សព្វថ្ងៃនេះ មានមនុស្សជាច្រើនស្រ្តេសខ្លាំង ចាប់ផ្តើមបាក់ទឹកចិត្ត រហូតគិតខ្លីក៏មានដែរ។ បើអ្នកកំពុងតែមានបញ្ហាបែបនេះ អ្នកគួរគិតបែបណា? ចម្លើយងាយណាស់! គិតបែបហេតុផលនេះឯង។ នៅក្នុងភាសាជប៉ុន iki មានន័យថា “ការរស់នៅ” ហើយចំណែកពាក្យ gai មានន័យថា “ហេតុផល” សរុអត្ថន័យគឺថា “ហេតុផលដើម្បីរស់នៅ”។ អ្នកសុទ្ធតែមាន ហេតុផលដើម្បីរស់ រស់ឱ្យមានន័យ រស់ឱ្យមានតម្លៃផងដែរ។ តើអ្នករស់ដើម្បីអ្វី?
មានស្រ្តីម្នាក់បានរកឃើញហេតុផលដើម្បីរស់ ក្រោយពីមានវិបត្តិដ៏ធំមួយក្នុងជីវិតរបស់គាត់ហើយព្យាយាមសម្លាប់ខ្លួនដោយគិតថា ជីវិតខ្ញុំរស់នៅឥតប្រយោជន៍អ្វីទេ... តែការចង់សម្លាប់ខ្លួននេះ បែរជាបរាជ័យ។ មកពីគាត់គិតថាខ្លួនមានហេតុផលដើម្បីរស់ជាថាមពលផ្លូវចិត្តរបស់គាត់នោះគឺគាត់មានកូនប្រុសម្នាក់ដែលមានរាងកាយពិកាម្នាក់ផង។ ស្រ្តីនេះបានទៅជួបលោក Viktor frankl ជាពេទ្យចិត្តសាស្រ្តបានព្យាបាលឱ្យគាត់រកឃើញពីអត្ថន័យជីវិតដោយគាត់សួរថា ហេតុអ្វីពេលនោះ អ្នកសម្រេចចិត្តមិនសម្លាប់ខ្លួនទៅវិញ? ជាសំនួរមួយ ធ្វើឱ្យស្រ្តីនេះគិតរកហេតុផលដើម្បីរស់នៅឡើងវិញ ហើយក៏ជាពេលដាស់សតិឱ្យគាត់គិតឃើញថាជីវិតខ្លួមានអត្តន័យផងដែរ។
ហើយស្រ្តីម្នាក់នោះបាននិយាយទៅលោក frankl ថា “ពេលខ្ញុំសម្លឹងមើលពីជីវិតរបស់ខ្ញុំម្តងទៀត និងគិតសារឡើងវិញ “មានហេតុផលមួយជម្រុញចិត្តរបស់ខ្ញុំមិនឱ្យសម្លាប់ខ្លួនគឺដើម្បីកូនប្រុសរបស់ខ្ញុំ” ហើយជីវិតរបស់ខ្ញុំមានភាពរីករាយ មានអត្ថន័យ ហើយខ្ញុំនឹងព្យាយាមរស់នៅឱ្យអស់ពីសមត្ថភាព ដើម្បីកូនប្រុសរបស់ខ្ញុំម្នាក់នេះ។ ជីវិតរបស់ខ្ញុំមិនមែនជាជីវិតរស់ក្នុងការបរាជ័យរហូតនោះទេ។”
ដូចនេះ ជីវិតរបស់អ្នករស់នៅមានតម្លៃ និងមានអត្ថន័យ គឺការរស់នៅដើម្បីជួយអ្នកដទៃ និងខ្លួនឯង។ អ្នកអាចមានហេតុផល រស់នៅដើម្បីឪពុកម្តាយ បងប្អូន ប្រពន្ធ និងដើម្បីអ្នកណាម្នាក់ផ្សេងទៀត។ រស់នៅរបៀបនេះ គេហៅថា រស់ដើម្បីហេតុផល រស់ជាមួយក្តីស្រឡាញ់ដ៏មានអត្ថន័យក្នុងជីវិតនេះ៕ អត្ថបទដោយ៖ ទ្រ សុភាព