១. មានស្នាមញញឹម៖ មនុស្សស្រីពុំសូវចិត្តបុរសលេងសើចច្រើននោះទេ ប៉ុន្តែចូលចិត្តបុរសណាមានស្នាមញញឹម។ បើអ្នកចូលចិត្តលេងសើច ពេលនៅក្បែរជាមួយនារីជាទីស្រឡាញ់ កុំលេងសើច អ្នកគួរញញឹមតិចៗ ហើយសម្លឹងផ្ទៃមុខនាង ធ្វើឱ្យនាងទទួលអារម្មណ៍កក់ក្តៅពីចរិតលក្ខណៈរបស់អ្នក។ អ្នកគួរប្រើភាសាចាក់បេះដូងនារីដែលនិយាយប្រកបដោយស្នាមញញឹមថា អូនថ្ងៃនេះស្អាត ឬសក់អូនថ្ងៃស្អាត...។ ភាសាស្នាមញញឹម ជាភាសាស៊ីអារម្មណ៍របស់នារី ហើយអារម្មណ៍នារីៗ ងាយរំភើបពេលឮពាក្យបែបនេះ។ ចំណុចខ្សោយនារី ស្ថិតនៅត្រង់ត្រចៀកនេះឯង។

២. កូនក្មេង៖ បុរសស្រឡាញ់កូនក្មេង ក៏ជាចំណុចទាក់ទាញបេះដូងនារីដែរ។ ព្រោះនាង​ស្រឡាញ់​បុរស​ណាចូលចិត្ត​កូនក្មេង​ខ្លាំង​ណាស់ ទោះ​បីនាង​មិន​ចង់មាន​កូន​ក៏​ដោយ។ ទង្វើរនេះជាសារបញ្ចូលទៅកាន់អារម្មណ៍នារីថា វាជាក្តីស្រឡាញ់។ នាងគិតអាចនឹកស្រមៃបានវែងឆ្ងាយ ពេលអ្នកមានកូនជាមួយគ្នា អ្នកនឹងចេះជួយគ្នាទៅវិញទៅដើម្បីមកមើលកូន។ ការមើលកូននេះ ម្តាយមានការហត់នឿយខ្លាំងណាស់។ បុរសៗ គួរស្រឡាញ់ក្មេង និងសត្វចិញ្ចឹម។

៣. ម្ចាស់ការលើវាសនា៖ នារីស្រឡាញ់បុរសណាដែលមានម្ចាស់ការលើខ្លួនឯង និងមានគោលដៅជីវិតច្បាស់។ នារីជឿថា បើបុរសមិនអាចធ្វើជាម្ចាស់លើខ្លួនឯងផង នាងក៏មិនអាចទុកចិត្តលើបុរសនោះដែរ។ បុរសៗ កុំឱ្យកូនស្រីគេអស្ឈឹម ខំធ្វើការងារ ដើម្បីគោលដៅ និងដើម្បីបង្កើនចំណូល តែមិត្រូវរវល់ភ្លេចបេះដូងនិងផ្តល់ក្តីស្រឡាញ់ឱ្យនាងទេ។

៤. បេះដូងស្មោះតែ១៖ កុំគ្រាន់តែដាក់កាយដាក់អារម្មណ៍លេងសើចជាមួយនាង ចូរដាក់ជីវិតរួមរស់ជាមួយនាង ក្តីស្រឡាញ់បែបនេះ ធ្វើឱ្យអ្នកមានអារម្មណ៍ភាពថ្លៃថ្នូរនិងគួរឱ្យគោរពថែមទៀត។ មានស្នេហ៍តែមួយគឺគ្រប់គ្រាន់ហើយ សំខាន់បំផុតអ្នកត្រូវប្រើវិធីច្រើនណាស់ដើម្បីចិញ្ចឹមកូនក្តីស្រឡាញ់ជាមួយគ្នារហូត(បុរសនិងនារី)៕អត្ថបទដោយ៖ ទ្រ សុភាព