នរណាខ្លះមានទម្លាប់គេងស្រាតនៅពេលយប់? ប្រហែលជាធ្លាប់មកឮរួចមកហើយពីអត្ថប្រយោជន៍ខ្លះៗក្នុងការគេងស្រាត ដោយអ្នកខ្លះលើកឡើងថា ការគេងស្រាតល្អសម្រាប់សុខភាព ឆាប់គេងលក់ កាត់ស្ត្រេស ត្រជាក់ស្រួលជាដើម។ តើវាពិតដែរឬទេ ដែលគ្រាន់តែគេងស្រាតអាចជំនួយដល់សុខភាពបាន? ហើយតើការគេងស្រាតអាចមានផលប៉ះពាល់អ្វីដែរទេ?

ជាការពិតណាស់ ផ្អែកតាមការលើកឡើងពី sleepfoundation បានឱ្យដឹងថាត្បិតមិនទាន់មានការសិក្សាពីអត្ថប្រយោជន៍ដោយផ្ទាល់របស់ការគេងស្រាតចំពោះសុខភាព តែមានការសិក្សាមួយចំនួន ដែលវាផ្សារភ្ជាប់គ្នាជាមួយការគេងស្រាតជះផលវិជ្ជមានដល់សុខភាព។ ការគេងស្រាត ជួយឱ្យឆាប់គេងលក់លឿន។

រាងកាយរបស់យើងត្រូវបានគ្រប់គ្រងដោយ ចង្វាក់ circadian របស់យើង ដែលដំណើរការតាមលំនាំកំដៅ និងត្រជាក់ពេញមួយថ្ងៃ។ នៅពេលដែលយើងចាប់ផ្តើមមានអារម្មណ៍នឿយហត់នៅពេលយប់សម្រាក ការផលិតមេឡាតូនីនរបស់យើងកើនឡើង ហើយសីតុណ្ហភាពរាងកាយស្នូលរបស់យើងថយចុះ ហេតុនេះការក្តៅពេកនៅពេលយប់ រំខានដល់ដំណេក។ ដោយហេតុផលនេះ មនុស្សមួយចំនួនជឿថាការដេកអាក្រាតកាយអាចជួយឱ្យរាងកាយសម្រេចបាននូវសីតុណ្ហភាពស្នូលត្រជាក់លឿនជាងមុន និងជម្រុញឱ្យគេងលក់ស្រួល។

ជាមួយគ្នានេះផងដែរ សម្រាប់ស្ត្រីជួយជាជំនួយដល់សុខភាពទ្វារមាស ការ​គេង​អាក្រាត​អាច​ជួយ​ការពារ​ផ្សិត Candida មិន​ឱ្យ​រីក​ក្នុង​ទ្វារមាស។ ការកើនឡើងនៃ Candida បណ្តាលឱ្យមានការ ឆ្លងមេរោគផ្សិត ដែលអាចរលាកភ្នាសរំអិលនៃទ្វារមាស បណ្តាលឱ្យមានការឈឺចាប់ និងរមាស់។ ហានិភ័យនៃការឆ្លងមេរោគផ្សិតច្រើនតែកើនឡើងដោយសារ ចរន្តខ្យល់មិនគ្រប់គ្រាន់ ជាទូទៅដោយសារតែខោទ្រនាប់។ ហេតុនេះ ការមិនស្លៀកសម្លាក់បំពាក់ ឬ​ខោ​ទ្រនាប់​តឹង នៅពេលគេងនឹង​អាច​ជួយ​ឱ្យ​ទ្វារមាស​មាន​សុខភាព​ល្អ​ជាង​មុន​។

រីឯសម្រាប់បុរសវិញ ការគេងស្រាតជួយដល់សមត្ថភាពនៃការមានកូនរបស់បុរ ទោះបីជាវាមិនត្រូវបានសិក្សាដោយផ្ទាល់ក៏ដោយ។ ការ​ស្រាវជ្រាវ​បាន​បង្ហាញ​ថា ការ​ស្លៀក ​ខោ​ទ្រនាប់​តឹង​ណែន បង្កើន​សីតុណ្ហភាព​នៃ​ពងស្វាស ដែល​អាច​បន្ថយ​ចំនួន​មេ​ជីវិត​ឈ្មោល និង​បរិមាណ​។ ការគេងស្រាតអាចជួយអ្នករក្សាសីតុណ្ហភាពរាងកាយរបស់អ្នកឱ្យត្រជាក់ ភាពត្រជាក់ដែលទាក់ទងនឹងការគេងអាក្រាតអាចបង្កើនសុខភាពមេជីវិតឈ្មោលបានល្អផងដែរ។

សម្រាប់អ្នកមានដៃគូ ការគេងស្រាតអាចជួយជម្រុញឱ្យអ្នកឆាប់មានកូនបានផងដែរ។ ការ​ដេក​ស្រាត​ក្បែរ​ដៃ​គូ​របស់​អ្នក​អាច​បង្កើន​អារម្មណ៍​នៃ​ការ​បំពេញ​ក្ដីស្រឡាញ់ ​ទំនាក់​ទំនង ​រវាង​គូស្នេហ៍។ ដៃគូដែលចំណាយពេលវេលាក្នុងការប៉ះស្បែកគ្នា ទំនងជាមានអារម្មណ៍ល្អ បំបាត់ភាពតានតឹងតិច និងកាន់តែជិតស្និទ្ធជាមួយដៃគូរបស់ពួកគេ។ ការ​ប៉ះ​ពាល់​ស្បែក​នឹង​បញ្ចេញ​អ័រម៉ូន Oxytocin ដែល​ជា​អ័រម៉ូន​មាន​អារម្មណ៍​ល្អ​ដែល​លើក​កម្ពស់​អារម្មណ៍​សុវត្ថិភាព និង​សេចក្ដី​ស្រឡាញ់ ព្រមទាំងជួយ​កាត់​បន្ថយ​ការ​ថប់​បារម្ភផងដែរ។

ជារួមមក ជាសិទ្ធក្នុងការរស់នៅរបស់អ្នក ដែលអ្នកចង់គេងបែបណា ដែលងាយស្រួលឆាប់គេងលក់។ ក្នុងនោះផងដែរ ក៏មិនទាន់មានការលើកឡើងណាមួយ ពីផលប៉ះពាល់នៃការគេងស្រាតនោះឡើយ៕

អត្ថបទដោយ៖ Senghong