សម្រស់
៣ចំណុចខ្លឹមៗ! ស្រីៗកាន់តែធ្វើ មើលទៅកាន់តែស្រស់ស្អាត ថ្លៃថ្នូរ មានទំនុកចិត្តមិនខ្វះអ្នកស្រឡាញ់ចូលចិត្ត
Thida Pet
July 9 2024
1 K views

៣ចំណុចខ្លឹមៗ! ស្រីៗកាន់តែធ្វើ មើលទៅកាន់តែស្រស់ស្អាត ថ្លៃថ្នូរ មានទំនុកចិត្តមិនខ្វះអ្នកស្រឡាញ់ចូលចិត្ត

បើនិយាយពីភាពស្រស់ស្អាត ច្បាស់ណាស់បងប្អូនប្រាកដជានឹកទៅដល់ ស្បែកសស្គុះ មុខគ្មានមុនភ្លឺថ្លា ដូចតារាកូរ៉េ ជាក់ជាមិនខាន។ តែភាពស្អាតមិនមែនមើលតែលើសម្រស់ផ្នែកខាងក្រៅតែម្យ៉ាងទេ គឺមើលើច្រើនផ្នែក។ មនុស្សស្រីទោះបីស្អាតយ៉ាងណាក៏ដោយ បើគ្មានសីលធម៌ គេថាស្អាតតែរូប ស្អាតតែរាង ប្រឹងធ្វើតែខ្លួន តែមិនប្រឹងអភិវឌ្ឍន៍ចរិយាផ្នែកខាងក្នុង ។

ដូច្នេះហើយនៅក្នុងវីដេអូនេះ ខ្ញុំនឹងមកប្រាប់បងប្អូនស្រីពី៣ចំណុចខ្លឹមៗ! ស្រីៗកាន់តែធ្វើ មើលទៅកាន់តែស្រស់ស្អាត ថ្លៃថ្នូរ បង្កើនភាពជឿជាក់ មិនខ្វះអ្នកស្រឡាញ់ចូលចិត្ត ឡើយ។

ទី១.ពាក្យសម្ដីគិតមុននិយាយ៖ បងប្អូនធ្លាប់លឺហើយ គេថាមនុស្សយកសម្ដី ដំរីយកភ្លុក។ ដូច្នេះពាក្យសម្ដីគឺអាចបញ្ជាក់ពីចរិតរបស់មនុស្ស ពីការគិតរបស់មនុស្ស ទោះបីមិនបញ្ជាក់១០០ភាគរយ តែគេនឹងមើលលើសម្ដីរបស់យើងមុនគេបង្អស់ ។ ដូច្នេះមុននិយាយស្ដីគួរឆ្លងកាត់ការគិតជាមុន ចាំហាស្ដីតាមក្រោយក៏មិនហួសពេលដែរ ជាពិសេសអាចចៀសបញ្ហាស្ទើរតែ១០០ភាគរយថែមទៀតផង ​បើយើងជាមនុស្សចេះគិតមុននិយាយ។ ព្រោះថាមនុស្សភាគច្រើនគឺឈ្លោះគ្នាដោយសារ តែពាក្យសម្ដីនេះហើយ។ ផ្ទុយទៅវិញបើអ្នកជាមនុស្សស្រីដែលនិយាយស្ដីចេះដឹងខុសត្រូវ ស្គាល់ចាស់ទុំ និយាយស្ដីពិរោះពិសារ ចេះគិតមុននិយាយនោះអ្នកមើលទៅ គឺស្រស់ស្អាត ហើយគួរឱ្យគោរពស្រឡាញ់ពីអ្នកគ្រប់គ្នា តែបើសម្ដីពាក្យពិបាកស្ដាប់ និយាយមិនដឹងខុសត្រូវ គេអាចនឹងងាយតម្លៃអ្នក មួយវិញទៀត អ្នកអាចនឹងទទួលសម្ដីអាក្រក់ត្រឡប់មកវិញ ព្រោះថាធម្មជាតិរបស់មនុស្ស បើយើងសម្ដីអាក្រក់ដាក់គេ គេនឹងអាចប្រើសម្ដីអាក្រក់ត្រឡប់មកអ្នកវិញជាក់ជាមិនខាន។ សរុបមកពាក្យសម្ដីគឺជាសម្រស់១ផ្នែករបស់មនុស្សស្រី។

ទី២ មានជំនាញ ពិតប្រាកដជាប់ខ្លួន៖បើកាលណាយើងជាមនុស្សមានចំណេះដឹងពិតប្រាកដមួយអនាគតយើង នឹងល្អប្រសើរ ព្រោះយើងអាចប្រើជំនាញផ្ទាល់ខ្លួនរបស់យើងដើម្បីរស់បាន។ យើងអាចជាបង្អែកសម្រាប់ខ្លួនឯង អាចជួយខ្លួនឯងបាន។ អ្វីដែលកាន់តែពិសេសជាងនេះ យើងអាចជួយមនុស្សជុំវិញខ្លួនរបស់យើងបានទៀត។

មួយវិញទៀត ការរៀបចំខ្លួនគឺមានច្រើនបែបទៀត តែយើងសូមលើកតែចំនុចសំខាន់ៗប៉ុណ្ណឹងសិន។ សរុបមកការរៀបចំខ្លួនបានត្រឹមត្រូវ ទី១នឹងធ្វើឱ្យយើងស្រស់ស្អាតផ្នែកខាងក្រៅ ហើយទី២ការរៀបចំខ្លួនមានរបៀបរៀបរយ នឹងបង្កើនទំនុកចិត្តភាពជឿជាក់ដល់អ្នកផ្នែកខាងក្នុងទ្វេដង ហើយមនុស្សស្រីដែលមានភាពជឿជាក់ មនុស្សស្រីដែលមានទំនុកចិត្តលើខ្លួនឯង គឺជាមនុស្សស្រីដែលស្រស់ស្អាតបំផុត ។

ទី៣ រៀនកុំឈប់៖ ការៀនសូត្រគឺជារឿងចាំបំផុតមិនថាមនុស្សប្រុសឬក៏ស្រី រៀនពីអ្វីថ្មីៗ ដើរឱ្យទាន់សម័យកាល មនុស្សស្រីគួរតែចាប់ផ្ដើម ចំណេះដឹងខ្លះយើងមិនទាន់ចេះ មកពីយើងមិនបានរៀន បើយើងចំណាយពេលរៀនពីវានោះយើងនឹងអាចចេះ ហើយដើរទាន់គេ។ ជាក់ស្ដែងគួរតែមានផែនការប្រចាំឆ្នាំមានន័យថា យើងគួរកំណត់ខ្លួន​ឯងថា ក្នុង១ឆ្នាំ យើងគួររៀនពីអ្វីខ្លះ នោះកន្លងទៅច្រើនឆ្នាំ​យើងនឹងចេះច្រើន ហើយដើរទាន់សម័យកាល។ មនុស្សស្រីដែលមានចំណេះដឹង មនុស្សស្រីដែលចូលចិត្តការរៀនសូត្រ គឺជាមនុស្សស្រីដែលមានភាពទាក់ទាញ ហើយនាងមើលទៅគឺស្រស់ស្អាតបំផុត៕

សរុបមកចំណុចខ្លឹមទាំង៣នេះ នឹងធ្វើឱ្យមនុស្សស្រីដែលធ្វើបានមានភាពទាក់ទាញ មើលទៅស្រស់ស្អាត មើលទៅថ្ងៃថ្នូរខ្លាំងណាស់​

 

Thida Pet
អំពីអ្នកនិពន្ធ
សួស្ដីបងប្អូនទាំងអស់គ្នា ខ្ញុំធីតាជាអ្នកនិពន្ធផ្នែកចំណីអាហារ សរសេរចែករំលែកពីអាហារល្អសម្រាប់សុខភាពគ្រប់វ័យ ការខិតខំប្រឹងទាំងប៉ុន្មានរបស់ខ្ញុំសង្ឃឹមថាជួយឲ្យបងប្អូនចេះស្រឡាញ់សុខភាពជាអាទិភាពសំខាន់ មានសុខភាពមានអ្វីគ្រប់យ៉ាង។ បងប្អូនមានគំនិតថ្មីទាក់ទងនិងអាហារសុខភាពអាច ទំនាក់ទំនងមកខ្ញុំបានតាមរយៈលេខទូរស័ព្ទ061349997 និងតេលេក្រាមលេខ061349997 សូមអរគុណ៕

អត្ថបទសរុប៖ 1176

អត្ថបទពេញនិយមប្រចាំខែ

#ចិត្តសាស្ត្រ

នារីៗ រើសបុរសមាន ៤ចំណុច កុំឱ្យរបូតពីដៃ ជាគូជីវិតកម្រណាស់
Tror Sopheap
July 9 2024
5.9 K views

#ជំងឺ

ប្រុងប្រយ័ត្ន! ឈឺធ្មេញចេញអាការនេះប្រញាប់  ទៅពេទ្យព្រោះអាចគ្រោះថ្នាក់ដល់ជីវិត
Thida Pet
July 15 2024
4.7 K views

#ជំងឺ

ប្រយ័ត្នប្រយែង នេះជារោគសញ្ញាបង្ហាញថា ស្រ្តី-កុមារ កំពុងប្រឈមខ្វះគ្រាប់ឈា.មក្រហម
Thida Pet
July 2 2024
4.6 K views

#អាហារ

ទឹក២មុខ ផឹកពេលព្រឹក ដាស់ខួរឱ្យស្រឡះល្អ បណ្ដេញជាតិពុលចេញពីថ្លើម
Thida Pet
July 8 2024
4.2 K views

#ជំងឺ

សមាគមបេះដូងអាមេរិកប្រាប់ថា មនុស្ស២ប្រភេទនេះមិនគួរហាត់ប្រាណ២ពេលនេះ អាចនឹងអាយុខ្លី
Daddy_Rath (ប៉ាប៉ារតន៍)
July 1 2024
3.8 K views

#ជំងឺ

ប្រយ័ត្នប្រយែង! រោគសញ្ញាបង្ហាញថាអ្នកអាចប្រឈមជំងឺដុំសាច់ក្នុងភ្នាស់ស្បូន
Thida Pet
July 11 2024
2.9 K views

Cambodia most reliable health website aiming to help Cambodian people spend less and live more out of life.

ទំនាក់ទំនងពួកយើង

#HH36, St 265, Sangkat Teok Laok III, Khan Toul Kork

sam.businesscambodia@gmail.com

(+855) 98 850 854 / (+855) 17 300 755 / 93 300 755

©2024 Healthy Cambodia. All Rights Reserved.

Developed by: Technology Cambodia