លោក Brian Sanchez អាយុ៣៣ឆ្នាំ សុខចិត្តចំណាយលុយ១០០,០០០ ដុល្លារ ដើម្បីវះកាត់ទាញជើងរបស់ខ្លួនឱ្យវែងជាងមុនពី ១.៨៣ម៉ែត្រ ទៅ២.០១ម៉ែត្រ នេះបើផ្អែកតាមvnexpress។ លោក Sanchez ជាមនុស្សដែលចូលចិត្តហាត់ប្រាណ ធ្វើឱ្យគាត់មានខ្លួនធំ សាច់ដុំដៃធំ ប៉ុន្តែជើងរបស់គាត់តូច ធ្វើឱ្យមានគាត់មិនស្រួលចិត្តនឹងជើងខ្លីរបស់ខ្លួនឯង គិតថាវាជាចំណុចខ្វះខាតរបស់កាត់ពេលមើលទៅបុរសផ្សេងៗទៀត។

បុរសរូបនេះបាននិយាយថា “ ខ្ញុំមានរាងកាយធំ ដៃធំវែង តែមានជើងខ្លី ធ្វើឱ្យអ្វីៗមើលទៅខុសប្លែកពីគេ មើលរូបរាងខ្លួនឯងដូចជារូបរាងមេដៃ ដូចជាតួអង្គតុក្កតានៅក្នុង Spy Kids។” ចាប់ពីពេលដែលគាត់គិតដូច្នេះមក ធ្វើឱ្យគាត់មិនពេញចិត្តនឹងរូបរាងដែលមានសាច់ដុំធំៗរបស់ខ្លួនឯង ហើយកាន់តែទាស់ចិត្តពេលដែលឃើញប្រពន្ធរបស់គាត់មានកម្ពស់១.៧ម៉ែត្រ ប្រហាក់ប្រហែលនឹងកម្ពស់គាត់ដែរ។

ហេតុនេះ គាត់ក៏បានសម្រេចចិត្តធ្វើការវះកាត់២ដង ទាញជើងរបស់គាត់វែងជាងមុន១៨សង់ទីម៉ែត្រ។ ក្នុងនោះគាត់បានចំណាយលុយ ៣៧,៤០០$ សម្រាប់ការវះកាត់លើកទីមួយ និង៩៦,៤០០$ សម្រាប់លើកទីពីរ បូកនឹងតម្លៃនៃការផ្លាស់ទៅទីក្រុងអ៊ីស្តង់ប៊ុលប្រចាំខែ និងការព្យាបាលរាងកាយជាច្រើនឆ្នាំ។ ការវះកាត់គឺធ្វើវះឱ្យជើងរបស់គាត់ត្រឹមជង្គង់ចុះក្រោមវែងជាងមុន។ បន្ទាប់ពីគាត់ចំណាយពេលអង្គុយលើរទេះអស់ជាច្រើនខែ ក្រោយការវះកាត់ គាត់ពិតជាមានអារម្មណ៍រំភើបនឹងពេញចិត្តដែលគាត់អាចក្រោកឡើងវិញ ឃើញកម្ពស់របស់ខ្លួនឯងខ្ពស់ជាងប្រពន្ធរបស់គាត់៕ 

អត្ថបទដោយ៖ Senghong