មនុស្សមិនតិចនាក់ទេដែលបានស្គាល់យីហោយក្សRevlon អ្វីដែលគេចាប់អារម្មណ៍ខ្លាំងបំផុតនោះ បើទោះជាមានយីហោគ្រឿងសម្អាងជាច្រើនលេចមុខមកក្រោយក៏ដោយ តែRevlonតែបន្តទៅមុខឈរជើងលើទីផ្សារកម្ពុជា ជាហេតុធ្វើឱ្យគេឆ្ងល់ថា តើក្រុមហ៊ុនគ្រឿងសម្អាងនេះ អាចរក្សាអតិថិជនបានដោយសារអ្វី?

ថ្មីៗនេះ កាលពីថ្ងៃទី៨ ខែមេសា ឆ្នាំ២០២៣ កន្លងទៅនេះ ក្រុមហ៊ុនRevlonបានធ្វើការសម្ពោធទីតាំងថ្មី នៅផ្សារទំនើបសូរិយា ដែលធ្វើការផ្លាស់ប្ដូរពីជាន់លើមកកាន់ជាន់ផ្ទាល់ដី ដើម្បីកាន់តែផ្ដល់ភាពងាយស្រួលដល់អតិថិជនក្នុងការជាវផលិតផលរបស់ខ្លួន។ ឆ្លៀតក្នុងឱកាសនៃការ កាត់ខ្សែរបូរបញ្ជរថ្មីរបស់ខ្លួន លោកស្រី ចាន់ ភារី ដែលជាអគ្គនាយិការក្រុមហ៊ុនគ្រឿងសម្អាងRevlon បានមានប្រសាសន៍មួយចំនួនពាក់ព័ន្ធនឹងប្រវត្តិរបស់យីហោមួយនេះថា​ ប្រេនមួយនេះគឺ បានឈរជើងនៅលើទឹកដីកម្ពុជាប្រមាណ២៣ឆ្នាំមកហើយ។ លោកស្រីបន្តថា មុននឹងចាប់ផ្ដើមនាំចូលម៉ាកគ្រឿងសម្អាងនេះមកកាន់ស្រុកខ្មែរ គឺលោកស្រីបានធ្វើការប្រើដោយខ្លួនឯងអស់រយៈពេលជិត៣ឆ្នាំ ដោយសារឃើញពីគុណភាពដ៏ល្អប្រណិតនៃផលិតផលនេះ ទើបលោកស្រីសម្រេចចិត្តនាំចូលយីហោមួយនេះមកផ្ដល់ជូនសុភាពនារីនៅកម្ពុជា ជាមួយនឹងម៉ាកគ្រឿងសម្អាតដែលផ្ដល់ភាពជឿជាក់ ទំនុកចិត្តជូននារីគ្រប់គ្នា។

CEO Revlonបង្ហើបថា មូលហេតុធំមួយដែលធ្វើឱ្យយីហោខ្លួនអាចឈរជើងជាប់លើទឹកដីកម្ពុជាបានយូរបែបនេះ​គឺ លោកស្រីផ្ដោតធំបំផុតទៅលើគុណភាពនៃផលិតផល ពីព្រោះបើផលិតផលគ្មានគុណភាព គឺមិនអាចឆក់បេះដូងអ្នកប្រើប្រាស់ឱ្យមកជឿជាក់និងបន្តប្រើប្រាស់បានយូរអង្វែងនោះទេ។ ហើយនេះ គឺជាក្ដីស្រមៃធំមួយដែលលោកស្រី ចង់ឃើញមិត្តសុភាពនារីនៅកម្ពុជាទទួលបានភាពស្រស់ស្អាត ភាពជឿជាក់ ទំនុកចិត្ត ជាពិសេសគឺ បានប្រើប្រាស់ផលិតផលដែលមានគុណភាពពិតប្រាកដ។ ក្រៅពីគុណភាពនៃផលិតផល Revlonតែងតែចែករំលែកចំណេះដឹងផ្សេងៗទៅកាន់អតិថិជន តាមរយៈការបង្កើតកម្មវិធីបង្រៀនពីរបៀបផាត់មុខ (Revlon Face2Face) ដែលជាកម្មវិធីបង្រៀនមិត្តនារីឱ្យយល់ដឹងពីការតុបតែងសម្រស់ ក្នុងគោលបំណងជួយលើកកម្ពស់សម្រស់ស្ត្រីឱ្យកាន់តែមានភាពជឿជាក់និងស្រស់ស្អាត។

ជាចុងក្រោយ លោកស្រី ចាន់ ភារី សូមថ្លែងអំណរគុណយ៉ាងជ្រាលជ្រៅចំពោះអតិថិជនគ្រប់ស្រទាប់វណ្ណៈដែលបានជឿជាក់លើគុណភាពរបស់យីហោRevlonតាំងពីដើមរហូតមកដល់ឥឡូវ និងសូមបន្តការគាំទ្របន្តទៀត ឆ្លៀតក្នុងពេលនេះ លោកស្រី សូមគោរពជូនពរអតិថិជនរបស់ទាំងចាស់ទាំងថ្មី មានសុខភាពល្អ សម្រស់កាន់តែស្អាត រាសីឡើងគ្រប់ៗគ្នា៕