ជាការពិតណាស់ បើតាមរចែករំលែកពីវេជ្ជបណ្ឌិតជំនាញគឺបានប្រាប់ថា បច្ចុប្បន្នកុមារតូចៗជាច្រើន ជួបបញ្ហារលាកត្រចៀកផ្នែកខាងក្នុង ឬអំបៅអំបែក។

កត្តាសំខាន់មួយដែលធ្វើឱ្យកុមារជួយបញ្ហាអំបៅអំបែកក្នុងត្រចៀកនេះគឺដោយសារម៉ាក់ៗមានទម្លាប់ត្បារត្រចៀកឱ្យកូនហ្នឹងឯង។ ពីព្រោះធម្មជាតិរបស់មនុស្សយើងតាំងពីកុមារមកគឺមានអាចម៌ត្រចៀក ហើយអាចម៌ត្រចៀកនោះគឺវាជួយការពារទឹកកុំឱ្យចូលដល់ក្រដាសត្រចៀក ជួយការពារសត្វល្អិត និងជួយសម្លាប់មេរោគ។ កាលណាយើងត្បារវាចេញ ប្រៀបដូចជាយើងទៅដករបាំងការពារត្រចៀកចេញដូចគ្នា។

អ្វីដែលកាន់តែគ្រោះថ្នាក់ ប្រសិនបើម៉ាក់ ត្បារត្រចៀកឱ្យកូនមិនបានត្រឹមត្រូវ ត្បាររុកចូលជ្រៅខ្លាំង អាចរលាកបណ្ដាលឱ្យមានមេរោគ ក្លាយជាអំបៅអំបែក ប្រសិនបើមិនបានព្យាបាលត្រឹមត្រូវអាចខូចត្រចៀក ស្ដាប់មិនឮ ថ្លង់ជាដើម។ 

ដូច្នេះជម្រើសដ៏ល្អបំផុត ប្រសិនបើម៉ាក់ៗចង់សម្អាតត្រចៀកឱ្យកូន គឺពេទ្យណែនាំឱ្យសំអាតផ្នែកខាងក្រៅ មិនមែនលូកចូលក្នុងត្រចៀកកូននោះទេ ករណីប្រសិនបើមើលឃើញថាកូនរបស់បងប្អូនមានអាចម៌ត្រចៀកក្រាស់ខ្លាំងណែនក្នុងត្រចៀក បងប្អូនគួរណាស់តែនាំមកមន្ទីរពេទ្យដើម្បីឱ្យគ្រូពេទ្យជួយសម្អាតឱ្យទើបត្រឹមត្រូវ។

ពាក់ព័ន្ធជាមួយការត្បារត្រចៀកកូនតូចៗនេះ បងប្អូនកួរណាស់តែប្រយ័ត្នឱ្យបានខ្លាំង ពីព្រោះក្រដាសត្រចៀករបស់ក្មេងគឺស្តើងណាស់ ត្បារតែមិនប្រយ័ត្ននឹងគឺអាចដាច់ត្រដាសត្រចៀកកូនបាន។ ហើយបើយល់ល្អបងប្អូនទាំងអស់គ្នាគួរណាស់តែបញ្ឈប់ទម្លាប់ត្បារត្រចៀកឱ្យកូនតូចៗ។