តាមលោវេជ្ជបណ្ឌិត ហៀង បុប្ជារត្នន៍ ឯកទេសផ្នែកអាហាររូបត្ថម្ភនិងរបបអាហារបានបញ្ជាក់ថាថ្លើមរបស់យើងមានសមត្ថភាពពីធម្មជាតិអាចការព្យាបាលខ្លួនឯងក្នុងរយះពេល២សប្តាហ៍ពេលអ្នកផឹកស្រាតិចតួចឬយូរៗ ម្តង។ បើអ្នកផឹកស្រានិងហូបអាហារមិនល្អរាល់ថ្ងៃ ថ្លើមគ្មានពេលព្យាបាលខ្លួនវាទេ ព្រោះតែជាតិពុលច្រើនពេក។ សរីរាង្គនេះជួយរាងកាយប្រឆាំងនឹងការឆ្លងមេរោគ កម្ចាត់សារធាតុគ្រោះថ្នាក់ និងរក្សាកម្រិតជាតិស្ករក្នុងឈាមឱ្យមានសុខភាពល្អ។ បើអ្នកហូបអាហារទាំង ៥នេះ ថ្លើមរបស់អ្នកនឹងខូចពិបាកព្យាបាលណាស់។
១. អាហារសម្បូរជាតិខ្លាញ់ឆ្អែត៖ អាហារមានជាតិខ្លាញ់ច្រើនដូចជាសាច់ក្រហមលាយខ្លាញ់ច្រើន និងសាច់ក្រកអាចបង្កើនកម្រិតកូឡេស្តេរ៉ុលនាំឱ្យកើតជំងឺខ្លាញ់រុំថ្លើម។ ព្រោះការប្រមូលផ្តុំជាតិខ្លាញ់នៅក្នុងថ្លើមបង្កើនឡើងមានហានិភ័យវិវត្តទៅជាការរលាក និងជំងឺធ្ងន់ធ្ងរដូចជាការក្រិនថ្លើមជាដើម។
២. អាហារកែច្នែសម្បូរជាតិស្ករ៖ អាហារសម្បូរជាតិស្ករកែច្នៃច្រើននាំឱ្យកើតជំងឺខ្លាញ់រុំថ្លើម (NAFLD)។ ពេលផ្ទុកលើសចំណុះ វាបំប្លែងជាតិស្ករលើសទៅជាខ្លាញ់បំផ្លាញថ្លើមទៅវិញ។ នៅខ្មែរយើងមានភេសជ្ជៈលើសជាតិស្ករច្រើន នាំខូចថ្លើមអត់ដឹងខ្លួននិងកើតទឹកនោមផ្អែមថែមទៀត។ អ្នកនឹងឃើញថា ការទទួលទាន ការហូបអាហារនិងភេសជ្ជៈលើសជាតិស្ករជាប្រចាំថ្ងៃនោះ នាំរលាកថ្លើមផងដែរ។
តាមរយៈសាស្ត្រាចារ្យវេជ្ជបណ្ឌិត អ៊ាវ សុខា ឯកទេសមហារីកនិងជំងឺឈាមបានឱ្យដឹងថាអ្នកចូលចិត្តហូបអាហារកែច្នៃ ញុំាច្រើនមិនល្អសម្រាប់សុខភាពរបស់អ្នកទេ ព្រោះវាជាអាហារដែលមានខ្លាញ់អាក្រក់ជាច្រើននៅក្នុងនេះ ខ្លាញ់ទាំងនេះ អាចបង្កជាបញ្ហាសុខភាពច្រើន ប្រភេទ ដូចជា បេះដូង លើសឈាម ប៉ះពាល់ថ្លើមផងដែរ។
៣. អាហារមានកាឡូរីខ្ពស់៖ អាហាររហ័សមានជាតិខ្លាញ់ច្រើន មានសូដ្យូម និងកាឡូរីច្រើននាំអ្នកឱ្យធាត់។ ពេលខ្លាញ់ប្រមូលផ្តុំច្រើននៅក្នុងថ្លើម នេះជាបញ្ហានាំឱ្យថ្លើមរបស់អ្នកមានជំងឺអត់ដឹងខ្លួននោះទេ។
៤. ពេលផឹកស្រាច្រើនហើយច្រើនឆ្នាំនាំឱ្យថ្លើម និងបេះដូងរបស់អ្នកសម្បូរជាតិពុលជាហេតុខូចថ្លើមមិនអាចត្រលប់មកដូចដើមទេហើយបន្សល់ទុកនៅស្លាកស្នាមត្រង់កន្លែងខូចហ្នឹងទៀត។ សូម្បីតែមុខងារថ្លើមនិងបេះដូងចុះខ្សោយអាចប៉ះពាល់ដល់អាយុជីវិតរបស់អ្នកលឿនផងដែរ។ នេះជាការបញ្ជាក់ថា ការផឹកស្រាជាប្រចាំថ្ងៃមួយថ្ងៃ៣ទៅ៨កំប៉ុងនាំឱ្យខូចថ្លើមនិងបញ្ហាបេះដូងយ៉ាងយូរ ៥ទៅ១០ឆ្នាំ៕ អត្ថបទដោយ៖ ទ្រ សុភាព