១. ជំនួយដល់ការសម្រកទម្ងន់៖ ត្រសក់មានជាតិទឹក 95% ស្ទើរតែគ្មានជាតិខ្លាញ់ និងមានជាតិសរសៃតិចតួច។ ទឹកត្រសក់ធ្វើឱ្យមានអារម្មណ៍ឆ្អែតបានយូរដោយមិនបន្ថែមបរិមាណកាឡូរីច្រើនដល់រាងកាយ។ ផ្ទុយទៅវិញ បរិមាណកាឡូរីដែលប្រើប្រាស់ក្នុងមួយថ្ងៃនឹងថយចុះដែលគាំទ្រដល់ដំណើរការសម្រកទម្ងន់។ ត្រសក់មានភាពត្រជាក់មានប្រសិទ្ធភាពសម្អាតប្រព័ន្ធរំលាយអាហារ និងតម្រងនោម និងជួយបន្សាបជាតិពុលក្នុងរាងកាយ។ នៅពេលដែលរាងកាយត្រូវបានបន្សាបជាតិពុលបានល្អ ការរំលាយអាហារក៏ប្រសើរឡើង។ បន្ទាប់មកប្រព័ន្ធរំលាយអាហារដំណើរការកាន់តែល្អ ហើយការសម្រកទម្ងន់ក៏កាន់តែមានប្រសិទ្ធភាព។

២. ល្អសម្រាប់ស្បែក៖ ត្រសក់មានផ្ទុកវីតាមីន C និងបេតាការ៉ូទីនច្រើន ដែលជួយការពាររ៉ាឌីកាល់សេរីពីការបំផ្លាញកោសិកា។ រ៉ាឌីកាល់សេរីនៅក្នុងរាងកាយអាចបំបែកកូឡាជែនដែលបណ្តាលឱ្យស្បែកបាត់បង់ការបត់បែននិងស្នាមជ្រួញលេចឡើង។ វីតាមីន C ក៏រារាំងការផលិតមេឡានីនផងដែរ។ នេះគឺជាសារធាតុដែលធ្វើឱ្យស្បែកមានពណ៍មិនស្មើគ្នា។ ការទទួលទានទឹកត្រសក់ជាប្រចាំ អាចជួយផ្តល់សំណើមដល់ស្បែក ធ្វើឱ្យស្បែកភ្លឺថ្លា និងការពារភាពចាស់។

៣. គ្រប់គ្រងសម្ពាធឈាម៖ ត្រសក់មានប៉ូតាស្យូមធម្មជាតិច្រើន ដែលមានប្រសិទ្ធភាពក្នុងការគ្រប់គ្រងសម្ពាធឈាម។ ប៉ូតាស្យូមដើរតួនាទីយ៉ាងសំខាន់ក្នុងការធានាតុល្យភាពសូដ្យូមប៉ូតាស្យូមក្នុងរាងកាយ បង្កើនសម្ពាធលើជញ្ជាំងសរសៃឈាម។ ទឹកត្រសក់ក៏មានប្រសិទ្ធិភាពជាថ្នាំបញ្ចុះទឹកនោមប្រភេទស្រាលដែរ។ នេះជួយកម្ចាត់ជាតិទឹក និងជាតិអំបិលដែលលើសតាមបំពង់ទឹកនោម កាត់បន្ថយបរិមាណឈាម និងសម្ពាធលើជញ្ជាំងសរសៃឈាម។ នេះគឺជាកត្តាសំខាន់ណាស់ក្នុងការគ្រប់គ្រងសម្ពាធឈាម។

៤. យកជាតិពុលចេញពីរាងកាយ៖ ទឹកត្រសក់មានលក្ខណៈសម្បត្តិជាថ្នាំបញ្ចុះទឹកនោមបែបធម្មជាតិ ជួយកម្ចាត់ជាតិទឹក និងអំបិលចេញពីរាងកាយ។ ការពារការហើម កាត់បន្ថយបន្ទុកលើតម្រងនោម និងជួយកម្ចាត់កាកសំណល់ និងជាតិពុលចេញពីរាងកាយ។ ត្រសក់ក៏ជួយកាត់បន្ថយហានិភ័យនៃការរលាកដែលបណ្តាលមកពីជាតិពុលដែលកកកុញនៅក្នុងខ្លួនដែរ។

វិធីធ្វើ ៖ ត្រូវមានត្រសក់ ទឹកស្អាត ១ លីត្រ ក្រូចឆ្មា និងស្លឹកជីអង្កាមស្រស់មួយចំនួន។ ត្រសក់ ក្រូចឆ្មា និងស្លឹកជីអង្កាម ត្រូវលាងទឹកឱ្យស្អាត កាត់ត្រសក់ជាចំណិតស្តើងៗ។ ប្រសិនបើត្រសក់ដែលអ្នកដាំនៅផ្ទះខ្លួនឯង ហើយប្រាកដថាវាគ្មានជាតិគីមីអាចធ្វើទាំងសំបកបាន ប៉ុន្តែបើជាត្រសក់ដែលទិញមកពីខាងក្រៅដោយមិនដឹងពីប្រភពរបស់វា ត្រូវតែចិតយកសំបករបស់វាចេញជាមុនសិន។ បន្ទាប់មកកាត់ក្រូចឆ្មាជាចំណិតស្តើងៗ បុកស្លឹកជីអង្កាមថ្នមៗ ដើម្បីបញ្ចេញប្រេងសំខាន់ៗ និងបង្កើតក្លិនក្រអូប។ លាយគ្រឿងផ្សំទាំងអស់ចូលគ្នានៅក្នុងទឹក គ្របវាទុកក្នុងទូទឹកកករយៈពេលប្រហែល 6-8 ម៉ោង។ អ្នកអាចធ្វើវានៅពេលយប់ ដើម្បីឱ្យព្រឹកឡើងអាចញុំាវាបាន។ សារធាតុនៅក្នុងក្រូចឆ្មា ស្លឹកជីអង្កាម ត្រសក់នឹងរលាយចូលទៅក្នុងទឹកនោះ។ 

ផឹកទឹកត្រសក់នៅពេលព្រឹក ឬមុនពេលអាហារ ដើម្បីបង្កើនសមត្ថភាពបន្សាបជាតិពុល និងបន្សុទ្ធរាងកាយ។ ការបន្ថែមស្លឹកគ្រៃ និងស្លឹកជីអង្កាម នឹងជួយបង្កើនរសជាតិនៃភេសជ្ជៈ ក៏ដូចជាជួយបង្កើនសារធាតុប្រឆាំងអុកស៊ីតកម្ម បង្កើនសមត្ថភាពក្នុងការបន្សាបជាតិពុល៕

អត្ថបទដោយ៖ សារួ