១. រក្សា​គីឡូ បញ្ហាតម្រងនោមក៏គ្មានបញ្ហាអ្វីដែរ។ ​ការ​ធ្វើ​លំហាត់​ប្រាណ​ជា​ប្រចាំ​អាច​ជួយ​អ្នក​សម្រក​ទម្ងន់ កាត់ខ្លាញ់អាក្រក់ចេញពីរាងកាយ ហើយបញ្ចុះជាតិពុលកុំឱ្យអ្នករស់នៅមាន​ហានិភ័យ​កើតជំងឺ​មហារីក​តម្រងនោម។

២. អាហារល្អ តម្រងនោមរីករាយ។ បើអ្នកអាល័យផឹកស្រាជាប្រចាំថ្ងៃនោះ តម្រងនោមរបស់អ្នកនឹងធ្លាក់ខ្លួនឈឺជាមិនខាន។ ហើយអ្នកបន្តទម្លាប់អាក្រក់បន្ថែមទៀតនោះ អ្នកចៀសអត់ផុតពីមហារីកតម្រងនោមនោះទេ។ របបអាហារល្អសម្រាប់តម្រងនោម មានបន្លែស្ពៃក្តោប ផ្កាខាត់ណា ផ្លែសណ្តែកមានជាតិសរសៃខ្ពស់ និងផ្លែឈើដូចជាផ្លែប៉ោម ផ្លែប័រ និងផ្លែក្រូច ផឹកទឹកធម្មតាឱ្យគ្រប់ និងជាពិសេសទឹកដូង...ដើម្បីកាត់បន្ថយហានិភ័យជំងឺកាចមួយនេះ។

៣. ការផឹកជាតិអាល់កុលក្នុងកម្រិតមធ្យមជារឿងល្អដល់តម្រងនោម។ ការផឹកស្រាតិចបែបនេះ ជួយកាត់បន្ថយហានិភ័យការវិវត្តទៅជាមហារីកកោសិកាតម្រងនោម។ សម្រាប់បុរសផឹកស្រាមិនឱ្យលើសពី ២កែវក្នុងមួយថ្ងៃ សម្រាប់ស្ត្រីមិនឱ្យលើសពីមួយកែវក្នុងមួយថ្ងៃ បានវាមិនប៉ះពាល់ដល់តម្រងនោម។

៤. សម្ពាធឈាមខ្ពស់ជាកត្តាហានិភ័យនៃជំងឺមហារីកតម្រងនោម។ បញ្ហានេះគេធ្វើរោគវិនិច្ឆ័យថា កើតចំពោះអ្នកមានសម្ពាធឈាមខ្ពស់រយៈពេលវែង។ ការគ្រប់គ្រងសម្ពាធឈាមដោយសម្រួលអារម្មណ៍កុំខឹង ហូបអាហារល្អៗ និងតាមដានពិនិត្យសុខភាព វាជួយកាត់បន្ថយហានិភ័យនៃជំងឺមហារីក រួមទាំងមហារីកតម្រងនោមផងដែរ។

៥. ការគ្រប់គ្រងជំងឺតម្រងនោមដោយការពិនិត្តសុខភាព។ ការធ្វើតេស្តឈាមជាប្រចាំដើម្បីពិនិត្យមុខងារតម្រងនោម ទោះបីមានជំងឺនេះក៏ដោយ ក៏មានឱកាស​ក្នុង​ការ​ព្យាបាល​កាន់តែ​ខ្ពស់ដែរ។

៦. ជាតិពុលពីបរិស្ថានមួយចំនួនក៏ផ្សារភ្ជាប់ទៅនឹងជំងឺមហារីកតម្រងនោមដែរ។ មានដូចជា ចំហាយប្រេងសាំង ថ្នាំបាញ់សម្លាប់សត្វល្អិត ថ្នាំសម្លាប់ស្មៅ ថ្នាំបាញ់ឡាន និងផ្សែងឡានម៉ូតូ... ដូច្នេះ!​ អ្នកការពារខ្លួនឱ្យបានល្អតាមរយៈផ្លូវដង្ហើមដោយការពាក់ម៉ាស ពាក់ស្រោមដៃ និងឧបករណ៍ដកដង្ហើមខ្លះផងដែរ។

៧. ការផឹកពេលព្រឹកទឹកដោយពោះទទេ ជួយបង្កើនប្រសិទ្ធភាពរាងកាយក្នុងការប្រយុទ្ធប្រឆាំងនឹងការបង្កមេរោគក្នុងក្រពះ និងជួយបណ្តេញជាតិពុលចេញឱ្យតម្រងនោមរបស់អ្នកមានសុខភាពរឹងមាំ៕ អត្ថបទដោយ៖ ទ្រ សុភាព