យើងគ្រប់គ្នាសុទ្ធតែដឹងហើយថាការជក់បារីវាមិនល្អសម្រាប់សុខភាពនោះទេ មិនថាបារីនោះប្រភេទណាក៏ដោយ។ ដោយឡែកកាលពីពេលថ្មីៗនេះក្រសួងអប់រំ ជាមួយនឹងក្រសួងសុខាភិបាលបាលបានដាក់វិធានការ ហាមឃាត់យុវជន និងប្រជាជនទាំងអស់កុំឱ្យប្រើប្រាស់បារីមួយប្រភេទនេះឱ្យសោះ ព្រោះវាប៉ះពាល់ដល់អាយុជីវិតខ្លាំង។

យោងតាមការចុះផ្សាយរបស់ក្រសួងព័ត៌មានកាលពីថ្ងៃទី០៦ ខែកក្កដា ឆ្នាំ២០២២ ក្រសួងសុខាភិបាលបានបញ្ជាក់ច្បាស់ៗពីផលប៉ះពាល់របស់បារីអេឡិចត្រូនិក (E-Cigarette/Vape) និងផលិតផល អេចន៍ ធី ភី (HTPs-Heated Tobacco Products) ថាវាបណ្តាលឱ្យអ្នកប្រើប្រាស់មានអាការដោយបណ្តាលឱ្យញៀន បង្កផលប៉ះពាល់ធ្ងន់ធ្ងរដល់បេះដូង និងខូចសួត រហូតដល់បាត់បង់ជីវិតដោយសារតែបារីអេឡិចត្រូនិច៩៩% វាមានផ្ទុកទៅដោយជាតិនីកូទីន សារធាតុគីមី ហើយជាតិនីកូទីននេះ ត្រូវបានស្រូបចូលទៅក្នុងរាង កាយ ទៅក្នុងខួរក្បាលរបស់អ្នកជក់យ៉ាងលឿនផងដែរ។

បន្ថែមពីលើនេះទៀត ក្រសួងអប់រំ បានហាមឃាត់ការប្រើប្រាស់ ការចែកចាយ ការជួញដូរ ការផ្សព្វផ្សាយពាណិជ្ជកម្មគ្រប់រូបភាពអំពីបារីអេឡិចត្រូនិក (E-Cigarette/Vape) និងផលិតផល អេចន៍ ធី ភី (HTPs-Heated Tobacco Products)ខាងក្នុងនិងជុំវិញបរិវេណគ្រឹះស្ថានសិក្សា ។ លើសពីនេះ សហការជាមួយមាតាបិតា អ្នកអាណាព្យា បាល បុគ្គលិកអប់រំ និងអ្នកសិក្សា ក្នុងការកំណត់មុខ សញ្ញាទីតាំងចែកចាយ និងជួញដូរបារីអេឡិចត្រូនិក (E-Cigarette/Vape) និងផលិតផល អេចន៍ ធី ភី (HTPs-Heated Tobaicco Products) ដើម្បីរាយការណ៍ជូនអាជ្ញាធរមានសមត្ថកិច្ចចាត់វិធានការតាមផ្លូវច្បាប់ជាធរមាន៕