ក្រសួងផ្ដល់យុទ្ធសាស្រ្តថ្មីជួយឲ្យអ្នកធ្វើកម្មវិធីធំៗមិនបារម្ភផ្ទុះឆ្លងកូវីដក្រោយចប់កម្មវិធី
បច្ចុប្បន្នប្រទេសជុំវិញពិភពលោកជាច្រើនកំពុងតែប្រយុទ្ធនឹងវីរុសបំប្លែងខ្លួនថ្មី រួមទាំងអូមីក្រុងផងដែរ ដោយរាល់ថ្ងៃប្រជាជនរបស់ពួកគេស្លាប់រាប់រយអ្នក តែងាកមកប្រទេសយើងគឺពុំសូវមានករណីឆ្លងខ្ពស់ទេ ទោះយ៉ាងណាក្ដីជំងឺអាសន្នរោគនេះគឺនៅតែអាចរាតត្បាតបានពិសេសនៅពេលប្រជាជនខ្វះការធ្វេសប្រហែសហើយផ្ទុះឆ្លងជាចង្កោម។
ជាក់ស្ដែងចំពោះមុខនេះក្រសួងពាក់ព័ន្ធនានានៅតែបង្ហាញការព្រួយបារម្ភខណៈដែលពលរដ្ឋយើងជិតនឹងមានការជួបជុំច្រើននៅថ្ងៃប្រារព្ធពិធីបុណ្យចូលឆ្នាំប្រពៃណីជាតិខ្មែរខាងមុខ ហើយការប្រារព្ធពិធីធំៗដែលមានមនុស្សចូលរួមច្រើនដូចជា កម្មវិធីបុណ្យ ការរៀបអាពាហ៍ពិពាហ៍ ពិធីភ្ជាប់ពាក្យ ជាដើមនៅតែមាននិងមិនទាន់មានការប្រុងប្រយ័ត្នពេញលេញនៅឡើយ។
ហេតុនេះនៅថ្ងៃទី៨ខែមេសាឆ្នាំ២០២២ ខាងអគនាយកដ្ឋានប្រយុទ្ធនឹងជំងឺឆ្លងបានបង្ហើបវិធីសាស្រ្តចំនួន៣ដើម្បីជាជំនួយបន្ថែមក្នុងការបង្ការការចម្លងលក្ខណៈទ្រង់ទ្រាយធំ រួមមាន៖
-ម្ចាស់រៀបចំកម្មវិធីនានាគួរផ្ដល់ជូនតេស្តកូវីដ១៩ ជាមួយលិខិតអញ្ជើញនិងពេលដល់កន្លែងពិធីគួរប្រគល់វត្ថុអនុស្សាវរីយ៍ជាដបអាល់កុល
-អ្នកចូលរួមពិធីគួរតេស្តមុនពេលចូលរោងពិធី ក្នុងករណីតេស្តឃើញវិជ្ជមានគួរផ្អាកការចូលរួម
-បុគ្គលគ្រប់រូបគួរចេះធ្វើតេស្តកូវីដ១៩ដោយខ្លួនឯងបន្ថែម។
បន្ថែមពីវិធីសាស្រ្តខាងលើនេះបងប្អូនក៏មិនត្រូវភ្លេចខ្លួនក្នុងការចាក់វ៉ាក់សុំាងដូសជំរុញបន្ថែមព្រោះ ក្រោយចាក់វ៉ាក់សុំាងកាន់តែយូរអង់ទីករក៏នឹងកាន់តែធ្លាក់ចុះផងដែរ ហេតុនេះគ្រប់៤ខែត្រូវតែទៅចាក់ម្ដងទៀត និងប្រកាន់វិធានការការពារខ្លួនរបស់ក្រសួងសុខាភិបាលឱ្យបានជាប់កុំប្រហែសដើម្បីប្រទេសយើងកាន់តែសុវត្ថិភាព។
