អស្ចារ្យខ្លាំងណាស់! លោក Jordan Windle ហៅ ពីសី មានដើមកំណើតសញ្ញាតិខ្មែរបានឈរបង្ហាញខ្លួនក្នុងព្រឹត្តិការណ៍កីឡារអូឡាំពិកអន្តរជាតិតំណាងឱ្យប្រទេសអាមេរិក។

ជាការពិតណាស់លោក Jordan Windle គឺជាក្មេងកំព្រាស្ថិតក្នុងមណ្ឌលកុមារកំព្រាមួយកន្លែងនៅក្នុងប្រទេសកម្ពុជា។ ដែលក្រោយមកត្រូវបានលោក Jerry Windle ចាក់ចិត្តចង់ចិញ្ចឹមកុមារកំព្រារូបនេះ ក៏បានធ្វើការស្នើសុំខាងមណ្ឌលកុមារកំព្រា ដើម្បីយកកុមាររូបនេះទៅចិញ្ចឹមនៅសហរដ្ឋអាមេរិក។

គួរបញ្ជាក់ថា លោក Jerry Windle  គឺជាបុរសស្រលាញ់ភេទដូចគ្នា តែបើទោះបីជាយ៉ាងនេះក្ដីក៏រូបលោកមានក្ដីស្រមៃចង់មានកូនចិញ្ចឹមដូចជាគេឯងដែរ។ ប៉ុន្តែរូបលោកពិតជាមានការសោកស្ដាយ និងបាក់ចិត្តដោយដឹងច្បាស់ថារូបលោកមិនអាចមានកូនបាននោះទេ។ តែចុងក្រោយក្ដីស្រមៃរបស់លោកក៏បានក្លាយទៅជាការពិត គឺរូបលោកស្នើរក្មេងកំព្រាមកចិញ្ចឹមបីចាប់ដូចជាកូនបង្កើតរបស់ខ្លួនអ៊ីចឹង។

នៅក្នុងគ្រានោះដែរ លោក Jerry Windle បានរំលឹកពីប្រវត្តិរបស់ខ្លួនថា ថ្ងៃមួយរូបលោកបានអង្គុយអានទស្សនាវដ្ដី ដែលក្នុងនោះគេបានរៀបរាប់ថា “បុរសពោះម៉ាយអាចចិញ្ចឹមកូនបាន”។ ដូច្នេះរូបលោកក៍បានទូរស័ព្ទសួរទីភ្នាក់ងារថា តើបុរសពោះម៉ាយអាចយកកូនមកចិញ្ចឹមបានទេ? ហើយពួកគេឆ្លើយថា “បាទ! ពិតជាបាន។”

មិនយូរប៉ុន្មានលោក Jerry Windle បានដាក់ពាក្យស្នើសុំកូនមកចិញ្ចឹម។ ដែលលោក Jerry Windle និយាយថា កូនប្រុសរបស់លោកដែលបានស្នើសុំចិញ្ចឹមនោះមានឈ្មោះពិតហៅថា ពីសី។ ដែលកុមារពិសីរូបនេះរស់នៅពីមណ្ឌលកុមារកំព្រាមួយកន្លែងនៅក្នុងប្រទេសកម្ពុជា។ មិនតែប៉ុណ្ណោះទេ រូបលោកតែងតែផ្ញើរូបថត និងសម្ភារៈមួយចំនួនឱ្យកូនចិញ្ចឹមរបស់គាត់ជាប្រចាំ។

រហូតដល់ខែមិថុនាឆ្នាំ ២០០០ លោក Jerry Windle បានមាននាំកុមារពីសីមករស់នៅក្នុងសហរដ្ឋអាមេរិក ដោយដាក់ឈ្មោះថ្មីឱ្យកុមារពីសីថា Jordan Windle។ លោក Jerry Windle បានចិញ្ចឹមកូនរបស់ខ្លួនប្រកបដោយក្ដីស្រលាញ់ និងភាពកក់ក្ដៅ រហូតដល់ពីសី ហៅ Jordan Windan មានអាយុ ២២ឆ្នាំ ហើយបានក្លាយទៅជាកីឡាករលោតទឹកតំណាងឱ្យសហរដ្ឋអាមេរិក។

ដូច្នេះ ក្នុងនាមយើងជាកូនខ្មែរ នៅពេលបានលឺដំណឹងដ៏អស្ចារ្យបែបនេះ ពួកយើងពិតជាមានមោទនាភាពចំពោះរូបគាត់ខ្លាំងណាស់។ ដែលកូនខ្មែរ Jordan Windan មានឈាមជ័រជាខ្មែររស់លើទឹកដឺអាមេរិកជាមួយឪពុកមានឈាមជ័រអាមេរិក ដោយរស់នៅប្រកបដោយភាពកក់ក្ដៅ ហើយរូបគេបានក្លាយទៅជាកីឡាករលោតទឹកក្នុងកីឡារអូឡាំពិកតំណាងឱ្យសហរដ្ឋអាមេរិកទៀត។

អត្ថបទដោយ៖ Daddy_Rath