ជំងឺមហារីកក្រពេញប្រូស្តាតវាមានគ្រោះថ្នាក់ដល់ប្រដាប់បន្តពូជរបស់បុរសខ្លាំងណាស់។ ព្រោះក្រពេញប្រូស្តាតជាក្រពេញមួយស្ថិតនៅចន្លោះប្លោកនោមនិងលិង្គរបស់បុរស។ អ្វីដែលសំខាន់នោះក្រពេញប្រូស្តាតបង្កើតអង្គធាតុរាវដែលចិញ្ចឹម និងការពារមេជីវិតឈ្មោលឱ្យបានល្អ។ ជំងឺមហារីកក្រពេញប្រូស្តាត(Prostate cancer) ជាជំងឺមហារីកមួយក្នុងចំណោមជំងឺមហារីកកាចផងដែរ។ យោងតាមគេហទំព័សុខភាព Theo Very Well Health បានចុះផ្សាយថា ខាងក្រោមនេះជារោគសញ្ញាជំងឺមហារីកក្រពេញប្រូស្តាតបុរសៗ ត្រូវតែប្រយ័ត្ន។
កោសិកាមហារីកទាំងនេះបន្ទាប់មកបង្កើតដុំសាច់ថ្មីនៅក្នុងឆ្អឹង។ ហើយបន្តរាលដាលដល់ឆ្អឹងណាមួយក្នុងរាងកាយហើយចំពោះឆ្អឹងខ្នងត្រូវបានប៉ះពាល់ញឹកញាប់បំផុត។ តំបន់ផ្សេងទៀតដែលកោសិកាមហារីករីករាលដាលកាន់តែលឿនទៅតំបន់ឆ្អឹងអាងត្រគាក ជើង ដៃ និងឆ្អឹងជំនី។
ចំពោះរោគសញ្ញាជំងឺមហារីកក្រពេញប្រូស្តាតដែលរាលដាលដល់ឆ្អឹងគឺមានអារម្មណ៍ឈឺឆ្អឹង។ ពេលកោសិកាមហារីករាលដាលដល់ឆ្អឹង វាធ្វើឱ្យឆ្អឹងងាយរងផលប៉ះពាល់ចុះខ្សោយ ឆ្អឹងរាងចុះផុយ ហើយដុំសាច់ឆ្អឹងផ្នែកខ្នងអាចសង្កត់លើខួរឆ្អឹងខ្នង និងធ្វើឱ្យខូចសរសៃប្រសាទ។ សញ្ញាផ្សេងទៀតនៃការរីករាលដាលនៃឆ្អឹងរួមមាន លំហូរទឹកនោមខ្សោយ នោមញឹកញាប់ ពិបាកនោម និងការបញ្ចេញទឹកកាមមានការឈឺចាប់។ នៅកាលពីឆ្នាំ ២០១៣ វិទ្យាស្ថានជាតិជំងឺមហារីកនៅអាមេរិកបញ្ជាក់ថា ប្រជាជនអាមេរិកជិត ២៤ម៉ឺននាក់កើតមហារីកប្រភេទនេះ។
អ្នកអាចគ្រប់គ្រងឬការពារលើបញ្ហាមហារីកក្រពេញប្រូស្តាតនេះ តាមរយៈកាត់បន្ថយកត្តាហានិភ័យមួយចំនួនដូចជាគេងឱ្យបានគ្រប់គ្រាន់ ធ្វើលំហាត់ប្រាណ និងចៀសវាងផឹកស្រា ហូបអាហារប្រៃផ្អែមលើសកម្រិត។ ហើយអ្នកគួរទៅជួបពិគ្រោះជាមួយគ្រូពេទ្យជំនាញដើម្បីពិនិត្យជំងឺ និងស្តាប់ពត៌មានបន្ថែមដើម្បីធ្វើការពារជំងឺនេះទុកមុន ឬព្យាបាលជំងឺនេះទាន់នៅជាជំងឺតូច៕ អត្ថបទដោយ៖ ទ្រ សុភាព