យោងតាមរយៈសារពត៌មានcnnចុះផ្សាយនាថ្ងៃទី២៣ ខែ សីហា ឆ្នាំ ២០២៤នេះ បានឱ្យដឹងថា បន្ទាប់ពីភ្លៀងធ្លាក់ខ្លាំងបានជន់លិចផ្នែកខ្លះនៃប្រទេសបង់ក្លាដែស និងភាគឦសាននៃ ប្រទេសឥណ្ឌាកាលពីថ្ងៃទី២១ កន្លងមកនេះ គឺបណ្តាលឱ្យទឹកទន្លេនៅសងខាងព្រំដែនឈានដល់កម្រិតខ្លាំង។ មានមនុស្សជិត 3 លាននាក់បានរងផលប៉ះពាល់ដោយទឹកជំនន់នៅក្នុងប្រទេសបង់ក្លាដែស ដែលបានធ្វើឱ្យផ្ទះរាប់រយខ្នងត្រូវបានខូចខាត។
គូរបញ្ជាក់ឱ្យដឹងផងដែរថា យ៉ាងហោចណាស់មនុស្ស ១១ នាក់បានស្លាប់នៅក្នុងរដ្ឋ Tripura ប្រទេសឥណ្ឌា ហើយមនុស្ស 2 នាក់បានស្លាប់នៅក្នុងប្រទេសបង់ក្លាដែស នេះបើយោងតាមទិន្នន័យផ្លូវការកាលពីថ្ងៃព្រហស្បតិ៍ម្សិលមិញនេះ ។ មជ្ឈមណ្ឌលប្រតិបត្តិការសង្គ្រោះបន្ទាន់របស់រដ្ឋបាននិយាយថា នៅទីក្រុង Tripura មនុស្សជាង ៦៤០០០ នាក់កំពុងស្វែងរកទីជម្រកនៅក្នុងជំរុំសង្គ្រោះ។
ផ្នែកខ្លះនៃរដ្ឋ Tripura ជាប់ព្រំដែនភាគឦសានរបស់ប្រទេសឥណ្ឌា និងស្រុកនានានៅភាគខាងកើតប្រទេសបង់ក្លាដែស គឺមានភ្លៀងធ្លាក់ខ្លាំងរហូតដល់ជិត២០០ មីលីម៉ែត្រ (ប្រហែល ៨ អ៊ីញ) ក្នុងរយៈពេលប៉ុន្មានថ្ងៃថ្មីៗនេះ ដែលបណ្តាលឱ្យមានទឹកជំនន់ដ៏គ្រោះថ្នាក់កើនឡើងបែបនេះ។
តាមរយៈលោកស្រី Musammat Shahina Akter មន្ត្រីជាន់ខ្ពស់របស់ប្រទេសបង់ក្លាដេស បាននិយាយថា អគាររដ្ឋាភិបាល និងវិទ្យាល័យត្រូវបានបំប្លែងទៅជាកន្លែងស្នាក់នៅ ហើយមនុស្សជាង ២៥០០០ នាក់កំពុងស្នាក់នៅក្នុងជំរុំសង្គ្រោះ។ អ្នកស្រីបានបន្តថា៖ «យើងមិនរំពឹងថាប្រជាជននឹងអាចត្រឡប់មកផ្ទះវិញបានគ្រប់ពេលឆាប់ៗនោះទេ អាចនឹងត្រូវរងចាំមើលស្ថានភាពទឹកជំនន់បន្ទាប់។
ជាចុងក្រោយសង្ឃឹមថាស្ថានភាពទឹកជំនន់នៅប្រទេសបង់ក្លាដេស និងមានការធូរស្រាល សូមកុំឱ្យស្ថានភាពទឹកឡើងខ្លាំងបន្តទៀតសូមឱ្យប្រជាជនបង់ក្លាដេស មានសុវត្ថិភាពឡើងវិញ៕