កញ្ញា Yang Soo Bin ជាអ្នកធ្វើ You Tuber ម្នាក់នៅប្រទេសកូរ៉េខាងត្បូងដ៏ល្បី និងល្បីខាងញ៉ាំអាហារ និងការផាត់មុខ។ ព្រោះតែការហូបច្រើនលើសលប់បែបនេះ នាងឡើងរហូត ១៣១គីឡូ និងមានជំងឺដុះសាច់បំពងក។ ហើយនាងប្រើរយៈពេល ៥០០ថ្ងៃបានសម្រក ៤៥គីឡូមិនគួរឱ្យជឿ។
កញ្ញា Yang Soo Bin ធ្លាប់ទទួលការបរាជ័យក្នុងការសម្រកគីឡូច្រើនដងហើយ។ នាងមានអាយុ ២៦ឆ្នាំនិងមានទម្ងន់ ១៣១គីឡូ នាងពិតជាស្រ្តេសនិងពិបាកចិត្តខ្លាំងណាស់។ នាងបានប្តូរលេងក្បាច់ថ្មីមួយ គឺរកគ្រូជំនាញហាត់ប្រាណ ចាំជួយនាង។ កញ្ញា សូប៊ីន បានលើកឡើងថា មុនដំបូង ខ្ញុំមានអារម្មណ៍ពិបាកណាស់ ប៉ុន្តែខ្ញុំមិនភ្លេចពាក្យសន្យាគោលដៅ និងជាមួយគ្រូទេ ខ្ញុំត្រូវទ្រាំហាត់បន្តទៀត។ នាងមានរប្រៀបថ្មីគឺហាត់ប្រាណ ២ថ្ងៃក្នុងក្លឹបជាការលើកដុំដែក។ នៅសល់ ៤ថ្ងៃទៀត នាងរត់លើម៉ាស៊ីន និងប្តូរបរិយាកាសទៅរត់ខាងក្រៅនៅតាមឧទ្យាន រត់ដំបូងនាងរត់តែ ៣ គីឡូម៉ែត្រ រួចចាប់ផ្តើម ៦ គីឡូម៉ែត្រ និងរត់ ៩ គីឡូម៉ែត្រ ហើយនាងព្យាយាមបន្ថែមចំណាយទៀត។
នៅខែដំបូងនាងបានស្រក ៩ គីឡូ នាងបាននិយាយថា “ខ្ញុំចាប់ផ្តើមមានអារម្មណ៍ល្អមែនទែន ពេលខ្ញុំបានឃើញលទ្ធផល ដែលខ្ញុំអាចធ្វើបាន”។ ការព្យាយាមមានលទ្ធផលនេះ បន្តឱ្យនាងចំអិនអាហារដោយខ្លួនឯង និងបានប្រកាន់ខ្ជាប់តាមច្បាប់មានដូចជា កំណត់ម្សៅ កម្រិតស្ករផ្អែម ជាតិខ្លាញ់ និងញ៉ាំបន្លែបែតងឱ្យគ្រប់គ្រាន់ រួមមានសាឡាត់ ការ៉ុត ផ្សិត និងខ្ទឹមបារាំង គ្រប់ល្ង និងផ្លែឈើរួមមាន ផ្លែបឺរ ផ្លែប៉ម...។ មុខម្ហូបរបស់នាងញ៉ាំជាតិសាច់មានត្រី ពងមាន់ សាច់មាន់គ្មានជាតិខ្លាញ់ និងមានទឹកដោះគោបន្ថែម។
ជាចុងក្រោយនេះ កញ្ញា សូប៊ីន អាចធ្វើលំហាត់ប្រាណ និងប្តូររបបអាហារនេះបានជោគជ័យ នាងបានលើកឡើងថា ខ្ញុំមានគោលដៅចង់បានរាងស្អាត កុំឱ្យខ្មាស់គេ ចង់មានសុខភាព ទោះបីវាមិនងាយស្រួលទេ ប៉ុន្តែខ្ញុំបានចំណាយពេលវេលាហាត់ប្រាណ និងញ៉ាំអាហារ៨០% នៃក្រពះ។ បើអ្នកចង់សម្រកគីឡូទីមួយ. មានគោលដៅ ទីពីរ. ប្តេជ្ញាហាត់ប្រាណ និងទីបី. តមរបបអាហារ ការព្យាយាមម្តងបន្តិចៗ នេះ វានឹងមានឥទ្ធិពលឱ្យអ្នករីករាយក្នុងការសម្រកគីឡូជាមិនខានឡើយ៕ អត្ថបទដោយ៖ ទ្រ សុភាព
