យប់មិញនេះមានជាព្រឹត្តិការណ៍មួយភ្ញាក់ផ្អើលទាំងខ្ញុំទាំងមនុស្សជុំវិញពិភពលោកគឺមានបញ្ហាបណ្តាញសង្គម Facebook របស់ក្រុមហ៊ុន Meta ដែលដឹកនាំដោយលោក Mark Zuckerberg អស់ជាច្រើនមកហើយ ដោយសារតែយប់មិញនេះមានបញ្ហាគាំង Facebook ជិត២ម៉ោង ធ្វើឱ្យអារម្មណ៍មនុស្សរាប់លាននាក់ឱ្យច្របូកច្របលជាខ្លាំងហើយត្រូវបានគាំងចូល Log in មិនចូលថែមទៀតស៊ីអារម្មណ៍មែនពូ MarK លេងមួយក្បាច់នេះ។
តែកាលពីយប់មិញនេះដែរលោក Elon Musk ជាមហាសេដ្ឋីលេខមួយរបស់ពិភពលោក បានបោះសម្តីផ្លែផ្កាលើបណ្តាញសង្គម X របស់ខ្លួនទៅឱ្យលោក Mark Zuckerberg រាងបញ្ឆិតបញ្ឆៀងថា “ពេលអ្នកកំពុងតែអានសារបង្ហោះមួយនេះ មានន័យថា សេវារបស់យើងកំពុងតែដំណើរការបានល្អ”។ វាមានន័យថា អ្នកកំពុងតែអានសារបង្ហោះលើបណ្តាញសង្គម X គឺគ្មានបញ្ហាសេវាដូចជាបណ្តាញសង្គម Facebook កំពុងតែមានបញ្ហានោះទេ។
តាមលោក Andy Stone ជាអ្នកនាំពាក្យរបស់ Meta បានបង្ហោះសារឆ្លើយតបពីបញ្ហាយប់មិញនេះថា “កាលពីដើមថ្ងៃនេះ ដោយសារបញ្ហាបច្ចេកទេសបានធ្វើឲ្យមនុស្សពិបាកចូលប្រើប្រាស់សេវាកម្មមួយចំនួនរបស់យើង។ យើងបានដោះស្រាយបញ្ហាឱ្យបានលឿនតាមដែលអាចធ្វើទៅបានសម្រាប់អ្នករាល់គ្នាដែលរងផលប៉ះពាល់ ហើយយើងសូមអភ័យទោសចំពោះការរអាក់រអួលណាមួយ”។ មកដល់ពេលនេះអ្នកលេងបណ្តាញសង្គម Facebook មានស្ថានភាពល្អប្រសើរឡើងវិញ មានខ្លះទៀតក៏នៅតែមានបញ្ហាតិចតួចដែរ៕ អត្ថបទដោយ៖ ទ្រ សុភាព
