកពីពួកគាត់ខ្វះតិចនិចបន្តតាមសុំស្នេហ៍ដៃគូខ្លួនបន្ថែម អាចហៅថា “រក្សាចំណងស្នេហ៍ឱ្យក្តៅ”។ ការមើលរំលងពីដៃគូ និងប្រពន្ធរបស់ខ្លួន គឺភ្លេចភាសាក្តីស្រឡាញ់នេះឯង។ តាមគេហទំព័រ Truelovewords បានចុះផ្សាយប្រយោគស្នេហាទាំង០៩ មានឥទ្ធិពលដល់ចំណងស្នេហ៍របស់អ្នកឱ្យមានភាពផ្អែមល្ហែមដូចស្ករចឹងដែរ៖

១. អូនសម្លាញ់! អូនជាកម្លាំងចិត្តដែលពីក្រោយខ្នងនៃសុភមង្គលនិងភាពជោគជ័យរបស់បងតែម្នាក់គត់។

២. អូនជានារីក្នុងក្តីសុបិនរបស់បង។ អូនធ្វើឱ្យគ្រូសារយើងមានសុភមង្គល។ ហើយអូនបានផ្តល់អត្ថន័យក្នុងជីវិតរបស់បងថែមទៀត។

៣. អូនជានារីជម្រុញចិត្តបងឱ្យបន្តដំណើរទៅមុខរហូត នេះជាហេតុផលគ្រប់យ៉ាងបានកើតក្នុងជីវិតនេះ គឺមកពីរូបអូន។ អូនជាអំណោយដ៏ល្អបំផុតសម្រាប់ជីវិតរបស់បង។

៤. អូនជានារីធម្មតាម្នាក់។ ប៉ុន្តែអូនពិតជាមានឥទ្ធិពលក្នុងជីវិតរបស់បងខ្លាំងណាស់។ បងស្រឡាញ់អូន។

៥. រាល់ការថើបរបស់បងចំពោះថ្ពល់អូន ជាថ្នាំព្យាបាលបេះដូងរបស់បងឱ្យមានថាមពលឡើងវិញជានិច្ច។ ការប៉ះរបស់រាងកាយអូន ជាបំណែកក្នុងដួងព្រលឹងរបស់បង។ គំនិតមួយរបស់អូននិយាយប្រាប់បង អាចធ្វើឱ្យបងញញឹម និងមានក្តីសុខបំផុត។ នេះជាសំណាងរបស់បងដែលបានជួបអូនក្នុងជីវិតនេះ។

៦. ខ្ញុំអៀននិយាយភាសាបេះដូងប្រាប់អ្នក ប៉ុន្តែខ្ញុំផ្ញើរសារជាសម្លេងបេះដូងរបស់ខ្ញុំចង់ប្រាប់អ្នកថា I love U ។

៧. រាល់ពេលខ្ញុំគិតពីអ្នក ស្នាមញញឹមលើផ្ទៃមុខខ្ញុំលេចឡើង។ ហើយ​គំនិត​អវិជ្ជទាំងឡាយក៏​រលាយ​បាត់​ត្រឹម​តែ​មួយ​វិនាទីតែម្តង។

៨. អ្វីដែលធ្វើឱ្យបងរំភើបចិត្តស្រកទឹកភ្នែក អូនតែងគាំទ្របងជានិច្ច ពេលបងមិនទាន់មានអ្វី អូនតែងលើកកម្លាំងចិត្តក្នុងការសម្រេចចិត្តរបស់បង ទោះបីជារឿងល្អ ឬអាក្រក់ក៏ដោយ។ នេះជារឿងសំណាងដែលមានអូនចូលក្នុងជីវិតរបស់បង។

៩. បងលាក់រឿងនេះក្នុងចិត្តយូរហើយ អូនដឹងទេ? ស្នាមញញឹមរបស់អូន ធ្វើឱ្យបងចេះតស៊ូ។ សម្លេងអូនជាតន្រ្តីដ៏សែនពិរោះជ្រាបដល់បេះដូងរបស់បង។ ពេលបងនៅក្បែរអូន បងហាក់ដូចជាបុរសមានអំណាចម្នាក់ចឹងដែរ៕

អត្ថបទដោយ៖ ទ្រ សុភាព

លោកអ្នកអានសៀវភៅ លំហូរចិត្ត អ្នកអាចទិញតាមហេងឆេង២៤នេះ https://t.me/hangchhengH24 (កម្រាស់២៨០ទំព័រ និងមានសាច់បុគ្គលឆ្នើមៗនៅខ្មែរ១០នាក់)