ទីមួយ៖ អ្នកមួយចំនួនធំប្រាកដជាញុំាមិនទៀតទេ ដោយសាររវល់ការងារ មុខរបរជាដើម។ តាមអ្នកឧកញ្ញា គួច ម៉េងលី បានបញ្ជាក់ថា មូលហេតុអ្នកមិនអាចសម្រកគីឡូបានលឿន មកពីញ៉ាំអាហារមិនទៀងពេល។ អាចមកពីពួកគាត់ភ្លេចរវល់ការងារច្រើន ពេលខ្លះម៉ោង២ ឬម៉ោង៣ បានគាត់ញ៉ាំបាយ ឬញ៉ាំអាហារម៉ោង ១០យប់នេះ។ ការញ៉ាំមិនបែបនេះ ធ្វើឱ្យគាត់មិនអាចសម្រកគីឡូនេះឯង។ ហើយធ្វើឱ្យប្រព័ន្ធកិនចំណីអាហារមានបញ្ហាពេលក្រោយឬឈឺក្រពះ។” ការញ៉ាំអាហារមិនទៀងពេលបែបនេះ ធ្វើឱ្យសល់អាហារ នាំគាត់ឡើងគីឡូ និងបង្កជំងឺថ្ងៃក្រោយទៀត។ ហើយក៏មានមូលហេតុមួយទៀតដែរ នាំឱ្យមិនចុះគីឡូនោះ គឺមិនការហាត់ប្រាណ។

កត្តាសំខាន់ទីពីរវិញនោះ អ្នកតមអាហារពេលព្រឹកដើម្បីដុតកាឡូរីឱ្យស្រកគីឡូបានលឿន។ ពួកគេមានទំនោរបែបជាញ៉ាំអាហារច្រើននៅពេលថ្ងៃត្រង់ និងអាហារពេលល្ងាចទៅវិញ នេះជាទម្លាប់អាចបណ្តាលឱ្យមានការប្រមូលផ្តុំជាតិខ្លាញ់កាន់តែច្រើនដោយសារកាឡូរីទទួលទាននៅពេលល្ងាចមានឱកាសដុតតិចជាងមុន។

សម្រាប់ទីបី គេងមិនគ្រប់គ្រាន់ក៏ឡើងគីឡូដែរ។ មានការសិក្សាមួយបានបង្ហាញថា មនុស្សដែលគេងមិនបានគ្រប់គ្រាន់ទេ មានកត្តាហានិភ័យធ្វើឱ្យមនុស្សកើតជំងឺធាត់។ មនុស្សពេញវ័យ និងកុមារដែលគេងមិនបានស្កប់ស្កល់មានហានិភ័យខ្ពស់ក្នុងការក្លាយជាមនុស្សធាត់ ៥៥% និង ៨៩% ។ អ្នកដែលបានការគេងគ្រប់គ្រាន់ មានអត្ថប្រយោជន៍ដល់សុខភាពរាងកាយ ផ្លូវចិត្ត និងរក្សាទំងន់របស់អ្នកផងដែរ៕ អត្ថបទដោយ៖ ទ្រ សុភាព