លើសជាតិអាស៊ីតក្នុងឈាម អាចបណ្ដាលឱ្យអ្នកជំងឺរងគ្រោះថ្នាក់ ដូចជាប្រឈមនឹង ប៉ះពាល់ឆ្អឹង រលាកសន្លាក់ ដៃជើង ជំងឺគ្រូសក្នុងតម្រងនោម បេះដូង ទឹកនោមផ្អែម លើសឈាម...ជាដើម។ កត្តានៃការលើសជាតិអាស៊ីតក្នុងឈាមនេះ អាចបង្កមកពី ញុំាទម្លាប់ញុំាអាហារសម្បូរសារធាតុ ពុយរីន(purine)ច្រើន ។

ដូច្នេះហើយ ដើម្បីការពារ ការលើសជាតិអាស៊ីតក្នុងឈាមគួរតែចៀសវាង ប្រភេទអាហារ នឹងទម្លាប់អាក្រក់ដែលធ្វើប្រចាំថ្ងៃនេះចេញ ដើម្បីការពារគ្រោះថ្នាក់ដល់អាយុជីវិតដោយប្រការណាមួយ។ នេះបើយោងតាមរយៈគេហទំព័រ clevelandclinic អាហារទាំងអស់នោះមានដូចជា៖

-អាហារសមុទ្រ៖ ដូចជាត្រី សាលម៉ុន ត្រីធូណា សាឌីន ក្អាមសមុទ្រ បង្ក​ង បង្គារជាដើម ក្នុងករណីញុំាលើសកំណត់ គឺអាចបង្កជាគ្រោះថ្នាក់លើសជាតិអាស៊ីតបាន។

-ប្រភេទសាច់ក្រហម៖ ដូចជាសាច់គោ សាច់ជ្រូក ប្រភេទសាច់កែច្នៃ…ជាដើម កែងាយបង្កជាគ្រោះថ្នាក់ដល់អ្នកញុំាបាន​ ប្រសិនណា អ្នកចូលចិត្តញុំាជាប្រចាំថ្ងៃ ងាយលើសជាតិអាស៊ីតក្នុងឈាម។

-អាហារនឹងភេសជ្ជៈមានផ្ទុកជាតិស្ករ៖​ ចំពោះប្រភេទអាហារនិងភេសជ្ជៈទាំងឡាយណា​ដែល មានផ្ទុកជាតិស្ករកែច្នៃខ្ពស់ ដូចជាគ្រឿងកំប៉ុង ស្រា អាហារមានផ្ទុកជាតោសូដ្យូមច្រើន… លើសកំណត់ លើសបរិមាណ ដែលគេអនុញ្ញាតិឱ្យផឹក គឺមានហានិភ័យខ្លាំង ប៉ះពាល់ដល់សុខភាព ងាយប្រឈមជាមួយជំងឺជាច្រើន ដូចជា លើសជាតិអាស៊ីតក្នុងឈាម លើសឈាម បេះដូង ប៉ះពាល់ដល់តម្រងនោមជាដើម។

-អាហារគ្រឿងក្នុងសត្វ៖ ដូចជា ថ្លើម ក្រលៀនសត្វ...ជាដើម។

ទោះជាយ៉ាងនេះក្ដី ដើម្បីកាត់បន្ថយ​ហានិភ័យ ពីការលើសជាតិអាស៊ីត សូមអ្នកទាំងអស់គ្នា​ព្យាយាមកាត់បន្ថយអាហារ ទាំងប៉ុន្មានខាងនេះ ឱ្យបានច្រើនគឺកាន់ តែល្អសម្រាប់សុខភាពខ្លួនឯង ព្យាយាមញុំាប្រភេទអាហារបែបសុខភាព អាហារការពាររាងកាយ រក្សាទម្ងន់កុំឱ្យស្គមពេក​ឬក៏ធាត់ខ្លាំងពេក ព្យាយាមហាត់ប្រាណ និងពិនិត្យសុខភាពឱ្យបានទៀងទាត់៕

អត្ថបទដោយ៖ ប៉ែត ធីតា