មនុស្សស្រីត្រូវការជាតិវីតាមីនE ណាស់។ តាមវេជ្ជបណ្ឌិត Nguyen Anh Duy Tung ជាអ្នកឯកទេសចំណីអាហារូបត្ថម្ភបាននិយាយថាស្រ្តីកង្វះវីតាមីនE នាំឱ្យមានបញ្ហារដូវ កាត់បន្ថយការមានកូន ស្បែកស្ងួត និងមុខចាស់ជាងអាយុ។ នារីពេញវ័យត្រូវការវីតាមីនE ជាមធ្យម៨ទៅ១០ក្រាម។ បុរសត្រូវការវីតាមីនប្រហែល១០ទៅ១២ក្រាម។ ផ្លែឈើទាំង ៦នេះ ល្អដល់សុខភាពបន្តពូជនារីៗ និងរក្សាស្បែកឱ្យក្មេងជាងវ័យ។
១. ផ្លែប័រមានផ្ទុកវីតាមីនE 2.07 មីលីក្រាមក្នុង ១០០ក្រាមរួមជាមួយខ្លាញ់ monounsaturated ជួយបង្កើនការស្រូបយកវីតាមីនរលាយជាតិខ្លាញ់។ ការញ៉ាំផ្លែប័រជារៀងរាល់ថ្ងៃនាំឱ្យមនុស្សស្រ្តីមានតុល្យភាពដល់អ័រម៉ូន ធ្វើឱ្យស្បែកនារីៗ កម្រចាស់ណាស់ និងមានគុណប្រយោជន៍ដល់សុខភាពបេះដូងផងដែរ។
២. ចំពោះផ្លែគីវីសម្បូរទៅដោយវីតាមីន E, C និងជាតិសរសៃច្រើន។ ព្រោះផ្លែឈើនេះមានសារធាតុប្រឆាំងអុកស៊ីតកម្មដើម្បីបង្កើនមុខងារប្រព័ន្ធភាពស៊ាំរឹងមាំ និងកាត់បន្ថយភាពតានតឹងជាកត្តារំខានដល់អរម៉ូនស្បែករបស់ស្ត្រីដែរ។
៣. ផ្លែស្វាយទុំមានជាតិវីតាមីនE ប្រហែល 1.12 មីលីក្រាមក្នុង 100 ក្រាម ហើយបន្ថែមសារធាតុ Beta-carotene ធ្វើឱ្យមានតុល្យភាពអ័រម៉ូន estrogen ធ្វើឱ្យស្បែក និងសក់នារីៗ មានភាពប្រសើរឡើង។
៤. ផ្លែត្របែកក៏មានផ្ទុកនូវវីតាមីនE និងវីតាមីនC ខ្ពស់ មានសារធាតុប្រឆាំងអុកស៊ីតកម្មការពារអូវែរ និងជួយគ្រប់គ្រងអរម៉ូនមនុស្សស្រីបានល្អ។ ការហូបផ្លែត្របែកគឺល្អដល់ស្បែក និងបង្កើនភាពស៊ាំកុំឱ្យស្បែកងាយចាស់។
៥. ផ្លែល្ហុងមានផ្ទុកនូវវីតាមីនE វីតាមីន C សារធាតុ folate ជួយអ័រម៉ូនភេទស្រី ជាពិសេសអំឡុងពេលអស់រដូវ។
៦. ផ្លែរ៉ាសប័រីសម្បូរទៅដោយវីតាមីនE វីតាមីនC និងសារធាតុអង់តូស៊ីយ៉ានីន។ សារធាតុចិញ្ចឹមទាំងនេះជួយធ្វើឱ្យមនុស្សស្រ្តីមានតុល្យភាពអ័រម៉ូន ការពារអូវែរ ប្រឆាំងនឹងការរលាក និងបន្ថយភាពចាស់នៃកោសិកាយ៉ាងល្អបំផុត៕
ដូច្នេះ! អ្នកគួរញ៉ាំផ្លែឈើមួយណាក៏បានដែរជាប្រចាំថ្ងៃដើម្បីសុខភាពស្បែក ការពារសុខភាពបន្តពូជមនុស្សស្រ្តី និងសម្រស់មិនងាយចាស់តាមអាយុនោះទេ។ អ្នកគួរពិសារទឹកមួយថ្ងៃ ២ទៅ៣លីត្រជាង ព្រោះរាងកាយអ្នកត្រូវការជាតិទឹក ៧០%ឯណោះ។ ជាពិសេសអ្នកគួរហាត់ប្រាណបន្ថែម សុខភាពសម្រស់របស់អ្នកកាន់តែល្អ៕ អត្ថបទដោយ៖ ទ្រ សុភាព